நெருங்குகிறது அறுபதாவது நாள்...!!

ந.க.துறைவன் · ந.க.துறைவன் Fri Jan 06, 2017 6:01 am

நவீன டிஜிட்டில் பணப்பரிமாற்றத்திற்கு மாறுங்கள் மாறுங்கள் என்று நாளுமொரு அறிக்கை அழகாகச் சட்டையை மாற்றுவது போல வந்துக் கொண்டிருக்கின்றன. மக்கள் நிலைமையோ வங்கி வாசல்களில் பசியோடும் பட்டினியோடும் தினமும் நிற்கின்ற அவலநிலையே தொடர்கின்றன. ஐம்பது நாளில் தீரும் என்றார்கள் அறுபது நாளை நெருங்கிவிட்டது. இன்னும் இரண்டரை ஆண்டுகளுக்கும் இதே நிலைதான் தொடருமோ ? அதற்கு மேலும் தொடருமோ, மக்களின் இந்த அவதி / இன்னல்கள் அந்த ராமனுக்கு தெரியுமோ? இல்லை ராவணனுக்கு தெரியுமோ? தெரியாது. இந்திய சுதந்திரத்திற்கு பிறகு இவ்வளவு பெரிய பணநெருக்கடி நிலையை மக்கள் சந்தித்ததில்லை என்று பல பொருளியல் நிபுணர்கள் கூறுகிறார்கள். தற்போது, மக்கள் கொடூரமான பணவன்முறைக்கு ஆளாகியிருக்கிறார்கள் என்பதே உண்மையென நடைபெற்று வரும் சம்பவங்கள் தெளிவாக எடுத்துரைக்கின்றன.
ந.க.துறைவன்.

**T.N.Balasubramanian** · **T.N.Balasubramanian** Fri Jan 06, 2017 7:16 am

மக்கள் நிலைமையோ வங்கி வாசல்களில் பசியோடும் பட்டினியோடும் தினமும் நிற்கின்ற அவலநிலையே தொடர்கின்றன.

ஏன் நிற்கிறார்கள்? பேங்கில் பணம் தருகிறார்கள்.
பண பட்டுவாடா அதிக அளவில் என்றால் காசோலை /வரையோலை கொடுக்கவேண்டியதுதானே .
வாரம் 4500 ரூபாய்க்கு மேல் சில்லறை செலவா ?
புரியமாட்டேன் என்கிறது.
நான் கஷ்டமே படமாட்டேன்/ எல்லாமே உடனுக்குடன் எனக்கு தன்னால் நடக்கவேண்டுமெனில் /குறை சொல்லுவதில் இன்பம் காண்கிறேன் என்ற மனோபாவம் குறையவேண்டும்.
ரமணியன்

ssgeegarai · ssgeegarai Fri Jan 06, 2017 7:44 am

தாங்கள் உண்மை நிலை அறியாமல் உரைப்பதாகவே தோன்றுகிறது. பெரும்பாலான ATM களில் பணம் இல்லை. வங்கிகளிலோ 3 மணி நேரம் காத்திருந்தாலும் தமது சொந்த பணத்தினை பெறுவதே (பல கட்டுப்பாடுகளுடன்) உறுதி இல்லை. 50 நாட்களை வங்கியில் கழித்த பிறகு வேலை உறுதி இல்லாத நிலை. இத்தனையும் சாதாரண மக்களுக்கே, ரெட்டிகளுக்கல்ல. இதன் பின்னரும் கருப்பு பணம் குறித்த உண்மை நிலை அறிவிக்காது, மீண்டும் வங்கியில் காத்திருங்கள் என்றால் எப்படி .....

சிவனாசான் · சிவனாசான் Fri Jan 06, 2017 8:51 am

கலம் பாலில் ஒருதுளிவிஷம் கலந்தார்போல் ஒரு சில தேச துரோகிகளாலும்
அவர்களுக்கு உடந்தையாகும் போக்கிரிகளாலும் ஊழல் பேர்வழிகளாலும்
நாடு நாற்றம் அடிக்கிறதை பார்த்த நரேந்திரர் தற்போது சுத்தப்படுத்துவது சிரமம்தான். சாக்கடையில் இறங்கி சுத்தம்செய்பவன் நாற்றம் என எண்ணி
எதிர்த்தால் எப்படி துற்நாற்றம் மிகுமோ அப்படித்தான் இப்படி பட்ட சுய
நல வாதிகளால் தாங்கிக்கொள்ளமுடிய வில்லை. நாடு சுதந்திரம் பெற்றது
இப்படி பட்ட ஊழல்பேர் வழிகளை உண்டாக்கவா??? .ஆட்சியாளர்கள் ஆண்டு
சட்டத்தை மதியாதபடி ஊழல் பேர்வழிகளை உண்டாக்கி விட்டார்கள் .அதைமாற்ற சற்று சிரமப் டவேண்டிதாகி உள்ளது. ஓர் வழக்கே நீதி மன்றத்தில் ஆண்டு கணக்கில் ஓடும்போது புதிய மாற்றம் கொண்டுவர எவ்வளவு காலமாகும் என்பதை எண்ணிபார்த்தால் தெரியும். நாட்டை காக்க இரவும்பகலும் உயிரை பணயம் வைத்து செயல்படுபவர்களாக பார்த்தால் புரியும் எதிரிகளுக்கு ...ஊழல்
கோட்டையை வஜ்ரம் கொண்டு கட்டிவிட்டார்கள் இதற்கு முன் ஆண்டவர்கள் அதை தகர்த்த சிரமம்பட்டுத்தானே ஆகனும். செல்வம் சென்றுக்கொண்டுத் தானே இருக்கனும் ஒருவனே பதுக்கி வைத்தால் எப்படி அவனை வெளிக்கொணரவும் புத்தி புகட்டவும் தான் இவ்வேலை பொருப்போம்>>>>
பினிதமான ஊழலற்ற நாட்டை பார்க்க>>>>>>>>>>
வேண்டியுள்ளது. பொருமை காத்தால் பெருமைபடலாம்.>>>>>>>>>>>>>

**M.Jagadeesan** · **M.Jagadeesan** Fri Jan 06, 2017 11:09 am

ஒரு முறத்தில் நிறைய அரிசி உள்ளது . அத்துடன் சில கற்களும் உள்ளன . அந்தக் கற்களை எளிதில் பொறுக்கிஎடுத்துவிடலாம் ; மாறாக மொத்த அரிசியையும் சல்லடையில் போட்டு சலித்து , அந்தக் கற்களை எடுப்பது என்பது விவேகமான செயல் அல்ல என்பது என் கருத்து .

**ayyasamy ram** · **ayyasamy ram** Fri Jan 06, 2017 12:54 pm

இன்றும் வங்கிகளில் கூட்டம் வரிசையில் காத்துக் கிடப்பதை
காண முடிகிறது...
-
கணக்கில் பணம் இருந்தால் வாரத்திற்கு 24000 ரூபாய்
ஒரே தடவையில் எடுக்க முடிகிறது என்கிற போது
இன்னும் கூட்டம் குறையாமல் இருப்பது வியப்பளிக்கிறது
-