அடுத்த ஆண்டில் 4 கிரகணங்கள்!

**ayyasamy ram** · **ayyasamy ram** Sat 31 Dec 2016 - 8:46

அடுத்த ஆண்டில் (2017) 2 சூரிய கிரகணங்களும்,
2 சந்திர கிரகணங்களும் நிகழவிருக்கின்றன.
இதில், இரு கிரகணங்கள் மட்டுமே இந்தியாவில் தெரியும்.

ஒரே ஆண்டில் 4 கிரகணங்கள் நிகழவிருக்கிறது என்ற தகவல்,
உலகம் முழுவதும் வானியல் ஆர்வலர்களுக்கு மகிழ்வூட்டும்
செய்தியாக அமைந்துள்ளது. இதுதொடர்பாக மத்தியப் பிரதேச
மாநிலம், உஜ்ஜைனில் உள்ள ஜிவாஜி வானிலை ஆய்வு மைய
கண்காணிப்பாளர் ராஜேந்திரபிரகாஷ் குப்த், பிடிஐ
செய்தியாளரிடம் கூறியதாவது:

அடுத்த ஆண்டு பிப்ரவரி மாதம் 11-ஆம் தேதி ஒரு சந்திர கிரகணம்
நிகழவிருக்கிறது. இந்த கிரகணத்தின்போது, பூமியின் மங்கலான
நிழல் நிலவின் மீது விழும். இந்த கிரகணத்தை, இந்தியாவில் பார்க்க
முடியும்.

அடுத்ததாக, பிப்ரவரி 26-ஆம் தேதி சூரிய கிரகணம் நிகழவிருக்கிறது.
இந்த கிரகணத்தின்போது, சூரியனின் மையப் பகுதி நிலவினால்
மறைக்கப்படும் என்பதால், ஒரு மோதிரம் போல சூரியன் தெரியும்.
இந்த கிரகணத்தை இந்தியாவில் காண முடியாது.

ஆகஸ்ட் 7-ஆம் தேதி பகுதியளவு சந்திர கிரகணம் நிகழும்.
அப்போது, பூமியின் அடர்ந்த நிழல் சந்திரன் மீது பகுதியளவு விழும்.
இதனை, இந்தியாவில் பார்க்கலாம். அதே மாதத்தில் 21-ஆம் தேதியன்று,
முழு சூரிய கிரகணம் நிகழவுள்ளது.

அப்போது, சூரியனை முழுமையாக மறைக்கும் வகையில் சூரியனுக்கும்
பூமிக்கும் இடையே நிலவு வரும். இதனை இந்தியாவில் காணமுடியாது
என்றார் அவர்.
–
————————————————–
தினமணி

**T.N.Balasubramanian** · **T.N.Balasubramanian** Sat 31 Dec 2016 - 11:32

அடுத்த ஆண்டு வரப்போகும் கிரகணத்தின் தாக்கம்,
தமிழகத்தில் இப்போதே தெரிகிறது.

ரமணியன்

**krishnaamma** · **krishnaamma** Sat 31 Dec 2016 - 18:13

ம்ம், கர்பிணிப் பெண்களுக்கு கொஞ்சம் சோதனையான காலம் தான் புன்னகை

Guest · Guest Sat 31 Dec 2016 - 19:06

கிரகண கண்டம் அண்டத்திலா அல்லது தமிழக அரசியலிலா?

ஆகஸ்ட் 21 இல் அமெரிக்க நாட்டில் முழு சூரிய கிரகணம். இப்போதே தயாராகி விட்டார்கள். பார்க்கும் கண்ணாடி விற்பனை ஓகோ!

**T.N.Balasubramanian** · **T.N.Balasubramanian** Sat 31 Dec 2016 - 23:20

krishnaamma wrote:ம்ம், கர்பிணிப் பெண்களுக்கு கொஞ்சம் சோதனையான காலம் தான்

மேற்கோள் செய்த பதிவு: 1230232

வருடா வருடம் ஒன்றோ ஒன்றுக்கு மேற்பட்ட கிரகணங்கள் ஏற்படுகின்றன.
வருடா வருடம் ஒன்றுக்கு மேற்பட்ட பெண்கள் கர்ப்பம் தரிக்கிறார்கள்.
அப்பிடி என்றால் கர்ப்பிணிகள் எல்லோருக்கும் சோதனைகாலமா ?
அநேக கர்ப்பிணிகள் கிரகணத்திற்கு அதிக முக்கியத்துவம் கொடுப்பதில்லையே !
வானியல் நிகழ்ச்சியாகவே நினைவு கூர்ந்து தங்கள் வேலையில் ஈடுபட்டுக்கொண்டுதான் இருக்கிறார்கள்.
நாம்தான் இவ்விஷயத்தை பெரிதுபடுத்துகிறோம் என்று எண்ணுகிறேன்.
எந்தன் சொந்த கருத்து. தவறாக நினைக்கவேண்டாம்.
ரமணியன்

siva.c.r · siva.c.r Sat 31 Dec 2016 - 23:47

வானியல் கணித கணக்கின்படி -

1) ஒவ்வொரு ஆண்டிலும் குறைந்த பட்சம் நான்கு கிரகணங்கள் - இரண்டு சூரிய கிரகணங்களும் இரண்டு சந்திர கிரகணங்களும் - ஏற்படுகின்றன.

2 ) ஆனால் சில ஆண்டுகளில் ஐந்திலிருந்து (அதிக பட்சமாக) ஏழு கிரகணங்கள் வரை ஏற்பட வாய்ப்புண்டு.

கணிதத்தில் முதுநிலை பட்டம் பெற்றவர்கள் இதை ஏற்கனவே அறிந்திருப்பார்கள்.