ரூ.49 லட்சம் மின் திருட்டில் ஈடுபட்டதாக நடிகை ரதி மீது போலீசார் வழக்குப்பதிவு செய்துள்ளனர்.

**ayyasamy ram** · **ayyasamy ram** Sat 21 Jan 2017 - 7:46

மும்பை
-
நடிகை வீட்டில் சோதனை

புதிய வார்ப்புகள் என்ற திரைப்படத்தின் மூலம் தமிழ் சினிமாவில்
அறிமுகமானவர் நடிகை ரதி. இவர் தமிழ், இந்தி, தெலுங்கு,
கன்னடம் உள்ளிட்ட பல மொழி படங்களில் நடித்து புகழ் பெற்றவர்.

மும்பையை சேர்ந்த தொழில் அதிபர் அனில் விர்வானியை திருமணம்
செய்து ஒர்லி பகுதியில் வசித்து வருகிறார்.

இந்தநிலையில் சந்தேகத்தின்பேரில் நேற்று முன்தினம்
மின்வினியோகம் செய்யும் நிறுவனமான ‘பெஸ்ட்’ கழக அதிகாரிகள்
நடிகை ரதியின் வீட்டில் அதிரடி சோதனை நடத்தினர்.

ரூ.49 லட்சம் மின்திருட்டு

இந்த சோதனையில் அவரது வீட்டில் உள்ள மின் மீட்டரை
ஓடவிடாமல் செய்து நூதன முறையில் மின்திருட்டில் ஈடுபட்டு
வந்தது கண்டுபிடிக்கப்பட்டது. கடந்த 3 ஆண்டுகளில் ரதியின்
வீட்டில் ரூ.48 லட்சத்து 97 ஆயிரத்திற்கு மின் திருட்டு
நடந்திருப்பதாக கூறப்படுகிறது.

பெஸ்ட் கழகத்தினர் அளித்த புகாரின்பேரில் போலீசார் இந்த
சம்பவம் குறித்து வழக்குப்பதிவு செய்துள்ளனர். இந்த அதிரடி
சோதனை குறித்து பெஸ்ட் கழக அதிகாரி ஒருவர் கூறியதாவது:-

‘சந்தேகம் ஏற்பட்டால் யார் வீட்டில் வேண்டுமானாலும் சோதனை
நடத்த எங்களுக்கு கோர்ட்டு அனுமதி அளித்து உள்ளது. நடிகை
ரதியின் வீட்டில் உள்ள மின் மீட்டரில் ஏதோ பிரச்சினை இருப்பதாக
உணர்ந்தோம். எனவே அங்கு போலீசார் உதவியுடன் சென்று
சோதனை நடத்தினோம்.

இவ்வாறு அவர் கூறினார்.

**T.N.Balasubramanian** · **T.N.Balasubramanian** Sat 21 Jan 2017 - 13:14

நமக்கு எல்லாமே காசில்லாமல் கிடைத்தால் சுகம்தான் .
ரதி வீட்டில் நடந்த மின் சதி, ஷாக்கிங்.

ரமணியன்

**M.Jagadeesan** · **M.Jagadeesan** Sat 21 Jan 2017 - 14:25

ரீடிங் எடுக்கச் செல்லும்போது , கூடவே ஒரு மின்பொறியாளரையும் அழைத்துச் செல்லவேண்டும் . அப்போதுதான் இதுபோன்ற தகிடு தத்தங்கள் நடக்காது தவிர்க்கலாம் . மூன்று ஆண்டுகளாக ரதியின் சதியை யாரும் கண்டுபிடிக்காதது வியப்பாக உள்ளது .

Sponsored content · Sponsored content

ரூ.49 லட்சம் மின் திருட்டில் ஈடுபட்டதாக நடிகை ரதி மீது போலீசார் வழக்குப்பதிவு செய்துள்ளனர்.

ரூ.49 லட்சம் மின் திருட்டில் ஈடுபட்டதாக நடிகை ரதி மீது போலீசார் வழக்குப்பதிவு செய்துள்ளனர்.

Re: ரூ.49 லட்சம் மின் திருட்டில் ஈடுபட்டதாக நடிகை ரதி மீது போலீசார் வழக்குப்பதிவு செய்துள்ளனர்.

Re: ரூ.49 லட்சம் மின் திருட்டில் ஈடுபட்டதாக நடிகை ரதி மீது போலீசார் வழக்குப்பதிவு செய்துள்ளனர்.

Re: ரூ.49 லட்சம் மின் திருட்டில் ஈடுபட்டதாக நடிகை ரதி மீது போலீசார் வழக்குப்பதிவு செய்துள்ளனர்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக