பாதுகாப்பு படையினருக்கு மோசமான உணவு: மத்திய அரசுக்கு டெல்லி ஐகோர்ட் நோட்டீஸ்

by **ayyasamy ram** Tue Jan 17, 2017 8:05 pm

--
புதுடெல்லி:

எல்லைப் பாதுகாப்பு படையில் மிக மோசமான உணவு வழங்கப்
படுவதாகவும், சில நேரங்களில் வெறும் வயிற்றோடு படுக்கச்
செல்வதாகவும் 29-வது பட்டாலியனை சேர்ந்த தேத் பதூர் யாதவ்
என்ற வீரர் குற்றம்சாட்டி இருந்தார்.

மேலும் அவர் தங்களுக்கு வழங்கப்படும் மூன்று வேளை
உணவுகளையும் அந்த வீடியோவில் ஒவ்வொன்றாக காட்டி
விளக்கினார். இது மிகவும் உருக்கமாக இருந்தது.

படை வீரர்களுக்கு உணவு தயாரிப்பதற்காக வழங்கப்படும்
பொருட்களை உயர் அதிகாரிகள் ஏமாற்றி வெளிச்சந்தையில்
விற்பனை செய்வதாக மற்றொரு எல்லை பாதுகாப்பு படை
வீரர் ஒருவர் குறிப்பிட்டிருந்தார்.

இதேபோன்ற மற்றொரு வீடியோவும் எல்லைப்பகுதியில் நமது தாய்
நாட்டை பாதுகாக்க கடமையாற்றும் வீரர்களுக்கு இழைக்கப்படும்
அநீதியை சுட்டிக்காட்டும் வகையில் அமைந்திருந்தது.

இந்நிலையில், அந்த வீரரின் குற்றச்சாட்டை சுட்டிக்காட்டி டெல்லி
ஐகோர்ட்டில் தொடரப்பட்டுள்ள வழக்கை இன்று விசாரித்த நீதிபதி
இவ்விவகாரம் தொடர்பாக பதில் அளிக்குமாறு மத்திய உள்துறை
அமைச்சகம், துணை ராணுவப் படையின் பிரிவுகள் ஆகியவற்றுக்கு
நோட்டீஸ் அனுப்புமாறு உத்தரவிட்டுள்ளது.
-
--------------------------------
மாலை மலர்

by **krishnaamma** Tue Jan 17, 2017 8:21 pm

//படை வீரர்களுக்கு உணவு தயாரிப்பதற்காக வழங்கப்படும்
பொருட்களை உயர் அதிகாரிகள் ஏமாற்றி வெளிச்சந்தையில்
விற்பனை செய்வதாக மற்றொரு எல்லை பாதுகாப்பு படை
வீரர் ஒருவர் குறிப்பிட்டிருந்தார்.//

அவங்களுக்கு வழங்கப்படும் பெட்ரோலைக்கூட குறைந்த விலைக்கு வெளி இல் விற்று விடுகிறார்களாம் உயர் அதிகாரிகள்.......... சோகம்

.....மஹா கேவலம்............எத்தனை எத்தனை துன்பத்தில் நமக்காக தங்களின் மனைவி மக்களை பிரிந்து, எல்லை இல் பணி புரிகிறார்கள் நம் ராணுவவீரர்கள்..........அவங்க சாப்பாட்டில் போய் கைவைக்கிறார்களே.......இவங்க நல்லா இருப்பாங்களா? ...... கோபம்

.
.
இப்படி வெளி இல் சொன்னதால் அந்த வீரர் எப்போதும் சண்டை போடுபவர் என்றும் , அவர் போட்டுள்ள இந்த செய்திக்கு யார் யார் லைக் போட்டுள்ளார்களோ அவர்கள் அதைத் திரும்பப் பெறவேண்டும் என்றும் மேலிடத்தில் இருந்து 'பிரஷர்' போடுகிறார்களாம்....என்ன கொடுமை இது? சோகம்

by **ayyasamy ram** Tue Jan 17, 2017 8:46 pm

சமூக வலைதளங்கள் மூலமாக தங்களது பிரச்சனைகளை
ராணுவ வீரர்கள் பேசுவது தவறானது என்று அதிகாரிகள்
தரப்பில் தெரிவிக்கப்பட்டுள்ளது.
-
நீதிமன்ற விசாரணைக்கு ஏற்றுள்ளதால், அந்த வீரர்கள்
தண்டனையிலிருந்து தப்ப வாய்ப்பு இருக்கலாம்...!!

by **krishnaamma** Tue Jan 17, 2017 10:16 pm

ayyasamy ram wrote:சமூக வலைதளங்கள் மூலமாக தங்களது பிரச்சனைகளை
ராணுவ வீரர்கள் பேசுவது தவறானது என்று அதிகாரிகள்
தரப்பில் தெரிவிக்கப்பட்டுள்ளது.
-
நீதிமன்ற விசாரணைக்கு ஏற்றுள்ளதால், அந்த வீரர்கள்
தண்டனையிலிருந்து தப்ப வாய்ப்பு இருக்கலாம்...!!

மேற்கோள் செய்த பதிவு: 1231663

பாவம் அவங்க, நேரடியா எத்தனை முறை சொல்லி பார்த்தங்களோ ................ஒரு பிரயோஜனமும் இல்லை என்று இப்படி முயற்சித்திருக்கலாமே அண்ணா .............முதலில் சீக்கிரம் விசாரித்து நல்ல சாப்பாடு போட வைக்க வேண்டும் அவர்களை.....பாவம் நம் வீரர்கள் சோகம்

by Sponsored content

பாதுகாப்பு படையினருக்கு மோசமான உணவு: மத்திய அரசுக்கு டெல்லி ஐகோர்ட் நோட்டீஸ்

பாதுகாப்பு படையினருக்கு மோசமான உணவு: மத்திய அரசுக்கு டெல்லி ஐகோர்ட் நோட்டீஸ்

Re: பாதுகாப்பு படையினருக்கு மோசமான உணவு: மத்திய அரசுக்கு டெல்லி ஐகோர்ட் நோட்டீஸ்

Re: பாதுகாப்பு படையினருக்கு மோசமான உணவு: மத்திய அரசுக்கு டெல்லி ஐகோர்ட் நோட்டீஸ்

Re: பாதுகாப்பு படையினருக்கு மோசமான உணவு: மத்திய அரசுக்கு டெல்லி ஐகோர்ட் நோட்டீஸ்

Re: பாதுகாப்பு படையினருக்கு மோசமான உணவு: மத்திய அரசுக்கு டெல்லி ஐகோர்ட் நோட்டீஸ்