நான் பிடித்த முயலுக்கு....

**M.Jagadeesan** · **M.Jagadeesan** Sun Jan 15, 2017 10:55 am

நிலைமை சற்று கவலைக்கிடம்தான் !

நாலு வைத்தியரும் இனிமேல் நம்புதற்கு இல்லையென்றார் .
பாலத்து ஜோசியனும் கிரகம் படுத்தும் என்று சொன்னான் .

நாடி வைத்தியரோ நாட்கள் ஐம்பது சென்றால் நல்லது
நடக்கும் என்றார்

ஆனால்

சிதம்பரத்துப் பட்சி ஜோசியரோ ஐம்பது நாட்கள் அல்ல ;
ஐந்து மாதங்கள் ஆனாலும் தேறுவது கடினம் என்கிறார் .

பஞ்சாப்பின் மௌனகுருவோ
அழிவின் தொடக்கம் ஆரம்பமாகிவிட்டது என்கிறார் .

தெய்வம் நின்று கொல்லும் என்பார்கள் ;
ஆனால் அந்த தெய்வத்திற்கு வேலை வைக்காமல்
நின்று நின்றே மக்கள் நித்தமும் செத்து மடிகின்றார்கள் .

போகிற போக்கிலே
தேன் கூட்டின்மீது கல்லெறிந்து போனான் ஒருவன் !
அவனுக்கென்ன ? அவதிப்படுவது
மரத்தின் கீழே உறங்கும் மக்களல்லவா !

" எண்ணித் துணிக கருமம் "
"செய்தக்க அல்ல செயக்கெடும் "

என்பது வள்ளுவன் வழி !

" எடுத்தேன் கவிழ்த்தேன் " என்பதே என்வழி
என்றான் அவன் !

" கை " செய்யத் தவறியதை நான் செய்வேன்
என்று சொல்லி மக்கள் அனைவரின்
கைகளையும் கட்டிப் போட்டான் அவன் !

ஆயிரங்கள் திருடிய திருடனைப் பிடிப்பதற்காக
இலட்சங்களை செலவிட்டான்!
சுண்டைக்காய் கால்பணம் , சுமைக்கூலி முக்கால் பணம்
என்பது போல !

போற்றுவார் போற்றட்டும் ! புழுதி வாரித்
தூற்றுவார் தூற்றட்டும் !
அதுபற்றி எனக்குக் கவலையில்லை ;
" நான் பிடித்த முயலுக்கு மூன்று கால்தான் "
என்று சாதித்தான் அவன் .

இருந்தும் இல்லாத நிலைதான் !
கண்ணிருந்தும் குருடராய்
காதிருந்தும் செவிடராய்
வாயிருந்தும் ஊமையாய்
பணமிருந்தும் பராரியாய்
மக்கள் வாழ்கின்றார் !

" இதுவும் கடந்து போகும் " என்பதுதான் இயற்கையின் நியதி !
உண்மைதான் !
அது எப்போது என்பதுதான் நம்முடைய கேள்வி .

நிலைமை சற்று கவலைக்கிடம்தான்
சொல்ல வேண்டியவருக்குச் சொல்லி அனுப்பிவிடுங்கள் !

**Dr.S.Soundarapandian** · **Dr.S.Soundarapandian** Sun Jan 15, 2017 7:22 pm

**krishnaamma** · **krishnaamma** Mon Jan 16, 2017 12:48 am

//" இதுவும் கடந்து போகும் " என்பதுதான் இயற்கையின் நியதி !
உண்மைதான் !
அது எப்போது என்பதுதான் நம்முடைய கேள்வி .//

ரொம்ப சரி !................ மகிழ்ச்சி

jenisiva · jenisiva Tue Jan 17, 2017 1:45 pm

mahan · mahan Tue Jan 24, 2017 10:19 am

அருமை....

**விமந்தனி** · **விமந்தனி** Tue Jan 24, 2017 10:29 pm

அருமை

Sponsored content · Sponsored content

நான் பிடித்த முயலுக்கு....

நான் பிடித்த முயலுக்கு....

Re: நான் பிடித்த முயலுக்கு....

Re: நான் பிடித்த முயலுக்கு....

Re: நான் பிடித்த முயலுக்கு....

Re: நான் பிடித்த முயலுக்கு....

Re: நான் பிடித்த முயலுக்கு....

Re: நான் பிடித்த முயலுக்கு....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக