வாழை இலையின் நடுவில் கோடு போட்டது யார்?

கவுண்டமணியைப் பார்த்து செந்தில் கேட்பதைப் போல ,

நேற்று ஒரு நண்பர் என்னைப் பார்த்து கேட்டார் :

“வாழை இலையின் நடுவில ஒரு கோடு போட்டு ரெண்டா பிரிச்சு வச்சிருக்கே ... அந்தக் கோட்டைப் போட்டது யார்..?”

... என்ன பதில் சொல்வது இதற்கு..?

எதுவும் சொல்லத் தோன்றாமல் வாய் மூடி நின்றேன்.



அவரே  இதற்கு ஒரு சுவையான கதையைச் சொன்னார் :

புராண காலங்களில் வாழை இலையின் நடுவில் கோடு கிடையாதாம்..
இராமாயண காலத்தில் .... ஒரு முறை ராமன் சாப்பிடும்போது , அனுமனையும் தன்னுடன் ஒரே இலையில் சாப்பிடச் சொன்னாராம் . இருவரும் எதிர் எதிராக அமர்ந்திருந்தார்களாம் .
அப்போதுதான் அணில் முதுகில் கோடு போட்ட மாதிரி ,வாழை இலையின் நடுவிலும் தனது கையால் ஒரு கோட்டைக் கிழித்தாராம் ராமன்.

ராமர் இருந்த பக்கத்தில் மனிதர்கள் விரும்பி சாப்பிடும் உணவு வகைகளும் , அனுமன் இருந்த எதிர் பகுதியில் குரங்குகள் விரும்பிச் சாப்பிடும் காய்கறிகளும் பரிமாறப்பட்டதாம் .

அப்படி பரிமாறிய அந்தப் பழக்கம்தான் , இன்னும் நம்மிடையே தொன்று தொட்டு தொடர்ந்து வருகிறதாம் .
கதை சுவையாகத்தான் இருக்கிறது...!

நேற்றைய வாழை இலைப் பதிவில் விடுபட்டுப் போன சில விஷயங்களை , இன்றைக்குப் பரிமாறி முடித்து விடலாம்...!

வாழை இலையில் சாப்பிடும் எல்லோருக்கும் ,
சாப்பிடும் முன் ...
ஒரு நொடிக் குழப்பம் ஒன்று வந்தே தீரும்.

“ பரிமாறும்போது இலையை எப்படிப் போடுவது..? இலையின் நுனி இடது பக்கமாக வர வேண்டுமா..? வலது பக்கமா..?”

சிம்பிள் ...

இலையின் நுனி , சாப்பிட அமர்ந்திருப்பவருக்கு இடது கை பக்கமாக வருகிற மாதிரி போட வேண்டும்.
ஏன்..?

நாம் சாப்பிடும்போது , வலது கையால் பிசைந்து சாப்பிடுவதால் , இலையின் வலது பக்கம் அதிக இடம் தேவை..!

சரி ...உப்பு, ஊறுகாய், இனிப்பு இவற்றையெல்லாம் இலையின் குறுகலான இடது பக்கத்தில் வைக்கிறோமே .. அது ஏன்..?

உப்பு, ஊறுகாய், இனிப்பு .. இதையெல்லாம் ஓவராக சாப்பிட்டால் உடம்புக்கு ஒத்துக் கொள்ளாது . கொஞ்சமாகத்தான் சாப்பிட வேண்டும். அதனால்தான் இலையின் குறுகலான பாகத்தில் இட ஒதுக்கீடு !
சாதம் , காய் கறிகள் ... இவற்றையெல்லாம் நிறைய சாப்பிடலாம் . அதனால் அவற்றை இலையின் அகலமான வலது பக்கத்தில் பரிமாற வேண்டும்.

சரி .. இலையில் முதலில் வைக்கப்படும் இனிப்பை , பலர் கடைசியாக சாப்பிடுகிறார்களே ......இது சரிதானா ..?

இல்லை..!

இலையில் முதலில் இனிப்பு பரிமாறப்படுவதற்கு முக்கியமான காரணம் இருக்கிறது .
நாம் இனிப்பை எடுத்து வாயில் வைத்த அடுத்த நொடியில்... அந்த இனிப்பு , உடனடியாக உமிழ் நீருடன் கரைந்து , ரத்தத்தில் கலந்து மூளைக்குச் சென்று , வயிற்றில் ஜீரண சக்திக்கு தேவையான அமிலங்களை சுரக்க செய்ய உத்தரவிடுகிறது . அதனால்தான் ஜீரணம் எளிதாக நடை பெறுகிறது.

அப்பப்பா ! இலையைப் போடுவதிலிருந்து , எப்படி பரிமாறுவது , எதை முதலில் சாப்பிடுவது ...
எல்லாவற்றையும் முறையாக வகுத்துத் தந்திருக்கும் நம் முன்னோரை எப்படிப் பாராட்டுவது..?

ஆனால் ....

இவை எல்லாவற்றையும்
ஃபாஸ்ட் புட் கலாச்சாரத்திற்கு பலி கொடுத்து விட்டு ,
அந்நிய கலாச்சாரத்திற்கு மாறி ,
அடிமைகளாகிக் கொண்டிருக்கும் நம்மை ,
இனி யார் வந்து திருத்துவது..?

பயனுள்ள தகவல் பகிர்வுக்கு நன்றீமா

ஆஹா அருமையான விளக்கம் 
கோடுலே ஒருவர் , சாரி கோடியிலே ஒருவர் நீங்க !

ரமணியன்

சர்க்கரை வியாதி உள்ளவர்கள் எப்படி சாப்பிடவேண்டும் என்பதற்கு டாக்டர் ஒருவர் கொடுத்த விளக்கம் .

இலையில் ஒருபாதியில் சாப்பாடும் குழம்பும் இருக்கும் ; மறுபாதியில் காய்கறிகளும் இருக்கும் அல்லவா !

இப்போது இலையை அப்படியே திருப்பி வைத்துக்கொள்ள வேண்டும் ; அதாவது காய்கறிகள் உள்ள பகுதி முன்பாகவும் , சோறு உள்ள பகுதி மறு பாதியிலும் இருக்கும் .
அதாவது சர்க்கரைவியாதி உள்ளவர்கள் நிறைய காய்கறிகள் சாப்பிடவேண்டும் ; சாதத்தை ஊறுகாய்போல கொஞ்சமாகத் தொட்டுக்கொள்ள வேண்டும் .

இந்த மாதிரி சாப்பிட்டால் சர்க்கரை கட்டுப்பாட்டில் இருக்கும் என்று சொன்னார் .

அன்று   ராமன் சொன்ன வார்த்தையைதான் ,
"அந்த கோட்டை நானும் தாண்டமாட்டேன் நீயும் தாண்டக்கூடாது!" 
என்று ஒரு படத்தில் வடிவேலு கூறுவார். 

ரமணியன்

அருமையான பகிர்வு மா.
கோடு போட்டா என்ன
போடலனா என்ன ?
நமக்குசோறு தான் முக்கியம்.

ஜாஹீதாபானு wrote:பயனுள்ள தகவல் பகிர்வுக்கு நன்றீமா

நன்றி பானு .............படிக்கவே சுவாரஸ்யமாய் இருந்தது அதுதான் போட்டேன்

T.N.Balasubramanian wrote:ஆஹா அருமையான விளக்கம் 
கோடுலே ஒருவர் , சாரி கோடியிலே ஒருவர் நீங்க !

ரமணியன்

ஆமாம் ஐயா, எப்படிப்பட்ட விளக்கம் பாருங்களேன்

M.Jagadeesan wrote:சர்க்கரை வியாதி உள்ளவர்கள் எப்படி சாப்பிடவேண்டும் என்பதற்கு டாக்டர்  ஒருவர்  கொடுத்த  விளக்கம் .

இலையில் ஒருபாதியில் சாப்பாடும் குழம்பும் இருக்கும் ; மறுபாதியில் காய்கறிகளும் இருக்கும் அல்லவா !
இப்போது இலையை அப்படியே திருப்பி வைத்துக்கொள்ள வேண்டும் ; அதாவது காய்கறிகள் உள்ள பகுதி முன்பாகவும் , சோறு உள்ள பகுதி மறு பாதியிலும்  இருக்கும் .
அதாவது சர்க்கரைவியாதி உள்ளவர்கள் நிறைய காய்கறிகள் சாப்பிடவேண்டும் ; சாதத்தை ஊறுகாய்போல கொஞ்சமாகத்  தொட்டுக்கொள்ள வேண்டும் .

இந்த மாதிரி சாப்பிட்டால் சர்க்கரை கட்டுப்பாட்டில் இருக்கும் என்று சொன்னார் .

ம்ம்  .... மனிதன்  போல சாப்பிட்டது போதும் இனி  மற்றது போல உண்ணுங்கள் என்று சொல்லாமல் சொல்கிறார் போலிருக்கிறது ஐயா ......விளையாட்டுக்கு சொன்னேன் ஐயா , நம் நிலைமை அப்படி ஆகிவிட்டது பாருங்கள்

T.N.Balasubramanian wrote:அன்று   ராமன் சொன்ன வார்த்தையைதான் ,
"அந்த கோட்டை நானும் தாண்டமாட்டேன் நீயும் தாண்டக்கூடாது!" 
என்று ஒரு படத்தில் வடிவேலு கூறுவார். 

ரமணியன்