ஏர்டெல், வோடபோன், ஐடியா ஆகிய 3 நிறுவனங்களுக்கு ரூ.3,050 கோடி அபராதம்?

by **ayyasamy ram** Fri Jan 13, 2017 10:20 am

புதுடெல்லி,

ஏர்டெல், வோடபோன், ஐடியா ஆகிய 3 தொலை தொடர்பு நிறுவனங்கள்,
ரிலையன்ஸ் ஜியோ செல்போன் அழைப்புகளுக்கு சரியான இணைப்பு
வழங்கவில்லை என குற்றச்சாட்டு எழுந்தது.

இதன் காரணமாக அந்த நிறுவனம், ‘கால் டிராப்’ என்ற பிரச்சினையை
(அழைப்புகள் இடையிலேயே துண்டிக்கப்படுவது) சந்தித்தது.

இந்த செயல், ஏர்டெல், வோடபோன், ஐடியா நிறுவனங்களுக்கு தொலை
தொடர்பு ஒழுங்குமுறை ஆணையம் (டிராய்) உரிமம் வழங்கியபோது,
விதித்த விதிமுறைகளுக்கு மாறான செயலாக அமைந்தது.

இதுபற்றி டிராயிடம் ரிலையன்ஸ் ஜியோ புகார் செய்தது.
அதன்பேரில் ஏர்டெல் மற்றும் வோடபோன் நிறுவனங்களுக்கு தலா
ரூ.1,050 கோடியும், ஐடியா நிறுவனத்துக்கு ரூ.950 கோடியும் அபராதம்
விதிக்க தொலை தொடர்பு துறைக்கு டிராய் சிபாரிசு செய்தது.

இந்த வி‌ஷயத்தில் மத்திய அரசு தலைமை வக்கீலின்
(அட்டார்னி ஜெனரல்) கருத்தை தொலைதொடர்பு துறை கேட்டது.
அதை அட்டார்னி ஜெனரல் முகுல் ரோத்தகி ஆராய்ந்து, டிராயின்
விதிமுறைகளை மீறி, சேவை குறைபாட்டில் ஈடுபட்ட
ஏர்டெல், வோடபோன், ஐடியா ஆகிய 3 நிறுவனங்களுக்கும் மொத்தம்
ரூ.3,050 கோடி அபராதம் விதிக்க, தொலைதொடர்பு துறைக்கு அதிகாரம்
உண்டு என்று கருத்து தெரிவித்திருப்பதாக தகவல்கள் கூறுகின்றன.

எனவே இது தொடர்பான அதிகாரபூர்வ உத்தரவை தொலைதொடர்பு
துறை விரைவில் வெளியிடும் என எதிர்பார்க்கப்படுகிறது.
-
----------------------------------------------------
தினத்தந்தி

by **ராஜா** Sat Jan 14, 2017 11:56 am

அம்பானி தான் இந்தியா, இந்தியா தான் அம்பானி என்பது புரிந்தவர்கள் மட்டுமே இனி இந்தியாவில் தொழில் செய்ய முடியும்.

by **T.N.Balasubramanian** Sat Jan 14, 2017 1:56 pm

சமீபத்தில் உபேர் கால் டேக்ஸியில் சென்ற போது,ட்ரைவர்
ஏர்டெல் பரவாயில்லை ஜியோ தண்டம் என்று கூறி குறைப்பட்டுக்கொண்டார்.

அம்பானியாவோ
அதானியாவோ
ஏதோ ஒரு"னி"யாக
"நீ" இருந்தால்,
தொழிலில் முன்னேறலாம்.

ரமணியன்