பெயர் வெளியிடாத நபர்களால் கட்சிகளுக்கு ரூ.7,833 கோடி நன்கொடை

**ayyasamy ram** · **ayyasamy ram** Wed Jan 25, 2017 4:34 pm

பெயர் வெளியிட விரும்பாத நபர்கள் மூலம் முக்கிய அரசியல்
கட்சிகள், ரூ.7,833 கோடி நன்கொடை பெற்றதாகத் தகவல்கள்
வெளியாகியுள்ளன.

அதில் அதிகபட்சமாக காங்கிரஸ் கட்சிக்கு ரூ.3,323 கோடி
நன்கொடை கிடைத்திருப்பதாகவும், அதற்கு அடுத்தபடியாக
பாஜகவுக்கு ரூ.2,125 கோடி கிடைத்திருப்பதாகவும் தெரிகிறது.

அதேபோன்று மாநில அரசியல் கட்சிகளைப் பொருத்தவரை
சமாஜவாதி கட்சிக்கு அறியப்படாத நபர்கள் வாயிலாக
ரூ.766 கோடி நன்கொடையாகக் கிடைத்திருப்பதாக தகவல்கள்
வெளியாகியுள்ளன.

அரசியல் கட்சிகளுக்கு வழங்கப்பட்ட நன்கொடை தொடர்பாக
தில்லியைச் சேர்ந்த ஜனநாயக சீர்திருத்த அமைப்பு ஆய்வு மேற்
கொண்டது. கடந்த 2004-ஆம் ஆண்டு முதல் 2015 வரை அரசியல்
கட்சிகள் பெற்ற நன்கொடை விவரங்களை அறிக்கையாக அந்த
அமைப்பு வெளியிட்டுள்ளது.

அதில் குறிப்பிடப்பட்டிருப்பதாவது:

மேற்கண்ட 11 ஆண்டுகளில் அதிகபட்சமாக காங்கிரஸ் கட்சிக்கு
ரூ.3,982 கோடி நன்கொடை கிடைத்துள்ளது. அதில் பெயர் வெளியிட
விரும்பாத நபர்கள் வாயிலாக ரூ.3,323 கோடியை அக்கட்சி
பெற்றுள்ளது. அதற்கு அடுத்த இடத்தில் பாஜக உள்ளது. அக்கட்சிக்கு
மொத்தம் ரூ.3,272 கோடி நன்கொடை கிடைத்துள்ளது. அதில்
அறியப்படாத நபர்கள் மூலம் ரூ.2,125 கோடி பெறப்பட்டுள்ளது.

மாநில அளவில் திமுகவுக்கு மொத்தம் ரூ.203 கோடியும், அதிமுகவுக்கு
ரூ.165 கோடியும் நன்கொடை கிடைத்துள்ளது. சமாஜவாதி கட்சி
அதிகபட்சமாக ரூ.819 கோடி நன்கொடையாகப் பெற்றுள்ளது.
-
----------------------------------------
தினமணி

**T.N.Balasubramanian** · **T.N.Balasubramanian** Wed Jan 25, 2017 6:31 pm

பெயர் வெளியிட விரும்பாத நபர்கள்,
பணத்தை எப்பிடி அனுப்புகிறார்கள் ?
கட்சி ஆபீசில் கொண்டுவந்து போட்டுவிட்டுப் போவார்களா ?
கொடுத்துவிட்டு பெயர் சொல்லாமல் இருக்க கூறுவார்களா ?
10 கோடி கொடுத்துவிட்டு, பெற்றுக்கொண்டவர் 5 கோடிதான்
கொடுத்தார் என்றால் .......
ஒண்ணுமே புரியல ஒலகத்திலே சோகம்

ரமணியன்

**ராஜா** · **ராஜா** Wed Jan 25, 2017 8:41 pm

20000 ரூபாய் வரை பணம் நன்கொடை அளிப்பவரின் முகவரி விபரங்கள் கொடுக்கவில்லையென்றாலும் பறவையில்லையாம் , அரசியல் கட்சிகள் ஒரு ரசீது போட்டு கொடுத்து பணத்தை பெற்றுக்கொள்ளலாம்.

கருப்பு பணத்தை , 20000 ஆயிரம் ரூபாய் ரசீதுகளாக போட்டு தள்ளி கட்சி கணக்கில் சேர்த்து , பிறகு தேவைப்படும் போது எடுத்துக்கொள்ள வேண்டியது தானே புன்னகை

எல்லாம் கொலைஞன் மயம்

**T.N.Balasubramanian** · **T.N.Balasubramanian** Wed Jan 25, 2017 8:44 pm

அரசியல் பெரிய சாக்கடை என்பது உண்மைதான் .

ரமணியன்

**krishnaamma** · **krishnaamma** Thu Jan 26, 2017 5:39 pm

T.N.Balasubramanian wrote:பெயர் வெளியிட விரும்பாத நபர்கள்,
பணத்தை எப்பிடி அனுப்புகிறார்கள் ?
கட்சி ஆபீசில் கொண்டுவந்து போட்டுவிட்டுப் போவார்களா ?
கொடுத்துவிட்டு பெயர் சொல்லாமல் இருக்க கூறுவார்களா ?
10 கோடி கொடுத்துவிட்டு, பெற்றுக்கொண்டவர் 5 கோடிதான்
கொடுத்தார் என்றால் .......
ஒண்ணுமே புரியல ஒலகத்திலே

ரமணியன்

எனக்கும் புரியவில்லை ஐயா....... சோகம்

............ஒன்று மட்டும் புரிகிறது "திருடராய் பார்த்து திருந்தாவிட்டால், திருட்டை ஒழிக்க முடியாது" என்கிறது மட்டும் சரி என்று! புன்னகை