உத்தரப் பிரதேச தேர்தலில் பிரியங்கா பிரச்சாரம் இல்லை: மாநில காங்கிரஸ் கட்சியினர் அதிர்ச்சி

--பிரியங்கா | கோப்புப் படம்
-------------------------

உ.பி.யில் சுமார் 40 ஆண்டுகள் இருந்த தமது ஆட்சியை மீண்டும் பிடிக்க வேண்டும் என்ற நோக்கத்தில் காங்கிரஸ் களம் இறங்கியது. இக்கட்சியின் தேர்தல் ஆலோசகர் பிரஷாந்த் கிஷோர், “உ.பி.யில் பிரியங்காவால் மட்டுமே காங்கிரஸை காப்பாற்ற முடியும்” என்று கூறியிருந்தார். பிரியங்காவை முதல்வர் வேட் பாளராக முன்னிறுத்தவும் அவர் ஆலோசனை அளித்திருந்தார்.

இதை கட்சியின் மூத்த தலைவர்கள் ஏற்கவில்லை. என்றா லும் உ.பி. சட்டப்பேரவை தேர்தலில் பிரியங்கா முதல்முறையாக தீவிரப் பிரச்சாரம் செய்வார் என தலை வர்கள் கூறி வந்தனர். இதற்காக உ.பி. காங்கிரஸார் ஆவலுடன் காத்திருந்தனர். இந்நிலையில் இவர்கள் அனைவரும் ஏமாற்றம் அடையும் வகையில் இந்த முறை யும் பிரச்சாரம் செய்யப்போவ தில்லை என பிரியங்கா முடிவு செய்துள்ளார்.

இது குறித்து ‘தி இந்து’விடம் காங்கிரஸ் கட்சியின் தேசிய நிர்வாகிகள் வட்டாரம் கூறும் போது, “உ.பி. தேர்தலில் பிரச்சாரம் செய்யப்போவதில்லை என்ற தகவலை பிரியங்கா அம்மாநில காங்கிரஸ் தலைவர்களிடம் தெரிவித்துள்ளார். வழக்கம்போல், ராகுல் காந்தியின் அமேதி, சோனியா காந்தியின் ராய்பரேலி ஆகிய தொகுதிகளில் மட்டும் அவர் பிரச்சாரம் செய்வார்” என்று தெரிவித்தனர்.

பிரியங்கா இம்முறை உ.பி. முழுவதும் பிரச்சாரம் செய்வார் என கூறப்பட்டது. மேலும் அங்கு ஆளும் சமாஜ்வாதி கட்சியுடனும் கூட்டணி வருவதால் எளிதில் வென்று விடலாம் என காங்கிரஸ் வேட்பாளர்கள் எண்ணியிருந்த னர். இந்நிலையில் காங்கிரஸ் தனித்து போட்டியிடாமல் சமாஜ் வாதி கட்சியுடன் கூட்டணி சேர்வ தால் பிரியங்கா தனது முடிவை திடீரென மாற்றிக் கொண்டதாகக் கூறப்படுகிறது. இது உ.பி. காங்கிரஸாரை மிகுந்த அதிர்ச்சிக் குள்ளாக்கி உள்ளது.

கடந்த 2012 தேர்தலில் அமேதி மற்றும் ராய்பரேலியின் 10 சட்டப்பேரவை தொகுதிகளில் காங்கிரஸுக்கு 1 தொகுதி மட்டுமே கிடைத்தது. அமேதி, ராய்பரேலியின் ஒவ்வொரு பகுதியிலும் பிரியங்கா தீவிரப் பிரச்சாரம் மேற்கொண்டிருந்தார். தற்போது கூட்டணி அமைத்து போட்டியிட காங்கிரஸ் முடிவு செய்துள்ள நிலையில் தனது பிரச்சார புகழை பிரியங்கா வீணடிக்க விரும்பவில்லை என கூறப்படுகிறது. இதை தேக்கி வைத்து 2019 மக்களவை தேர்தலில் ராகுலை பிரதமராக்க தீவிரப் பிரச்சாரம் செய்வார் எனக் கருதப்படுகிறது.

உ.பி.யின் 403 தொகுதிகளில் வரும் பிப்ரவரி 11 முதல் மார்ச் 8 வரை 7 கட்டங்களாக தேர்தல் நடைபெற உள்ளது. இதில் அகிலேஷ் யாதவ் தலைமை யிலான சமாஜ்வாதி கட்சியுடன் கூட்டணி சேர்ந்து போட்டியிட காங்கிரஸ் முடிவு செய்துள்ளது.
-
தி இந்து