சீனாவின் சாலைப் போக்குவரத்து - மிதிவண்டி-

நம்முடைய ஊரில் உள்ள அழைப்பூர்தி (கால் டாக்சி) களைப் போலவே சீன வாடகை ஊர்திகள்  இயங்குகின்றன. சீன அரசு மிதிவண்டிப் போக்குவரத்தை ஊக்குவிக்கும் வகையில், முதன்மைச் சாலைகளில் மிதிவண்டிகளை நிறுத்தி வைத்திருக்கிறது.




இது அமெரிக்காவில் உள்ள மிதிவண்டி பெறும் இடம்-தானியங்கி-



அதனைப் பயன்படுத்திக் கொள்ள விரும்புபவர்கள், அதற்காகப் பதிவு செய்ய வேண்டும். பல தகவல் தொழில்நுட்ப நிறுவனங்களில் பணிபுரியும் தொழிலாளர்கள், அவ்வாறு பதிவு செய்து மிதிவண்டிகளில் செல்கின்றனர்.நகரங்களில் வண்டிகளை நிறுத்தும் சிரமம்,அதற்கான செலவுகளை இவற்றைப் பயன்படுத்துவதன் மூலம் சமாளிக்க முடியும்.

இந்த முறை இன்று உலகின் பல நாடுகளிலும் செயல்படுகின்றன. இதன்மூலம் புவிவெப்பமயமாதல், சுற்றுச்சூழல் பாதுகாப்பு போன்ற இன்றைய பிரச்சனை காரணமாக ஏற்படும் பொதுப் போக்குவரத்தை ஊக்குவித்து எரிபொருள் செலவை குறைக்க முடிகிறது.  

குளிர் குறைவான காலங்களில் பலரும் மிதி வண்டிகளை ஏற்றத்தாழ்வின்றி பயன்படுத்துகின்றனர்.மகிழுந்துகள் அதிகமாக சாலைகளை ஆக்கிரமித்துக் கொண்டாலும் கூட மிதி வண்டிகள் பாவனை குறைவாக இருப்பதில்லை.
பெரும் சாலைகளில் மிதிவண்டிகள் நிறுவனங்களால் நிறுத்தப்பட்டிருக்கும்.கடுங்குளிர் நிலவும் காலங்களில் மக்கள், இயல்பாகவே இரு சக்கர வாகனங்கள் பயன்படுத்துவதில்லை.

ஆங்காங்கு காணப்படும் இருசக்கர வாகனங்கள் கூட அந்தந்த பகுதியில் சில பணிகளுக்காகப் பயன்படுத்திக் கொள்பவையாகவே இருக்கின்றன.
மிதிவண்டி பகிர்வுத் திட்டம் என்பது பல பெரும் நகரங்களில் மிதிவண்டிகளை ஒரு குறுகிய காலத்துக்குப் பயன்படுத்தக் கூடியதற்கான ஒர் ஏற்பாடு ஆகும்.

மிதி வண்டிகள், பயணர்கள் பெரிதும் கூடும் இடங்களில் வைக்கப்பட்டு இருக்கும். ஒருவர் ஒரு தரிப்பிடத்தில் இருந்து எடுத்துச் சென்று, தான் செல்லும் இடத்தில் உள்ள பிறதொரு இடத்தில் நிறுத்தி விட்டுச் செல்ல முடியும். அதாவது மீண்டும் முன்னர் மிதிவண்டி எடுத்த இடத்திற்கு சென்று ஒப்படைக்க வேண்டியம் அவசியம் கிடையாது.  

சிறு கட்டணத்துக்கு இவ்வாறு மிதிவண்டிகளைப் பயன்படுத்த முடியும். தரிப்பிடத்தில் தானியங்கி இயந்திரத்தில் அதற்கான அனுமதியைப் பெற முடியும். பல நகரங்களில் இலாபகரமாக இத் திட்டங்கள் முன்னெடுக்கப்பட்டுள்ளன.

சீன அழைப்பூர்திகளைப் போலவே, இரு சக்கர வாகனங்களில் வேண்டிய இடத்திற்குக் கொண்டு சென்று விடுகின்ற சேவையும் இங்கு இயங்குகிறது.  இந்த இரு சக்கர வாகனங்களைப் பெரும்பாலும், அலுவலகத்திற்கு நேரமாகிவிட்டது என வேகமாகச் செல்ல விரும்புபவர்கள் ஓடிச்சென்று ஏறிப் பயன்படுத்துகின்றனர்.



பார்த்ததும் தொகுத்ததும்-இணையம்.

நல்ல பகிர்வு மூர்த்தி