ஏ.டி.எம்., கார்டு மூலம் பணம் செலுத்தியவருக்கு ரூ.1,000 பரிசு

**ayyasamy ram** · **ayyasamy ram** Fri Jan 13, 2017 12:06 pm

மங்களூரு: மருந்து கடையில், ஏ.டி.எம்., கார்டு மூலம் பணம் செலுத்தியதற்காக, மத்திய அரசு நடத்திய குலுக்கலில், மங்களூரு நபருக்கு 1,000 ரூபாய் பரிசு கிடைத்துள்ளது.
செல்லாத ரூபாய் நோட்டு அறிவிப்புக்கு பின், டிஜிட்டல் பண பரிவர்த்தனைக்கு பிரதமர் நரேந்திர மோடி, அதிக முக்கியத்துவம் அளித்து வருகிறார். இதன் ஒரு பகுதியாக ஏ.டி.எம்., கார்டு, ஸ்வைப் செய்யும் வாடிக்கையாளர்கள் மற்றும் வியாபாரிகளை ஊக்குவிக்கும் வகையில், குலுக்கல் முறையில் அதிர்ஷ்டசாலிகளை தேர்ந்தெடுத்து பரிசு வழங்கும் திட்டம் அறிமுகப்படுத்தப்பட்டது.

இத்திட்டத்தின் கீழ், தினமும், 15 ஆயிரம் அதிர்ஷ்டசாலிகள் அல்லது வியாபாரிகளை குலுக்கல் முறையில் தேர்ந்தெடுத்து, தலா ஆயிரம் ரூபாய் வழங்கப்படுகிறது. மேலும், வாரந்தோறும் ஏழாயிரம் பேரை தேர்ந்தெடுத்து, தலா, 50 ஆயிரம் ரூபாய் வழங்கப்படுகிறது. அம்பேத்கர் பிறந்த தினமான, ஏப்ரல், 14ம் தேதி, மெகா குலுக்கல் நடத்தப்படும். இதில் தேர்ந்தெடுக்கப்படும் நபருக்கு முதல் பரிசாக, ஒரு கோடி ரூபாயும், இரண்டாம் பரிசாக, 50 லட்சம் ரூபாயும், மூன்றாம் பரிசாக, 25 லட்சம் ரூபாயும் வழங்கப்படுமென மத்திய அரசு அறிவித்துள்ளது.

இத்திட்டம் வந்த பின் ஏ.டி.எம்., கார்டு மூலம் பண பரிவர்த்தனை செய்வது நாளுக்கு நாள் அதிகரித்து வருகிறது. மங்களூரு உர்வா பகுதியை சேர்ந்த விஸ்வநாத் பிரபு என்பவர், தன் தாய்க்கு உடல் நிலை சரியில்லாததால், அங்குள்ள கே.எம்.சி., மருத்துவமனையின் மருந்து கடையில், 31ம் தேதி, 1,000 ரூபாய்க்கு மருந்துகள் வாங்கினார்.

இதையடுத்து, 2ம் தேதி இவரது வங்கி கணக்கில், 1,000 ரூபாய், 'டிபாசிட்' செய்துள்ளதாக மொபைல் போனுக்கு ஒரு குறுஞ்செய்தி வந்துள்ளது. பின், ஏ.டி.எம்., கார்டு பயன்படுத்தியதற் காக குலுக்கல் அதிர்ஷ்டசாலியாக அவரை தேர்ந்தெடுத்துள்ளதாகவும், பரிசு, வங்கிக் கணக்கில் டிபாசிட் செய்துள்ளதாகவும் மற்றொரு குறுஞ்செய்தி வந்துள்ளது. இதனால் விஸ்வநாத் பிரபு மகிழ்ச்சியடைந்துள்ளார்.
-
தினமலர்

**T.N.Balasubramanian** · **T.N.Balasubramanian** Fri Jan 13, 2017 2:32 pm

இனிமே உங்களுக்கு மத்திய அரசு குலுக்கலில், 1000 ,5000 ரூபாய் விழுந்து இருக்கு.
உங்க பேங்க் டீடைல்ஸ் கொடுங்க, கார்டு / CV நம்பர் சொல்லுங்க என்று ஒரு பித்தலாட்ட கும்பல் உருவாகிடும் .
யாரும் ஏமாறாதீர்கள். சுய விவரங்களை கொடுக்காதீர்கள்.
ரமணியன்

**krishnaamma** · **krishnaamma** Fri Jan 13, 2017 5:10 pm

//இத்திட்டத்தின் கீழ், தினமும், 15 ஆயிரம் அதிர்ஷ்டசாலிகள் அல்லது வியாபாரிகளை குலுக்கல் முறையில் தேர்ந்தெடுத்து, தலா ஆயிரம் ரூபாய் வழங்கப்படுகிறது. மேலும், வாரந்தோறும் ஏழாயிரம் பேரை தேர்ந்தெடுத்து, தலா, 50 ஆயிரம் ரூபாய் வழங்கப்படுகிறது. அம்பேத்கர் பிறந்த தினமான, ஏப்ரல், 14ம் தேதி, மெகா குலுக்கல் நடத்தப்படும். இதில் தேர்ந்தெடுக்கப்படும் நபருக்கு முதல் பரிசாக, ஒரு கோடி ரூபாயும், இரண்டாம் பரிசாக, 50 லட்சம் ரூபாயும், மூன்றாம் பரிசாக, 25 லட்சம் ரூபாயும் வழங்கப்படுமென மத்திய அரசு அறிவித்துள்ளது.//

வாவ் !........சூப்பர் ! சூப்பருங்க

இதிலும் பித்தலாட்டங்கள் இல்லாமல் இருந்தால் சரி ! புன்னகை

**krishnaamma** · **krishnaamma** Fri Jan 13, 2017 5:12 pm

T.N.Balasubramanian wrote:இனிமே உங்களுக்கு மத்திய அரசு குலுக்கலில், 1000 ,5000 ரூபாய் விழுந்து இருக்கு.
உங்க பேங்க் டீடைல்ஸ் கொடுங்க, கார்டு / CV நம்பர் சொல்லுங்க என்று ஒரு பித்தலாட்ட கும்பல் உருவாகிடும் .
யாரும் ஏமாறாதீர்கள். சுய விவரங்களை கொடுக்காதீர்கள்.
ரமணியன்

ஆமாம்.............. ஆமோதித்தல்