Latest topics

அன்னிய செலாவணி மோசடியில் ரூ.25 கோடி அபராதம்: டிடிவி. தினகரன் செய்த மேல்முறையீட்டு வழக்கில் இன்று தீர்ப்பு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

அன்னிய செலாவணி மோசடியில் ரூ.25 கோடி அபராதம்: டிடிவி. தினகரன் செய்த மேல்முறையீட்டு வழக்கில் இன்று தீர்ப்பு

Post by ayyasamy ram Fri Jan 06, 2017 6:18 am

-
அன்னிய செலாவணி மோசடியில், அமலாக்கத்துறை
ரூ.25 கோடி அபராதம் விதித்ததை எதிர்த்து டிடிவி. தினகரன்
செய்த மேல்முறையீட்டு வழக்கின் தீர்ப்பு வெள்ளிக்கிழமை
வழங்கப்படுகிறது.

அதிமுக. பொதுச் செயலாளர் வி.கே.சசிகலாவின் அக்காள்
மகன் டிடிவி. தினகரன். இவரது வங்கி கணக்குக்கு கடந்த
1995, 1996-ஆம் ஆண்டுகளில் வெளிநாட்டில் இருந்து பெரும்
தொகை "டெபாசிட்' ஆனது.

இதையடுத்து, இவர் மீது 1996-ஆம் ஆண்டு அன்னிய செலாவணி
மோசடி வழக்குகள் பதிவு செய்யப்பட்டன. இந்த வழக்கு குறித்து,
அவரிடம் மத்திய அமலாக்கத்துறை இயக்குநரகத்தின் அதிகாரிகள்
விசாரணை நடத்தினர்

பின்னர், அவருக்கு ரூ.25 கோடி அபராதம் விதித்தும் உத்தரவிட்டனர்.
இந்த உத்தரவை எதிர்த்து மத்திய அமலாக்கத்துறை மேல்முறையீட்டு
அதிகாரிகளிடம் டிடிவி. தினகரன் மேல்முறையீடு செய்தார்.

இதை விசாரித்த அமலாக்கத்துறை உயர் அதிகாரிகள், ரூ.25 கோடி
அபராதத் தொகை நிர்ணயித்தது சரிதான் என்று முடிவு செய்து
உத்தரவிட்டனர்.

இந்த உத்தரவை எதிர்த்து சென்னை உயர்நீதிமன்றத்தில்
டிடிவி. தினகரன் மேல்முறையீடு செய்தார். இந்த வழக்கை தலைமை
நீதிபதி எஸ்.கே.கௌல், நீதிபதி ஆர்.மகாதேவன் ஆகியோர்
விசாரித்தனர்.

பின்னர் இந்த வழக்கின் தீர்ப்பை தேதி குறிப்பிடாமல் ஒத்தி வைத்து
உத்தரவிட்டிருந்தனர். இந்த நிலையில், இந்த வழக்கின் தலைமை
நீதிபதி தலைமையிலான அமர்வு வெள்ளிக்கிழமை பிற்பகல்
2.15 மணிக்கு தீர்ப்பு வழங்கவுள்ளனர்.
-
----------------------------------------------
தினமணி

ayyasamy ram: வழிநடத்துனர்; பதிவுகள் : 82543
இணைந்தது : 30/09/2013