20 ஆயிரம் என்.ஜி.ஓ., லைசென்ஸ் அதிரடி ரத்து

**ayyasamy ram** · **ayyasamy ram** Wed Dec 28, 2016 7:14 am

புதுடில்லி:

வெளிநாட்டு நன்கொடை பெறுவதில், சட்ட விதிகளை மீறியதாக,
என்.ஜி.ஓ., எனப்படும் அரசு சாரா அமைப்புகளில், 20 ஆயிரம்,
என்.ஜி.ஓ.,க்களின் லைசென்ஸ் ரத்து செய்யப்பட்டுள்ளது.

உள்துறை அமைச்சகத்தின் வெளிநாட்டவர் பிரிவின் ஆய்வுக்
கூட்டம், உள்துறை அமைச்சரும், பா.ஜ., மூத்த தலைவருமான
ராஜ்நாத் சிங் தலைமையில், நேற்று நடந்தது.

இந்தக் கூட்டத்தில் தெரிவிக்கப்பட்ட தகவல்கள்:
நாடு முழுவதும், 33 ஆயிரம், என்.ஜி.ஓ.,க்கள் அரசிடம் பதிவு
செய்துள்ளன. வெளிநாட்டு நன்கொடைகள் பெறுவது தொடர்பான
விதிமுறைகளை மீறியதால், இவற்றில், 20 ஆயிரம் அமைப்புகளின்
லைசென்ஸ் ரத்து செய்யப்பட்டுள்ளன.
அதன்படி, இனி, இவை வெளிநாட்டு நன்கொடைகளை பெற முடியாது.

இந்த அமைப்புகளின் செயல்பாடுகள் குறித்து கடந்த ஆண்டு துவங்கிய
ஆய்வு, தொடர்ந்து நடந்து வருகிறது. மீதமுள்ள, 13 ஆயிரம்
அமைப்புகளில், 3,000 அமைப்புகள், லைசென்ஸ் புதுப்பிக்க
விண்ணப்பித்துள்ளன; அதில், 2,000 விண்ணப்பங்கள் உள்துறை
அமைச்கத்தின் ஒப்புதலுக்கு வந்துள்ளன.

இவற்றைத் தவிர, 300 அமைப்புகள், முன்அனுமதி பிரிவின் கீழ்
வைக்கப்பட்டன. அதன்படி இந்த அமைப்புகள் வெளிநாட்டு நன்கொடை
பெறுவதற்கு முன் அரசின் அனுமதியை பெற வேண்டும்
.இவ்வாறு அதில் தெரிவிக்கப்பட்டுள்ளது.
–
———————————-
தினமலர்

**ராஜா** · **ராஜா** Wed Dec 28, 2016 11:07 am

**krishnaamma** · **krishnaamma** Wed Dec 28, 2016 11:34 am

எத்தனை எத்தனையோ கிடுக்கிப் பிடி போட்டாலும், இவங்களும் சளைக்காமல் பதுக்கறாங்க புன்னகை

**T.N.Balasubramanian** · **T.N.Balasubramanian** Wed Dec 28, 2016 1:14 pm

எல்லா NGO க்களுக்கும் அயல்நாட்டு பணஉதவியை தடை செய்யவேண்டும்.
விருப்பப்பட்டால், RBI க்கு அனுப்பிவிட்டு IFSC .RTGS மூலம் வரவு வைத்துக்கொள்ளலாம்.
மேலும் அவர்கள் செய்யும் தொண்டு, உண்மையிலேயே தொண்டா, என்பதையும் முறையாக விசாரிக்கவேண்டும்.

ரமணியன்

**ராஜா** · **ராஜா** Wed Dec 28, 2016 6:14 pm

T.N.Balasubramanian wrote:எல்லா NGO க்களுக்கும் அயல்நாட்டு பணஉதவியை தடை செய்யவேண்டும்.
விருப்பப்பட்டால், RBI க்கு அனுப்பிவிட்டு IFSC .RTGS மூலம் வரவு வைத்துக்கொள்ளலாம்.
மேலும் அவர்கள் செய்யும் தொண்டு, உண்மையிலேயே தொண்டா, என்பதையும் முறையாக விசாரிக்கவேண்டும்.

ரமணியன்