சட்டத்துக்கு அப்பாற்பட்டவர் யாருமில்லை: சகோதரர் அலுவலக சோதனை பற்றி பிரதான்

**ayyasamy ram** · **ayyasamy ram** Tue 17 Jan 2017 - 8:52

-
தனது சகோதரரின் சமையல் எரிவாயு விநியோக அலுவலகத்தில்
நடைபெற்ற சோதனை குறித்து கருத்துத் தெரிவித்த மத்திய
பெட்ரோலியத் துறை அமைச்சர் தர்மேந்திர பிரதான்,

"நமது நாட்டில் சட்டத்துக்கு அப்பாற்பட்டவர் என்று யாரும் இல்லை.
அவர் தவறு செய்திருந்தால், சட்டம் தன் கடமையைச் செய்யலாம்'
என்று தெரிவித்தார்.

ஒடிஸாவில் சமையல் எரிவாயு உருளைகள் கள்ளச்சந்தையில்
பெருமளவில் விற்பனை செய்யப்படுவதாக தொடர்ந்து புகார்கள்
வந்தன. இதையடுத்து அந்த மாநில லஞ்ச ஒழிப்புத் துறையினர்
பல்வேறு நகரங்களில் உள்ள சமையல் எரிவாயு விநியோக
மையங்களில் சனிக்கிழமை அதிரடி சோதனை நடத்தினர்.

இதில் பெட்ரோலியத் துறை அமைச்சர் தர்மேந்திர பிரதானின்
சகோதரர் நடத்தி வந்த எரிவாயு விநியோக மையமும் அடங்கும்.
பெட்ரோலிய அமைச்சரின் சகோதரரின் எரிவாயு விநியோக
மையத்தில் நடைபெற்ற சோதனை பரபரப்பை ஏற்படுத்தியது.

இந்நிலையில், தில்லியில் திங்கள்கிழமை இது தொடர்பாக
தர்மேந்திர பிரதான் கூறியதாவது:

அத்தியாவசியப் பொருள்கள் சட்டத்தின்படி இதுபோன்ற
சோதனைகளை நடத்த மாநில அரசுகளுக்கு உரிமை உண்டு.
அவர்கள் நடத்திய சோதனையில் குற்றத்துக்கான ஆதாரம் இருந்தால்
அடுத்தகட்ட நடவடிக்கை எடுப்பார்கள். இதனை அரசியல் பழிவாங்கும்
நடவடிக்கை என்று நான் கூறப்போவது இல்லை.

நமது நாட்டில் சட்டத்துக்கு அப்பாற்பட்டவர்கள் என்று யாரும் கிடையாது.
யார் தவறு செய்திருந்தாலும் சட்டம் தன் கடமையைச் செய்யும் என்றார்
அவர்.
-
--------------------------------------
தினமணி

சட்டத்துக்கு அப்பாற்பட்டவர் யாருமில்லை: சகோதரர் அலுவலக சோதனை பற்றி பிரதான்

சட்டத்துக்கு அப்பாற்பட்டவர் யாருமில்லை: சகோதரர் அலுவலக சோதனை பற்றி பிரதான்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக