சசிகலா தலைமையின் கீழ் பணியாற்ற அதிமுக பொதுக் குழுவில் தீர்மானம்

by **ayyasamy ram** Thu Dec 29, 2016 6:02 pm

சசிகலா தலைமையின் கீழ் பணியாற்ற அதிமுக பொதுக் குழு
கூட்டத்தில் தீர்மானம் நிறைவேற்றப்பட்டது

மிகவும் பரபரப்பான அரசியல் சூழ்நிலையில், அதிமுக பொதுக்
குழு கூட்டம் சென்னை வானகரம் ஸ்ரீவாரு வெங்கடாசலபதி பேலஸ்
திருமண மண்டபத்தில் இன்று நடைபெற்று வருகிறது.

இந்தக் கூட்டத்தில் முதல்வர் ஓ. பன்னீர்செல்வம் உள்ளிட்ட கட்சியின்
முக்கிய நிர்வாகிகள் பங்கேற்றுள்ளனர். கூட்டம் தொடங்கியதும்
ஜெயலலிதாவின் மறைவுக்கு இரங்கல் தெரிவித்து 2 நிமிட மௌன
அஞ்சலி செலுத்தப்பட்டது.

அதைத்தொடர்ந்து ஓ.பன்னீர்செல்வம் கண்ணீர் மல்க, ஜெயலலிதாவுக்கு
இரங்கல் தெரிவிக்கும் தீர்மானத்தை வாசித்தார்.
அதிமுக பொதுக்குழு கூட்டத்தில் முக்கிய தீர்மானமாக சசிகலா
தலைமையின் கீழ் விசுவாசத்துடன் பணியாற்ற உறுதிமொழி ஏற்று
தீர்மானம் நிறைவேற்றப்பட்டது.
மொத்தம் 14 தீர்மானங்கள் இன்றைய கூட்டத்தில் நிறைவேற்றப்பட்டன.
-
------------------------------------------
தினமணி

by **ayyasamy ram** Thu Dec 29, 2016 6:08 pm

சட்டவிதிக்குட்பட்டு சசிகலாவை தேர்வு செய்துள்ளோம்: ஓ. பன்னீர்செல்வம்
-
சென்னை:
சட்டவிதிக்குட்பட்டு, அதிமுக பொதுச் செயலராக
வி.கே. சசிகலாவை தேர்வு செய்துள்ளோம் என்று தமிழக
முதல்வர் ஓ. பன்னீர்செல்வம் தெரிவித்தார்.

இன்று காலை சென்னை வானகரத்தில் துவங்கிய அதிமுக
பொதுக் குழுக் கூட்டத்தில், அதிமுக பொதுச் செயலராக
வி.கே. சசிகலா ஒருமனதாக தேர்வு செய்யப்பட்டார்.

பொதுக்குழுக் கூட்டத்தில் முதல்வர் ஓ. பன்னீர்செல்வம்
இந்த அறிவிப்பினை வெளியிட்டார்.

பொதுக்குழுக் கூட்டத்துக்குப் பிறகு செய்தியாளர்களை சந்தித்த
முதல்வர் ஓ. பன்னீர்செல்வம், சட்டவிதிக்குட்பட்டு, அதிமுக
பொதுச் செயலராக வி.கே. சசிகலாவை தேர்வு செய்துள்ளோம்
என்று தெரிவித்தார்.

செய்தியாளர்களின் கேள்விகளுக்கு பதில் அளிக்க அவர் மறுத்து
விட்டார்.
-
---------------------------------------
தினமணி

by **ayyasamy ram** Thu Dec 29, 2016 6:12 pm

அதிமுக பொதுக் குழுக் கூட்டத்தில் பேனர் மாறியது: பூங்கொத்துடன் சசிகலா
-

-சென்னை:

சென்னை வானகரத்தில் நடைபெற்ற அதிமுக பொதுக்குழுக் கூட்டத்தில்,
அதிமுக பொதுச்செயலராக வி.கே. சசிகலா ஒருமனதாகத் தேர்வு
செய்யப்பட்டார்.

14 தீர்மானங்கள் நிறைவேறியதுமே, பொதுக்குழுக் கூட்டம் நடைபெற்ற
இடத்தில், ஜெயலலிதாவின் பெரிய படம் இருந்த பேனருக்கு மேல் புதிய
பேனர் மாற்றப்பட்டது.

அதில், ஜெயலலிதா படம் இருந்த இடத்தில், சசிகலாவும் ஜெயலலிதாவும்
இடம்பெற்றுள்ளனர். சசிகலா பூங்கொத்து கொடுப்பது போன்று அந்த படம்
உள்ளது.
-
----------------------------------

by **ayyasamy ram** Thu Dec 29, 2016 6:13 pm

தீர்மான நகலை வாங்கி ஜெயலலிதா படம் முன்பு வைத்து கண் கலங்கிய சசிகலா

==
சசிகலா தலைமையின் கீழ் பணியாற்ற அதிமுக பொதுக் குழுவில் தீர்மானம் XdhI7adkTWWXN1ijweNN+op_sasi_nagal

சசிகலா தலைமையின் கீழ் பணியாற்ற அதிமுக பொதுக் குழுவில் தீர்மானம் XdhI7adkTWWXN1ijweNN+op_sasi_nagal

-
சென்னை:
அதிமுக பொதுச்செயலராக தன்னைத் தேர்வு செய்ததற்கான தீர்மான
நகலை முதல்வர் ஓ. பன்னீர்செல்வத்திடம் இருந்து பெற்ற சசிகலா,
அதனை ஜெயலலிதா படத்தின் முன் வைத்து கண் கலங்கினார்.
-
---------------------------------

by **ayyasamy ram** Thu Dec 29, 2016 6:16 pm

அதிமுக, சசிகலா குடும்பத்தாரின் குடும்ப சொத்தாக மாறிய அவலம் அரங்கேறி உள்ளது: ஆம் ஆத்மி
-
அதிமுக, சசிகலா குடும்பத்தாரின் குடும்ப சொத்தாக மாறிய அவலம்
அரங்கேறி உள்ளது என்று தமிழக ஆம் ஆத்மி கட்சியின் மாநில
ஒருங்கிணைப்பாளர் வசீகரன் விமர்சித்துள்ளார்.

இதுகுறித்து இன்று அவர் விடுத்துள்ள அறிக்கையில்,
சசிகலாவை அதிமுக பொதுச்செயலாளராக வரவேண்டி பொதுக்
குழுவில் தீர்மானம் நிறைவேற்றி அதை முதல்வர் பன்னீர் செல்வம் நேரில்
சென்று சசிகலாவிடம் கொடுத்ததாகவும், அதை அவர் ஏற்று கொண்டு
வரவேண்டும் என்று முதல்வரே கோரிக்கை வைத்ததாகவும் செய்தி
ஊடகங்கள் தெரிவிக்கின்றன.

ஏற்கனவே ஊழல் குற்றச்சாட்டுகளால் திளைத்து போய் இருக்கும் சசிகலா,
அதிமுகவின் பொதுச்செயலாளராகவும் அதன் பின் தமிழ் நாட்டின்
முதல்வராகவும், அவரை நியமனம் செய்ய அதிமுகவில் உள்ள ஊழல்
சக்திகள் எல்லாம் கை கோர்த்துக்குக்கொண்டு தமிழ் நாட்டை ஆள மேலும்
இன்னும் ஒரு குடும்ப அரசியலாக மாற்ற அனைத்து ஏற்பாடுகளும்
செய்தாகிவிட்டது.

அதிமுக என்ற எம்ஜிஆர் ஆரம்பித்த மக்கள் இயக்கம் மக்களை இன்று
சசிகலா குடும்பத்தாரின் குடும்ப சொத்தாக மாறிய அவலம் அரங்கேறி
உள்ள நாள் தமிழக அரசியலின் கறுப்பு நாளாக ஆம் ஆத்மி அறிவிக்கிறது.
இவ்வாறு அவர் அந்த அறிக்கையில் குறிப்பிட்டுள்ளார்.
-
-------------------------------
தினமணி

by Sponsored content

சசிகலா தலைமையின் கீழ் பணியாற்ற அதிமுக பொதுக் குழுவில் தீர்மானம்

சசிகலா தலைமையின் கீழ் பணியாற்ற அதிமுக பொதுக் குழுவில் தீர்மானம்

Re: சசிகலா தலைமையின் கீழ் பணியாற்ற அதிமுக பொதுக் குழுவில் தீர்மானம்

Re: சசிகலா தலைமையின் கீழ் பணியாற்ற அதிமுக பொதுக் குழுவில் தீர்மானம்

Re: சசிகலா தலைமையின் கீழ் பணியாற்ற அதிமுக பொதுக் குழுவில் தீர்மானம்

Re: சசிகலா தலைமையின் கீழ் பணியாற்ற அதிமுக பொதுக் குழுவில் தீர்மானம்

Re: சசிகலா தலைமையின் கீழ் பணியாற்ற அதிமுக பொதுக் குழுவில் தீர்மானம்