மதிப்பிழந்த ரூ.4 லட்சத்துடன் வாழ்க்கை நடத்திய மூதாட்டி: விழிப்புணர்வு இல்லாததால் பரிதாபம்

**ayyasamy ram** · **ayyasamy ram** Sat Jan 14, 2017 9:51 am

-
கேரள மாநிலம், எர்ணாகுளம் மாவட் டம், வராபுழா அருகில் உள்ள சிறைக்கு அகம் பகவதி பாறை பகுதியைச் சேர்ந்தவர் ஸ்த்தாயி(75). கேரள அரசின் கால்நடைத் துறையில் ஊழியராக இருந்து ஓய்வு பெற்ற இவர், ஓய்வூதியமும் பெறுகிறார்.

சில ஆண்டுகளுக்கு முன் கண வரையும், மகளையும் பறிகொடுத்த இவர், அதன் பின், உறவினர்களி டமோ, பக்கத்து வீட்டுக்காரர்களிடமோ பேசாமல், தனிமையில் வாழ்ந்து வந்தார்.

டிவி, வானொலி போன்ற வையும் அவரது வீட்டில் இல்லை. நான்கைந்து மாதங்களுக்கு ஒரு முறை வங்கிக்கு சென்று ஓய்வூதியம் பெற்றுக்கொண்டு, தேவையான பொருட்களை மொத்தமாக வாங்கிக் கொண்டு, மீண்டும் வீட்டுக்கு சென்றுவிடுவார்.

அதுபோல், 2 நாட்களுக்கு முன் மளிகைக் கடைக்கு சென்ற இவர், மதிப்பு நீக்கம் செய்யப்பட்ட 1,000 ரூபாய் தாளை கொடுத்துள்ளார். அந்தப் பணம் செல்லாது என்று கடைக்காரர் சொன்னதும் அதிர்ச்சி அடைந்து, சண்டை போட்டுள்ளார். மீண்டும் வீட்டுக்கே சென்றுவிட்டார்.

இவ்விவகாரம் வராபுழா ஊராட்சி நிர்வாகத்துக்கு தெரியவந்தது. ஊராட்சித் தலைவர் கே.எஸ்.முகமது, செயலாளர் மஞ்சுளா மற்றும் வார்டு உறுப்பினர்கள், மூதாட்டியின் வீட்டுக்குச் சென்று விசாரித்தனர். ஆனால், அவர்களை நம்பாமல் வீட்டுக் கதவையே மூதாட்டி திறக்கவில்லை.

அறியாமையின் விளைவு

பின்னர், வராப்புழா போலீஸ் உதவி ஆய்வாளர் ஷாரோன் மற்றும் ஊராட்சி நிர்வாகிகள் மூதாட்டியிடம், அரசின் நடவடிக்கையை விளக்கினர். அவர் சேர்த்து வைத்திருந்த 1,000 ரூபாய் தாள்கள் 130 மற்றும் 500 ரூபாய் தாள்கள் 540 என 4 லட்சம் ரூபாயைப் பெற்றனர். இந்தப் பணத்தை கருவூலத்தில் ஒப்படைக்க உள்ளதாகவும், மூதாட்டி யின் அறியாமையைக் கருதி, அத்தொகையை செல்லத்தக்க பணமாக வழங்க நடவடிக்கை எடுக்கப்படும் எனவும், ஊராட்சி தரப்பினர் தெரிவித்தனர்.

சிவனாசான் · சிவனாசான் Sat Jan 14, 2017 5:51 pm

நாலு லட்சம் வீட்டில் பதுக்கி வைத்து பணபறிமாற்றத்தை தடைசெய்ய
மட்டும் விழிப்புணர்வு இருந்த தா ? என்ன வினோதம்.....................பணம்
ஓர் இடத்தில் முடங்கி இருக்க இல்லீங்க. நல்ல தண்டனை >>>>>>>>>

**ராஜா** · **ராஜா** Sun Jan 15, 2017 11:32 am

மதிப்பிழந்த ரூ.4 லட்சத்துடன் வாழ்க்கை நடத்திய மூதாட்டி: விழிப்புணர்வு இல்லாததால் பரிதாபம்

பாட்டி , இவ்வளவு பணம் உங்களிடம் இருக்குன்னு வேறு யாருக்கும் தெரியாததால் (விழிப்புணர்வு இல்லாததால் புன்னகை

) தான் நீங்க உயிரோடு இருந்துருக்கிறீங்க புன்னகை

**krishnaamma** · **krishnaamma** Sun Jan 15, 2017 11:42 am

அடப்பாவமே ! சோகம்

**krishnaamma** · **krishnaamma** Sun Jan 15, 2017 11:42 am

ராஜா wrote:
மதிப்பிழந்த ரூ.4 லட்சத்துடன் வாழ்க்கை நடத்திய மூதாட்டி: விழிப்புணர்வு இல்லாததால் பரிதாபம்
பாட்டி , இவ்வளவு பணம் உங்களிடம் இருக்குன்னு வேறு யாருக்கும் தெரியாததால் (விழிப்புணர்வு இல்லாததால் ) தான் நீங்க உயிரோடு இருந்துருக்கிறீங்க

மேற்கோள் செய்த பதிவு: 1231397

ம்ம் .. நீங்கள் சொல்வதும் சரிதான் ராஜா புன்னகை

**T.N.Balasubramanian** · **T.N.Balasubramanian** Sun Jan 15, 2017 12:04 pm

அறியாமை/ கஞ்சத்தனம் --வீட்டில் TV , வானொலி இல்லை,தினசரி வாங்குவதில்லை .
நம்பிக்கையின்மை..அண்டை அயலாருடன் ஒட்டுவதில்லை.உதவ சென்றவர்களை நம்பாது கதவை திறக்காத குணம்.

இவர் மீது எனக்கு நிச்சயமாக பச்சாதாபம் ஏற்படவில்லை.மனிதனை மனிதன் நம்பாவிட்டால் இந்த கஷ்டம்தான் வரும். நாளையே மரணம் இவரை அணுகினால், யாருக்கு தெரியும் இவர் மறைவு. உடல் நாறி, ஊரார் வீட்டை உடைத்து எரித்தால்தான் உண்டு.

ரமணியன்

**ராஜா** · **ராஜா** Sun Jan 15, 2017 12:37 pm

T.N.Balasubramanian wrote:அறியாமை/ கஞ்சத்தனம் --வீட்டில் TV , வானொலி இல்லை,தினசரி வாங்குவதில்லை .
நம்பிக்கையின்மை..அண்டை அயலாருடன் ஒட்டுவதில்லை.உதவ சென்றவர்களை நம்பாது கதவை திறக்காத குணம்.

இவர் மீது எனக்கு நிச்சயமாக பச்சாதாபம் ஏற்படவில்லை.மனிதனை மனிதன் நம்பாவிட்டால் இந்த கஷ்டம்தான் வரும். நாளையே மரணம் இவரை அணுகினால், யாருக்கு தெரியும் இவர் மறைவு. உடல் நாறி, ஊரார் வீட்டை உடைத்து எரித்தால்தான் உண்டு.

ரமணியன்

உண்மை தான் ஐயா ,

சென்னை போன்ற பெருநகரங்களில் தான் இப்படி இருப்பார்கள் , இப்ப சிறிய ஊர்கள் / கிராமங்களிலும் இது போல அண்டை வீட்டாருடன் பழகாமல் இருக்கிறார்கள் சோகம்

Sponsored content · Sponsored content

மதிப்பிழந்த ரூ.4 லட்சத்துடன் வாழ்க்கை நடத்திய மூதாட்டி: விழிப்புணர்வு இல்லாததால் பரிதாபம்

மதிப்பிழந்த ரூ.4 லட்சத்துடன் வாழ்க்கை நடத்திய மூதாட்டி: விழிப்புணர்வு இல்லாததால் பரிதாபம்

Re: மதிப்பிழந்த ரூ.4 லட்சத்துடன் வாழ்க்கை நடத்திய மூதாட்டி: விழிப்புணர்வு இல்லாததால் பரிதாபம்

Re: மதிப்பிழந்த ரூ.4 லட்சத்துடன் வாழ்க்கை நடத்திய மூதாட்டி: விழிப்புணர்வு இல்லாததால் பரிதாபம்

Re: மதிப்பிழந்த ரூ.4 லட்சத்துடன் வாழ்க்கை நடத்திய மூதாட்டி: விழிப்புணர்வு இல்லாததால் பரிதாபம்

Re: மதிப்பிழந்த ரூ.4 லட்சத்துடன் வாழ்க்கை நடத்திய மூதாட்டி: விழிப்புணர்வு இல்லாததால் பரிதாபம்

Re: மதிப்பிழந்த ரூ.4 லட்சத்துடன் வாழ்க்கை நடத்திய மூதாட்டி: விழிப்புணர்வு இல்லாததால் பரிதாபம்

Re: மதிப்பிழந்த ரூ.4 லட்சத்துடன் வாழ்க்கை நடத்திய மூதாட்டி: விழிப்புணர்வு இல்லாததால் பரிதாபம்

Re: மதிப்பிழந்த ரூ.4 லட்சத்துடன் வாழ்க்கை நடத்திய மூதாட்டி: விழிப்புணர்வு இல்லாததால் பரிதாபம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக