பணி ஓய்வு

ச. சந்திரசேகரன் · 16/09/2012

பணி ஓய்வு

பணியிலிருந்து ஓய்வு - அதிகாலைப்
பனியிலிருந்தும் ஓய்வு

வேலையிலிருந்து ஓய்வு - பரபரக்கும்
சாலையிலிருந்தும் ஓய்வு

நேரத்திலிருந்து ஓய்வு - கடக்கின்ற
தூரத்திலிருந்தும் ஓய்வு

வேகத்திலிருந்து ஓய்வு - பணித்
தாகத்திலிருந்தும் ஓய்வு

ஓட்டத்துக்கு ஓய்வு - அதிகாரத்தின்
காட்டத்துக்கும் ஓய்வு

கட்டுச்சோறுக்கு ஓய்வு - மேலிடத்தின்
திட்டுகளுக்கும் ஓய்வு

அவசரத்திற்கு ஓய்வு - அதிகாலைப்
பரவசத்திற்கும் ஓய்வு

விழித்தலுக்கும் ஓய்வு - அறியாது
முழித்தலுக்கும் ஓய்வு

சம்பளத்துக்கு ஓய்வு - சிவப்புக்
கம்பளத்துக்கும் ஓய்வு

கடிதத்துக்கு ஓய்வு - அலறும்
கடிகாரத்துக்கும் ஓய்வு

பயணத்திற்கு ஓய்வு - அலுவலக
சயனத்திற்கும் ஓய்வு

மதியஉணவுக்கு ஓய்வு - வீட்டில்
புதியஉணவுக்கு ஆய்வு

சம்சாரத்துக்கு ஓய்வு - அலுவலக
சமாசாரத்துக்கும் ஓய்வு

விடுப்புக்கு ஓய்வு - வீட்டில்
அடுப்பினிலே ஆய்வு

ச.சந்திரசேகரன்