சுயம் அறிதல்

-
ஒருவன் கடவுளை நோக்கிக் கடுமையாகத் தவம் இருந்தான்
கடவுள் அவன் தவத்தை மெச்சி , ‘என்ன வரம் வேண்டும்
பக்தா ?’ என்றார்.
-
‘மற்றவர்களின் மனதை படிக்கிற திறனை அருள வேண்டும்
சுவாமி’ என்றான்.
கடவுளும் ‘வரம் தந்தேன்’ என்றார்.
-
சில நாட்களிலேயே அவன் அழுது புலம்பி கடவுளை அழைத்து ,
’தயவு செய்து இந்த வரத்தை திரும்ப வாங்கிக்கொள்ளுங்கள்’
என்றான்.
-
‘ஏன்?’ என்றார் கடவுள்.
-
‘அனைவரும் என்னை பொய் சொல்கிறவன், பொறாமை
பிடித்தவன், அடுத்தவன் குடி கெடுப்பவன், சோம்பேறி என்றெல்லாம்
நினைக்கிறார்கள் என்னால் தாங்க முடியவில்லை’ என்றான்.
-
‘அப்படியா, இந்த ஆலமரத்தின் அடியில் கண்களை மூடிப் படுத்துக்
கொள் என்ன நடக்கிறது என்று கவனி’ என்றார் கடவுள்.
அப்படியே செய்தான் பக்தன்.
-
அப்போது ஒரு குடிகாரன் வந்தான் ,’யார்ரா இவன் நினைவே
இல்லாம படுத்திருக்கான் குடிகாரப் பயல் ‘என்று சொல்லி விட்டுப்
போனான்.
-
பிறகு ஒரு திருடன் வந்தான் ‘ராத்திரி பூரா கொள்ளையடிச்சுட்டு
வந்து எவனோ இங்க படுத்து கிடக்கான்‘ என்று சொல்லிவிட்டுப்
போனான்.
-
ஒரு நோயாளி வந்தான் ‘பாவம் வயித்துவலி போல சுருண்டு
கிடக்கான்’ என்று சொல்லிவிட்டுப் போனான்.
-
ஒரு துறவி வந்தார், ‘யாரோ முற்றும் துறந்தவர் போல,
அனைத்தையும் மறந்து உறங்குகிறார்’ என்று சொல்லி விட்டுப்
போனார்.
-
சிறிது நேரம் கழிந்தது. கடவுள் பக்தனிடம் வந்தார்.
-
‘பார்த்தாயா உன்னைப் பற்றி அவரவர் அவரவர் கோணங்களில்
புரிந்து கொள்கிறார்கள். இனியாவது உன்னைப் பற்றிய மற்றவர்
விமர்சனத்தை பொருட்படுத்தாதே!
-
ஒவ்வொரு பார்வைக்கும் ஒரு புரிதல் இருக்கும். உன்னுடைய சரியான
பாதையில் தைரியமாக செல் வெற்றி உனக்குத்தான்’ என்றார்.

பக்தன் தெளிவடைந்தான்

நாமும் தெளிவடைவோம்.
-
-----------------------------
வாட்ஸ் அப் பகிர்வு