'உதய்' மின் திட்டத்தில் இணைகிறது தமிழகம்; 9ம் தேதி ஒப்பந்தம்

by **ayyasamy ram** Sat Jan 07, 2017 7:08 am

புதுடில்லி : உதய் மின் திட்டத்தில் தமிழகம் இணைகிறது. இதற்கான புரிந்துணர்வு ஒப்பந்தம் 9ம் தேதி டில்லியில் கையெழுத்ததாக உள்ளது.

‛உதய்' மின் திட்டம்:

பிரதமர் நரேந்திர மோடி தலைமையிலான மத்திய அரசு,
'உதய்' (உஜ்வால் டிஸ்காம் அஷ்யூரன்ஸ்) திட்டத்தை கடந்த 2015ம்
ஆண்டு அறிமுகம் செய்தது. இத்திட்டத்தின் கீழ், 2015 செப்., வரை,
மின் வாரியங்களின் மொத்த கடனில், 75 சதவீதத்தை, மாநில
அரசுகள் ஏற்க வேண்டும். மூன்று மாதங்களுக்கு ஒருமுறை மின்
கட்டணத்தை மாற்றியமைத்தல் உள்ளிட்ட பல அம்சங்கள் அந்த
திட்டத்தில் இடம்பெற்றுள்ளன.

முதலில் எதிர்ப்பு:

உதய் திட்டத்துக்கு முதலில் தமிழக அரசு கடும் எதிர்ப்பு தெரிவித்தது.
இதனையடுத்து கடந்த ஜூலையில், அப்போதைய தமிழக முதல்வர்
ஜெயலலிதாவை மத்திய மின் துறை இணை அமைச்சர் பியூஷ் கோயல்
சந்தித்து பேச்சுவார்த்தை நடத்தினார். தொடர்ந்து, மத்திய, மாநில
அரசுகளிடையே இதுகுறித்து நடந்த பேச்சுவார்த்தையில் உடன்பாடு
எட்டப்பட்டதையடுத்த ‛உதய்' திட்டத்தில் தமிழகம் 21வது மாநிலமாக
இணைய உள்ளது.

கையெழுத்து:

‛உதய்' திட்டத்துக்கான புரிந்துணர்வு ஒப்பந்தம் வரும் 9ம் தேதி(ஜன.,9)
டில்லியில் கையெழுத்தாக உள்ளது. மத்திய இணை அமைச்சர்
பியூஷ் கோயல் முன்னிலையில், தமிழக மின்சாரத்துறை அமைச்சர்
தங்கமணி, கையெழுத்திட உள்ளார். இது மத்திய மின்சாரத்துறை
அமைச்சகம் வெளியிட்ட செய்திக்குறிப்பில் தெரிவிக்கப்பட்டுள்ளது.
-
-------------------------------------------
தினமலர்

by **M.Jagadeesan** Sat Jan 07, 2017 12:07 pm

இனி தமிழ்நாட்டின் பியூஸ் மோடி கையில் !

by பாலாஜி Sat Jan 07, 2017 12:10 pm

M.Jagadeesan wrote:இனி தமிழ்நாட்டின் பியூஸ் மோடி கையில் !

மேற்கோள் செய்த பதிவு: 1230781

டிசம்பர் 5 முதல் அப்படி என்றுதான் நினைக்கின்றேன்

by **ராஜா** Mon Jan 09, 2017 11:29 am

இதன் சாதக , பாதகங்கள் என்ன ?! தெரிந்தவர்கள் விளக்குங்களேன்

by **T.N.Balasubramanian** Mon Jan 09, 2017 9:52 pm

உதய் மின் திட்டம் நான் அறிந்த வகையில் கூறுகிறேன்.
இந்தியாவில் அநேக மின்சக்தி தயாரிக்கும்/ மின்பங்கீடு செய்யும் கம்பெனிகளின் ( முக்கியமாக ஸ்டேட் எலக்ட்ரிசிட்டி போர்டுகளின் சரியான நடைமுறை இல்லாத காரணங்களால் ஏற்படும் நஷ்டத்தைப் போக்க
சிறந்த முறையில் ,குறைந்த செலவில் மின் உற்பத்தி,(டிஸ்ட்ரிபியூஷன்) பகிர்தளிப்பு செய்ய புதிதாக செய்யப்பட்டுள்ள வழிமுறை .
Ujwal DISCOM Assurance Yojana (UDAY)
ஹிந்தியில் ஊர்ஜா என்றால் மின்சக்தி
DISCOM distribution company இந்த சுருக்கம்
இந்த கம்பெனிகளின் நிதி நெருக்கடிகளின் குளறுபடிகள்/ சிறந்த முறை மின் உற்பத்தி / பழங்கால ட்ரான்ஸபார்மர் புதுப்பித்தல், எலக்ட்ரானிக் மீட்டர்கள், சிக்கன முறையில் உபயோகித்தல் முதலியவை இதன் முக்கிய சாரங்கள்.
உதாரணமாக குண்டு பல்புக்கு பதிலாக LED பல்புகள் உபயோகித்தல்,தரமான நிலக்கரி, காலத்தே மெயிண்ட்டினன்ஸ் நடைமுறை படுத்த மதிய அரசு கொடுக்கும் நிவாரண நிதி.
சில கட்டுப்பாடுகள் உண்டு.அது பிடிக்காத அரசுகள் உதய் வேண்டாமென கூறியது உண்டு.

ரமணியன்

by **ராஜா** Tue Jan 10, 2017 2:39 pm

T.N.Balasubramanian wrote:உதய் மின் திட்டம் நான் அறிந்த வகையில் கூறுகிறேன்.
இந்தியாவில் அநேக மின்சக்தி தயாரிக்கும்/ மின்பங்கீடு செய்யும் கம்பெனிகளின் ( முக்கியமாக ஸ்டேட் எலக்ட்ரிசிட்டி போர்டுகளின் சரியான நடைமுறை இல்லாத காரணங்களால் ஏற்படும் நஷ்டத்தைப் போக்க
சிறந்த முறையில் ,குறைந்த செலவில் மின் உற்பத்தி,(டிஸ்ட்ரிபியூஷன்) பகிர்தளிப்பு செய்ய புதிதாக செய்யப்பட்டுள்ள வழிமுறை .
Ujwal DISCOM Assurance Yojana (UDAY)
ஹிந்தியில் ஊர்ஜா என்றால் மின்சக்தி
DISCOM distribution company இந்த சுருக்கம்
இந்த கம்பெனிகளின் நிதி நெருக்கடிகளின் குளறுபடிகள்/ சிறந்த முறை மின் உற்பத்தி / பழங்கால ட்ரான்ஸபார்மர் புதுப்பித்தல், எலக்ட்ரானிக் மீட்டர்கள், சிக்கன முறையில் உபயோகித்தல் முதலியவை இதன் முக்கிய சாரங்கள்.
உதாரணமாக குண்டு பல்புக்கு பதிலாக LED பல்புகள் உபயோகித்தல்,தரமான நிலக்கரி, காலத்தே மெயிண்ட்டினன்ஸ் நடைமுறை படுத்த மதிய அரசு கொடுக்கும் நிவாரண நிதி.
சில கட்டுப்பாடுகள் உண்டு.அது பிடிக்காத அரசுகள் உதய் வேண்டாமென கூறியது உண்டு.

ரமணியன்

திட்டம் நல்லா தான் இருக்கு ,

ஏற்கனவே காவிரி தண்ணி இல்லாததால் உயிரோட இருக்குற கொஞ்சம் நஞ்சம் விவசாயிகளும் இந்த இலவச மின்சாரத்தால் ஓடுற பம்புசெட்டை நம்பி தான் இருக்காங்க. இவர்கள் சீர்திருத்தம் என்ற பெயரில் இலவச மின்சாரத்தை ரத்து செய்யுறோம்னு சொல்லிட்டா என்ன பண்ணுறது ?!

by **T.N.Balasubramanian** Tue Jan 10, 2017 2:49 pm

கொஞ்சம் சிந்தித்துப் பாருங்கள்.
ஏழை விவசாயி அடையும் பயனை விட, பெரிய நிலச்சுவான்தார்கள் அடையும் பயனே அதிகம் இருக்கிறது. ஏழை ஏழையாகவே இருக்கிறான். பணக்காரன் மேலும் பணக்காரன் ஆகிறான் .
ஏழையின் நெல் கொள்முதலில் ,அரசு அதிக விலை (%)கொடுத்து வாங்கலாம்.
ரமணியன்.

by Sponsored content

'உதய்' மின் திட்டத்தில் இணைகிறது தமிழகம்; 9ம் தேதி ஒப்பந்தம்

'உதய்' மின் திட்டத்தில் இணைகிறது தமிழகம்; 9ம் தேதி ஒப்பந்தம்

Re: 'உதய்' மின் திட்டத்தில் இணைகிறது தமிழகம்; 9ம் தேதி ஒப்பந்தம்

Re: 'உதய்' மின் திட்டத்தில் இணைகிறது தமிழகம்; 9ம் தேதி ஒப்பந்தம்

Re: 'உதய்' மின் திட்டத்தில் இணைகிறது தமிழகம்; 9ம் தேதி ஒப்பந்தம்

Re: 'உதய்' மின் திட்டத்தில் இணைகிறது தமிழகம்; 9ம் தேதி ஒப்பந்தம்

Re: 'உதய்' மின் திட்டத்தில் இணைகிறது தமிழகம்; 9ம் தேதி ஒப்பந்தம்

Re: 'உதய்' மின் திட்டத்தில் இணைகிறது தமிழகம்; 9ம் தேதி ஒப்பந்தம்

Re: 'உதய்' மின் திட்டத்தில் இணைகிறது தமிழகம்; 9ம் தேதி ஒப்பந்தம்