ஒரே நாளில் ரூ.100 கோடிக்கு தங்கம் விற்பனை?: கம்பி எண்ணும் நகைக்கடை உரிமையாளர்

**ayyasamy ram** · **ayyasamy ram** Thu Dec 29, 2016 6:25 pm

ஐதராபாத்:
நவ.8ம் தேதி ஒரே இரவில் ரூ.100 கோடிக்கு தங்கம் விற்றதாக
கணக்கு எழுதிய தங்க நகைக்கடை உரிமையாளர் கைது
செய்யப்பட்டார்.

சந்தேகம்:
ஐதராபாத் நகரில் உள்ள பஞ்சாரா ஹில்ஸ் பகுதியில் பிரபலம்
வாய்ந்தது முசாதிலால் நகைக்கடை. இந்த நகைக்கடை
உரிமையாளர்கள் கறுப்பு பணம் மாற்றியதாக வருமான
வரித்துறைக்கு புகார் வந்தது. இதனையடுத்து அதிகாரிகள்
இந்த கடையில் சில நாட்களுக்கு முன்னர் தீவிர சோதனை
நடத்தினர்.

இந்த சோதனையில், கடந்த நவம்பர் 8 ம் தேதி முறைகேடாக தங்கம்
விற்றது தெரிய வந்தது. சோதனையில் சிக்கிய பில்களை அதிகாரிகள்
ஆய்வு செய்தனர். அதில், பெரும்பாலான பில்கள் ரூ. 2 லட்சத்திற்கு
நகை விற்றதாக குறிப்பிடப்பட்டுள்ளது. பான் எண்
இணைக்கப்படவில்லை.

மேலும், இந்த பில்களில் போலி பெயர்கள், போலி முகவரி குறிப்பிடப்
பட்டிருந்தது. டில்லியின் கிரேட்டர் கைலாஷ், கைலாஷ் காலனியில்
வசிப்பவர்கள் தங்கம் வாங்கியதாக குறிப்பிடப்பட்டிருந்தது.
கடந்த நவம்பர் 8 ம் தேதி இரவு ஒரே நாளில், வாடிக்கையாளர்கள்
வாபஸ் பெறப்பட்ட பணம் மூலம் ரூ.100 கோடிக்கு தங்கம் வாங்கி
சென்றதாக நகைக்கடை உரிமையாளர்கள் தெரிவித்தனர்.
-

தப்பியோட்டம்:
இதனையடுத்து வருமான வரித்துறை அதிகாரிகள் ஐதராபாத் நகர
குற்றப்பிரிவு அதிகாரிகளிடம் புகார் அளித்தனர். இதனையடுத்து
நகைக்கடையின் உரிமையாளர்களில் ஒருவரான கைலாஷ் சந்த் கைது
செய்யப்பட்டார். இரண்டு பேர் தப்பி சென்றுள்ளனர்.

அவர்களை தேடும் பணி நடந்து வருகிறது. அவர்களது வங்கிக்கணக்கு
முடக்கி வைக்கப்பட்டுள்ளது.
------------------------------------
தினமணி

**T.N.Balasubramanian** · **T.N.Balasubramanian** Thu Dec 29, 2016 6:31 pm

தங்க வியாபாரி ,கம்பி நீட்டிவிட்டார்

ரமணியன்

ஒரே நாளில் ரூ.100 கோடிக்கு தங்கம் விற்பனை?: கம்பி எண்ணும் நகைக்கடை உரிமையாளர்

ஒரே நாளில் ரூ.100 கோடிக்கு தங்கம் விற்பனை?: கம்பி எண்ணும் நகைக்கடை உரிமையாளர்

Re: ஒரே நாளில் ரூ.100 கோடிக்கு தங்கம் விற்பனை?: கம்பி எண்ணும் நகைக்கடை உரிமையாளர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக