எங்கிருந்தோ வந்தாள்

by ச. சந்திரசேகரன் Sat Dec 31, 2016 12:28 am

எங்கிருந்தோ வந்தாள்

என் அன்னைக்குச் சமமாக
எங்கிருந்தோ வந்தாள்
தன் அன்னையை விட்டுவிட்டு
எனக்காக வந்தாள்

நான் தந்தையாய் உருமாற
எங்கிருந்தோ வந்தாள்
தன் தந்தையை விட்டுவிட்டு
எனக்காக வந்தாள்

என் பெற்றோர் பணிவிடைக்கு
எங்கிருந்தோ வந்தாள்
தன் பெற்றோர் விடைபெற்று
தங்கமகள் வந்தாள்

என் சுற்றம் பேணிடவே
எங்கிருந்தோ வந்தாள்
தன் சுற்றம் அத்தனையும்
தள்ளிவிட்டு வந்தாள்

என் ரத்தம் கலந்திடவே
எங்கிருந்தோ வந்தாள்
தன் ரத்த உறவுகளை
தவிர்த்துவிட்டு வந்தாள்

நான் கூடப் பிறந்தவள்
எங்கிருந்தோ வந்தாள்
தன் கூடப் பிறந்தவரை
விட்டுவிட்டு வந்தாள்

என் குழந்தை ஈன்றுத்தர
எங்கிருந்தோ வந்தாள்
தன் குழந்தைத் தனத்தையே
விட்டுவிட்டு வந்தாள்

என்னுடைய ஆரோக்கியம்
தனதெனவே கொண்டாள்
தன்னுடைய ஆரோக்கியம்
பொருட்டின்றி தளர்ந்தாள்

என் னுடைய கௌரவத்தை
காத்திடவே வந்தாள்
தன் னுடைய கௌரவத்தை
தள்ளிவைத்து வந்தாள்

என்னுடைய முன்னேற்றம்
தனதெனவே கொண்டாள்
என் வாழ்வில் தன்வாழ்வை
இணைத்தினிமை கண்டாள்

என்னவளே உனக்கென்ன
கைம்மாறு செய்வேன்?
மன்னவளாய் மதித்துநான்
மனமாரக் காப்பேன்
ச.சந்திரசேகரன்