2017 ஆங்கில புத்தாண்டு, பொது மற்றும் ராசி பலன்கள் !

First topic message reminder :

 
-

ஆண்டின் முதல் தேதியில் எண் கணிதப்படி, 3 ஆக வருகிறது.
2017 ஆம் ஆண்டின் எண் 1 என்று வருகிறது. அதனால் 1 ஆம்
எண்ணுக்குரிய சூரியபகவானும் 3 ஆம் எண்ணுக்குரிய
குருபகவானும் இந்த புத்தாண்டில் முக்கியமானவர்களாக
கருதப்பட வேண்டும்.

இந்த ஆண்டு 26.1.2017 (வியாழக்கிழமை) இரவு 7.28 (ஐஎஸ்டி)
மணிக்கு சனி ஹோரையில் சனிபகவான் விருச்சிக
ராசியிலிருந்து தனுசு ராசிக்குப் பெயர்ச்சி ஆகிறார். 7.4.2017
(வியாழக்கிழமை) பின்னிரவு 5.40 (ஐஎஸ்டி) மணிக்கு
(விடிந்தால் வெள்ளிக்கிழமை) சூரியஹோரையில் மூலம்
நட்சத்திரம் 2 ஆம் பாதத்தில் சனிபகவான் தனுசு ராசியில்
வக்கிரமடைகிறார்.

இந்த ஆண்டு 21.6.2017 (செவ்வாய்க்கிழமை) பின்னிரவு
4.49 (ஐஎஸ்டி) மணிக்கு சூரிய ஹோரையில் சனிபகவான்
அதிவக்கிர கதியில் விருச்சிக ராசிக்குப் பெயர்ச்சி ஆகிறார்.

இங்கு சனிபகவான் 25.10.2017 வரை சஞ்சரித்துவிட்டு 26.10.2017
(வியாழக்கிழமை) பிற்பகல் 3.32 (ஐஎஸ்டி) மணியளவில் சூரிய
ஹோரையில் விருச்சிக ராசியிலிருந்து தனுசு ராசிக்கு
மறுபடியும் பெயர்ச்சி ஆகிறார்.

12.9.2017 (செவ்வாய்க்கிழமை) காலை 7.00 (ஐஎஸ்டி) மணிக்கு
செவ்வாய் ஹோரையில் குருபகவான் கன்னி ராசியிலிருந்து
துலாம் ராசிக்குப் பெயர்ச்சி ஆகிறார்.

இங்கு 10.10.2018 வரை சஞ்சரித்துவிட்டு குருபகவான் 11.10.2018
(வியாழக்கிழமை) இரவு 7.20 (ஐஎஸ்டி) மணிக்கு சனிஹோரையில்
துலாம் ராசியை விட்டு விருச்சிக ராசிக்கு பெயர்ச்சி ஆகிறார்.
இந்த ஆங்கிலப் புத்தாண்டு பலன்கள் இந்த சனி மற்றும்
குருபகவான்களின் சஞ்சாரத்தைக் கருத்தில் கொண்டும்
எழுதப்பட்டுள்ளது.

இந்த ஆங்கிலப் புத்தாண்டு ஜாதகத்தில் லக்னம் மற்றும்
தொழில் ஸ்தானாதிபதியான புதபகவான் சுக ஸ்தானத்தில்
விரயாதிபதியான சூரியபகவானுடன் இணைந்து புத ஆதித்ய
யோகத்தைப் பெறுகிறார்.

புதபகவான் கேதுபகவானின் சாரத்தில் அமர்ந்து நவாம்சத்தில்
தன் ஆட்சி வீடான மிதுன ராசியை அடைகிறார். சூரியபகவானும்
தன் ஆட்சி வீடான சிம்மராசியை அடைகிறார். புதபகவான்
கல்விக் காரகராவார். வியாபாரத்திற்கும் புதபகவான்
காரகராகிறார். இதனால் தொழில் துறை, பேச்சு, கணினி,
கணிதம், எழுத்துத்துறை போன்ற துறைகள் ஏற்றம் காணும்.

அதோடு நீதித் துறையிலும் நவீன மாற்றங்கள் உண்டாகும்.
பூர்வபுண்ணிய (ஐந்து) மற்றும் ருணம் (கடன்), ரோகம் (வியாதி),
சத்ரு (விரோதி) ஆகிய ஆறாம் வீட்டுக்கும் அதிபதியான சனி
பகவான் மூன்றாம் வீட்டில் விபரீத ராஜயோகம் பெற்று
லக்னாதிபதியின் சாரத்தில் (கேட்டை) நட்சத்திரத்தில் அமர்ந்து
நவாம்சத்தில் மீன ராசியை அடைகிறார்.

தனுசு ராசி நேயர்களே!

ஆண்டின் ஆரம்பத்திலேயே சனிபகவான் உங்கள் ஜென்ம ராசிக்கு வருவது சுய முயற்சி மூலம் பண வரவை அதிகமாகக் கொடுக்கும். இந்த ஆண்டு துவக்கத்தில் உங்கள் ஜென்ம ராசிக்கு பத்தாமிடத்தில் சஞ்சரிக்கும் குரு பகவானால் சொந்தமாக செய்யும் தொழில் சிறப்பாக இருக்கும்.

செப்டம்பர் மாதம் குரு உங்கள் ஜென்ம ராசிக்கு பதினொன்றாமிடத்திற்கு வருகிறார் தொழில் லாபம் அதிகரிக்கும் மனதில் நினைப்பவை எல்லாம் எளிதில் நிறைவேறும். இவ்வாண்டு ஆகஸ்ட் மாதம் நடைபெறும் ராகு கேது பெயர்ச்சி சுபஅசுப பலன்களை கலந்து கொடுக்கும். ராகு எட்டாமிடத்திற்கு வருவது சிறப்பு அல்ல கேது இரண்டாமிடத்திற்கு வருவது நற்பலனைத் தரும்.

ஜனவரி: ஆண்டின் துவக்கத்தில் உங்கள் ஜென்ம ராசியில் இருக்கும் சூரியன் தலைமைப் பதவியைத் தருவார். இம்மாதம் 14ம் தேதி இரண்டாமிடத்திற்கு சூரியன் வருகிறார் அப்பா மூலம் பண வரவு உண்டாகும் செவ்வாய் இம்மாதம் 20ம் தேதி நான்காம் இடத்திற்கு வருகிறார் புதிதாக நிலம் வாங்கும் யோகம் உண்டாகும். புதன் இம்மாதம் முழுவதும் உங்கள் ஜென்ம ராசியில் இருப்பது சமயோசிதமாக செயல்பட்டு எல்லாவற்றிலும் வெற்றி பெறுவீர்கள்.

குரு உங்கள் ராசிக்கு பத்தாமிடத்தில் இருப்பது சொந்தமாக செய்யும் தொழிலில் மேன்மையைக் கொடுக்கும் சுக்கிரன் மூன்றாமிடத்திலிருப்பது வெளியூர் பயணத்தைக் கொடுக்கும் இம்மாதம் 27ம் தேதி நான்காமிடத்திற்கு மாறுகிறார் புதிதாக வாகனம் வாங்குவீர்கள். சனி வருட ஆரம்பத்தில் பன்னிரெண்டாமிடத்தில் இருந்தாலும் இம்மாதம் 26ம் தேதி உங்கள் ஜென்ம ராசிக்கு வருவது உடல் உழைப்பை அதிகப்படுத்தும் ராகு ஒன்பதாமிடத்தில் இருப்பது வெளிநாடு செல்லும் யோகத்தைக் கொடுக்கும் கேது மூன்றாமிடத்திலிருப்பது அடிக்கடி பயணம் செய்யும் நிலையைத் தரும்.

பிப்ரவரி: சூரியன் இம்மாதம் 13ம் தேதி மூன்றாமிடத்திற்கு வருகிறார் அரசு ஊழியர்களுக்கு பணியிட மாற்றம் உண்டாகும். புதன் இம்மாதம்03ம் தேதி இரண்டாமிடத்திற்கு வருவது வாக்கு வன்மை அதிகரிக்கும் 22ம் தேதி மூன்றாமிடத்திற்கு வருவது சுப மங்கல தகவல் வரும். செவ்வாய், குரு, சுக்கிரன், சனி, ராகு, கேது இம்மாதம் பெயர்ச்சி கிடையாது கடந்த மாத பலன்களையே இம்மாதமும் தொடர்ந்து கொடுப்பார்கள்.

மார்ச்: சூரியன் இந்த மாதம் 14ம் தேதி நான்காமிடத்திற்கு வருகிறார் வீடு நிலம் வாங்கும் யோகம் உண்டாகும். செவ்வாய் 02ம் தேதி ஐந்தாமிடத்திற்கு வருகிறார் குல தெய்வ கோயிலுக்கு செல்வீர்கள் புதன் 11ம் தேதி நான்காமிடத்திற்கு வருவது சில்லறை வியாபாரத்தில் லாபத்தைத் தரும் 27ம் தேதி ஐந்தாமிடத்திற்கு வருகிறார் படிப்பில் மேன்மை நிலை உண்டாகும். குரு, சுக்கிரன், சனி, ராகு, கேது இம்மாதம் பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

ஏப்ரல்: சூரியன் இந்த மாதம் 14ம் தேதி ஐந்தாம் இடத்திற்கு வருகிறார் பூர்வீக சொத்து கிடைக்கும் செவ்வாய் இந்த மாதம் 13ம் தேதி ஆறாமிடத்திற்கு வருகிறார் உடன் பிறப்புகளால் தொல்லை உண்டாகும். புதன், குரு, சுக்கிரன், சனி, ராகு, கேது இம்மாதம் பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

மே: சூரியன் இந்த மாதம் 15ம் தேதி ஆறாமிடத்திற்கு வருகிறார் உயர் அதிகாரிகளால் தொல்லை உண்டாகும் செவ்வாய் இந்த மாதம் 27ம் தேதி ஏழாமிடத்திற்கு வருகிறார் ரியல் எஸ்டேட் தொழில் செய்பவர்களுக்கு வியாபாரம் விருத்தியாகும். சுக்கிரன் இந்த மாதம் 27ம் தேதி ஐந்தாமிடத்திற்கு வருகிறார் குடும்பத்துடன் உல்லாசப் பயணம் செல்வீர்கள். இந்த மாதம் புதன், குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

ஜூன்: இந்த மாதம் சூரியன் 15ம் தேதி ஏழாமிடத்திற்கு வருகிறார் அடிக்கடி வெளியூர் பயணம் செல்லும் நிலை உண்டாகும். புதன் இந்த மாதம் 03ம் தேதி ஆறாம் இடத்திற்கு வருகிறார் ஷேர்மார்க்கெட் முதலீடுகளை தவிர்க்கவும் 18ம் தேதி ஏழாமிடத்திற்கு வருகிறார் தொழில் வியாபாரம் விருத்தியாகும். சுக்கிரன் இம்மாதம் 29ம் தேதி ஆறாமிடத்திற்கு வருகிறார் பெண்களால் தொல்லை உண்டாகும். இந்த மாதம் செவ்வாய், குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

ஜூலை: சூரியன் இந்த மாதம் 17ம் தேதி எட்டாமிடத்திற்கு வருகிறார் தொழிலில் மன உளைச்சல் உண்டாகும் செவ்வாய் 11ம் தேதி எட்டாமிடத்திற்கு வருகிறார் நெருப்பினால் காயம் உண்டாகலாம் கவனம் தேவை. புதன் இந்த மாதம் 03ம் தேதி எட்டாம் இடத்திற்கு வருகிறார் தாய் மாமனுடன் மனஸ்தாபம் உண்டாகும் 21ம் தேதி ஒன்பதாமிடத்திற்கு வருகிறார் தொழில் வியாபாரம் சம்பந்த்தமாக வெளிநாடு செல்லும் யோகம் உண்டாகும் சுக்கிரன் 26ம் தேதி ஏழாமிடத்திற்கு வருகிறார் கணவன் மனைவி அன்னியோன்னியம் அதிகரிக்கும். இந்த மாதம் செவ்வாய், குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

ஆகஸ்ட்: சூரியன் 17ம் தேதி உங்கள் ஒன்பதாமிடத்திற்கு வருகிறார் அப்பாவின் தொழில் சிறப்படையும் செவ்வாய் 27ம் தேதி ஒன்பதாமிடத்திற்கு வருகிறார் பரம்பரை சொத்துகளில் பங்கு கிடைக்கும். சுக்கிரன் 21ம் தேதி எட்டாமிடத்திற்கு வருகிறார் பெண்களால் மனக் கஷ்டம் உண்டாகும் ராகு இம்மாதம் 18ம் தேதி எட்டாமிடத்திற்கு வருகிறார் வாகனப் போக்குவரத்தில் கவனம் தேவை. கேது 18ம் தேதி இரண்டாமிடத்திற்கு வருகிறார் வீண் விவாதங்களைத் தவிர்ப்பது சிறப்பு. இந்த மாதம் புதன், குரு, சனி, பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

செப்டம்பர்: சூரியன் 17ம் தேதி பத்தாமிடத்திற்கு வருகிறார் பரம்பரையாக செய்து வந்த தொழிலில் முன்னேற்றம் உண்டாகும் செவ்வாய் 13ம் தேதி பத்தாமிடத்திற்கு வருகிறார் விளையாட்டு வீரர்களுக்கு புகழ் கிடைக்கும் புதன் 27ம் தேதி பத்தாமிடத்திற்கு வருகிறார் தரகு கமிஷன் வியாபாரம் மிகவும் முன்னேற்றம் அடையும். குரு 12ம் தேதி உங்கள் ஜென்ம ராசிக்கு பதினொன்றாமிடத்திற்கு வருகிறார் எண்ணியவை யாவும் எளிதில் நிறைவேறும். சுக்கிரன் 15ம் தேதி ஒன்பதாமிடத்திற்கு வருகிறார் ஆன்மீக சுற்றுலா செல்வீர்கள். இந்த மாதம் சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

அக்டோபர்: சூரியன் 18ம் தேதி உங்கள் ராசிக்கு பதினொன்றாமிடத்திற்கு வருகிறார் தொழில் லாபம் அதிகரிக்கும் செவ்வாய் 30ம் தேதி பதினொன்றாமிடத்திற்கு வருகிறார் விளையாட்டு வீரர்களுக்கு பண வரவு அதிகரிக்கும் புதன் 30ம் தேதி பதினொன்றாமிடத்திற்கு வருகிறார் ஷேர்மார்க்கெட் முதலீடுகள் லாபத்தைத் தரும். சுக்கிரன் 15ம் தேதி பத்தாமிடத்திற்கு வருகிறார் தொழிலில் வாழ்க்கைத் துணையின் உதவி கிடைக்கும். இந்த மாதம் குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

நவம்பர்: சூரியன் 17ம் தேதி பன்னிரெண்டாமிடத்திற்கு வருகிறார் அரசு நிறுவனங்களில் முதலீடுகள் அதிகரிக்கும் புதன் 02ம் தேதி பன்னிரெண்டாமிடத்திற்கு வருகிறார் வியாபாரத்திற்க்காக வெளியூர் பயணம் செல்லும் நிலை உண்டாகும் 24ம் தேதி உங்கள் ஜென்ம ராசுக்கு வருகிறார் புத்திகூர்மை அதிகரிக்கும் சுக்கிரன் 03ம் தேதி பதினொன்றாமிடத்திற்கு வருகிறார் வங்கி சேமிப்பு அதிகரிக்கும் 26ம் தேதி பன்னிரெண்டாமிடத்திற்கு வருகிறார் பொன்னகைகள் வாங்குவீர்கள். இந்த மாதம் குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

டிசம்பர்: சூரியன் 16ம் தேதி உங்கள் ஜென்ம ராசிக்கு வருகிறார் பதவி உயர்வு உண்டாகும் சுக்கிரன் 20ம் தேதி உங்கள் ஜென்ம ராசிக்கு வருகிறார் முக வசீகரம் அதிகரிக்கும். இந்த மாதம் செவ்வாய், புதன், குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

இந்த ஆண்டு துவக்கத்தில் உங்கள் ஜென்ம ராசிக்கு ஒன்பதாமிடத்தில் சஞ்சரிக்கும் குரு பகவானால் செல்வச் செழிப்பு மனதிற்கு திருப்தி தருவதாக இருக்கும் ஆண்டின் இறுதியில் குரு உங்கள் ஜென்ம ராசிக்கு பத்தாமிடத்திற்கு வருகிறார். தொழில் நிலையில் முன்னேற்றம் உண்டாகும்.

ஆண்டின் ஆரம்பத்திலேயே சனிபகவான் உங்கள் ஜென்ம ராசிக்கு பன்னிரெண்டாமிடத்தில் வருவது செலவினங்கள் அதிகரிக்கச் செய்யும். இவ்வாண்டு இறுதியில் நடைபெறும். ராகு கேது பெயர்ச்சி சுப பலன்களை கொடுக்கும். ராகு ஏழாமிடத்திற்கு வருவது வியாபார விருத்தியை கொடுக்கும் கேது உங்கள் ஜென்ம ராசிக்கு வருவது உழைப்பை அதிகப்படுத்தும்.

ஜனவரி - வேலை கிடைக்கும் ஆண்டின் துவக்கத்தில் பன்னிரெண்டாமிடத்தில் இருக்கும் சூரியன் அதிகமாக செலவழிக்கும் சூழ்நிலையை உருவாக்குவார் இம்மாதம் 14ம் தேதி உங்கள் ஜென்ம ராசிக்கு சூரியன் வருகிறார் வேலை தேடிக் கொண்டிருப்பவர்களுக்கு வேலை கிடைக்கும் செவ்வாய் இம்மாதம் 20ம் தேதி மூன்றாம் இடத்திற்கு வருகிறார் உடன் பிறப்புகளால் நன்மை உண்டாகும்.

புதன் இம்மாதம் முழுவதும் பன்னிரெண்டாமிடத்தில் இருப்பது வியாபாரத்தில் முதலீடுகளை அதிகரிக்கச் செய்யும் குரு உங்கள் ராசிக்கு ஒன்பதாமிடத்தில் இருப்பது அனைவரிடமும் நல்லுறவு நிலவும் அதிர்ஷ்டம் அதிகரிக்கும் சுக்கிரன் இரண்டாமிடத்திலிருப்பது தாராளமான செல்வத்தை கொடுக்கும் இம்மாதம் 27ம் தேதி மூன்றாமிடத்திற்கு மாறுகிறார் வெளியூர் செல்லும் நிலை உண்டாகும். சனி வருட ஆரம்பத்தில் பதினொன்றாமிடத்தில் இருந்தாலும் இம்மாதம் 26ம் தேதி உங்கள் ஜென்ம ராசிக்கு பன்னிரெண்டாமிடத்திற்கு வருவது செலவுகள் அதிகரிக்கும் ராகு எட்டாமிடத்தில் இருப்பது மனதில் முடிவெடுக்க முடியாத நிலையை உண்டாக்கும் கேது இரண்டாமிடத்திலிருப்பது அடிக்கடி தேவையற்ற பேச்சை தவிர்ப்பது நல்லது.

பிப்ரவரி - வருமானம் அதிகரிக்கும் சூரியன் இம்மாதம் 13ம் தேதி இரண்டாமிடத்திற்கு வருகிறார் எதிர்பாராத வருமானம் அதிகரிக்கும். புதன் இம்மாதம்03ம் தேதி உங்கள் ஜென்மராசிக்கு வருவது வருவது சமயோசித புத்தியுடன் செயல்படுவீர்கள் 22ம் தேதி இரண்டாமிடத்திற்கு வருவது வாக்கு வன்மை அதிகரிக்கும். செவ்வாய், குரு, சுக்கிரன், சனி, ராகு, கேது இம்மாதம் பெயர்ச்சி கிடையாது கடந்த மாத பலன்களையே இம்மாதமும் தொடர்ந்து கொடுப்பார்கள்.

மார்ச் - கவனம் அதிகரிப்பு சூரியன் இந்த மாதம் 14ம் தேதி மூன்றாமிடத்திற்கு வருகிறார் அடிக்கடி பயணம் செல்லும் நிலை உண்டாகும். செவ்வாய் 02ம் தேதி நான்காமிடத்திற்கு வருகிறார் வீடு வாங்கும் எண்ணம் நிறைவேறும். புதன் 11ம் தேதி மூன்றாமிடத்திற்கு வருவது வியாபாரம் சிறப்படையும் 27ம் தேதி நான்காமிடத்திற்கு வருகிறார் படிப்பில் கவனம் அதிகரிக்கும். குரு, சுக்கிரன், சனி, ராகு, கேது இம்மாதம் பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

ஏப்ரல் - வாகனம் வாங்குவீர்கள் சூரியன் இந்த மாதம் 14ம் தேதி நான்காம் இடத்திற்கு வருகிறார் அரசாங்க ஒதுக்கீட்டில் வீடு கிடைக்கும் செவ்வாய் இந்த மாதம் 13ம் தேதி ஐந்தாமிடத்திற்கு வருகிறார் புதிதாக வாகனம் வாங்குவீர்கள். புதன், குரு, சுக்கிரன், சனி, ராகு, கேது இம்மாதம் பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

மே - உல்லாச பயணம் சூரியன் இந்த மாதம் 15ம் தேதி ஐந்தாமிடத்திற்கு வருகிறார் உல்லாசப் பயணம் செல்வீர்கள் செவ்வாய் இந்த மாதம் 27ம் தேதி ஆறாமிடத்திற்கு வருகிறார் நெருப்பினால் காயம் உண்டாகலாம் கவனம் தேவை. சுக்கிரன் இந்த மாதம் 27ம் தேதி நான்காமிடத்திற்கு வருகிறார் புதிதாக வாங்கும் யோகம் உண்டாகும். இந்த மாதம் புதன், குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

ஜூன் - அதிகாரிகளால் தொல்லை இந்த மாதம் சூரியன் 15ம் தேதி ஆறாமிடத்திற்கு வருகிறார் அதிகாரிகளால் தொல்லை உண்டாகும். புதன் இந்த மாதம் 03ம் தேதி ஐந்தாம் இடத்திற்கு வருகிறார் தரகு கமிஷன் வியாபாரம் சிறப்படையும் 18ம் தேதி ஆறாமிடத்திற்கு வருகிறார் தாய் மாமனுடன் கருத்து வேற்றுமை உண்டாகும். சுக்கிரன் இம்மாதம் 29ம் தேதி ஐந்தாமிடத்திற்கு வருகிறார் குடும்பத்துடன் உல்லாசப் பயணம் செல்வீர்கள். இந்த மாதம் செவ்வாய், குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

ஜூலை - வாழ்க்கை துணையால் தொல்லை சூரியன் இந்த மாதம் 17ம் தேதி ஏழாமிடத்திற்கு வருகிறார் தொழில் வியாபாரத்தில் சிறந்த நிலை உண்டாகும் செவ்வாய் 11ம் தேதி ஏழாமிடத்திற்கு வருகிறார் காவல் துறையில் பணிபுரிபவர்களுக்கு இடமாற்றம் உண்டாகும். புதன் இந்த மாதம் 03ம் தேதி ஏழாம் இடத்திற்கு வருகிறார் ஷேர்மார்க்கெட் முதலீடுகள் சிறப்படையும் 21ம் தேதி எட்டாமிடத்திற்கு வருகிறார் தாய் மாமனால் மனக் கஷ்டம் உண்டாகும் சுக்கிரன் 26ம் தேதி ஆறாமிடத்திற்கு வருகிறார் வாழ்க்கைத் துணையினால் தொல்லை உண்டாகும். இந்த மாதம் செவ்வாய், குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

ஆகஸ்ட் - மனதில் கலக்கம் சூரியன் 17ம் தேதி உங்கள் எட்டாமிடத்திற்கு வருகிறார் உயர் அதிகரிகளால் மனதில் கலக்கம் உண்டாகும் செவ்வாய் 27ம் தேதி எட்டாமிடத்திற்கு வருகிறார் வாகன விபத்து உண்டாகலாம். சுக்கிரன் 21ம் தேதி ஏழாமிடத்திற்கு வருகிறார் வாழ்க்கைத் துணையால் நன்மை உண்டாகும் ராகு இம்மாதம் 18ம் தேதி ஏழாமிடத்திற்கு வருகிறார் வியாபாரத்தில் இதுவரை இருந்து வந்த மந்த நிலை நீங்கி வியாபாரம் விருத்தியாகும் கேது 18ம் தேதி உங்கள் ஜென்ம ராசிக்கு வருகிறார் மன சிந்தனை தெளிவடையும். இந்த மாதம் புதன், குரு, சனி, பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

செப்டம்பர் - தொழிலில் மேன்மை சூரியன் 17ம் தேதி ஒன்பதாமிடத்திற்கு வருகிறார் அப்பாவின் அறிவுரை நன்மையைக் கொடுக்கும். செவ்வாய் 13ம் தேதி ஒன்பதாமிடத்திற்கு வருகிறார் பரம்பரை சொத்தில் பங்கு கிடைக்கும் புதன் 27ம் தேதி ஒன்பதாமிடத்திற்கு வருகிறார் வெளிநாட்டு தொழில் தொடர்பு சிறப்பு அடையும். குரு 12ம் தேதி உங்கள் ஜென்ம ராசிக்கு பத்தாமிடத்திற்கு வருகிறார் தொழில் நிலை மேன்மையடையும். சுக்கிரன் 15ம் தேதி எட்டாமிடத்திற்கு வருகிறார் பெண்கள் விஷயத்தில் கவனம் தேவை. இந்த மாதம் சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

அக்டோபர் - பதவி உயர்வு சூரியன் 18ம் தேதி உங்கள் ராசிக்கு பத்தாமிடத்திற்கு வருகிறார் உத்தியோகத்தில் பதவி உயர்வு கிடைக்கும் செவ்வாய் 30ம் தேதி பத்தாமிடத்திற்கு வருகிறார் காவல் துறையில் பணி புரிபவர்களுக்கு பதவி உயர்வு கிடைக்கும் புதன் 30ம் தேதி பத்தாமிடத்திற்கு வருகிறார் ஒப்பந்தத் தொழில் சிறப்படையும். சுக்கிரன் 15ம் தேதி ஒன்பதாமிடத்திற்கு வருகிறார் அதிர்ஷ்டம் அதிகரிக்கும். இந்த மாதம் குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

நவம்பர் - திடீர் வருமானம் சூரியன் 17ம் தேதி பதினொன்றாமிடத்திற்கு வருகிறார் திடீர் வருமானம் அதிகரிக்கும் புதன் 02ம் தேதி பதினொன்றாமிடத்திற்கு வருகிறார் தாய் மாமன் உதவி கிடைக்கும் 24ம் தேதி பன்னிரெண்டாமிடத்திற்கு வருகிறார் வெளிநாடு செல்லும் யோகம் உண்டாகும். சுக்கிரன் 03ம் தேதி பத்தாமிடத்திற்கு வருகிறார் தொழிலில் வாழ்க்கைத் துணையின் உதவி கிடைக்கும் 26ம் தேதி பதினொன்றாமிடத்திற்கு வருகிறார் லாபம் அதிகரிக்கும். இந்த மாதம் குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

டிசம்பர் - வீண் அலைச்சல் சூரியன் 16ம் தேதி உங்கள் ஜென்ம ராசிக்கு பன்னிரெண்டாமிடத்திற்கு வருகிறார் வீண் அலைச்சல் உண்டாகும் சுக்கிரன் 20ம் தேதி உங்கள் ஜென்ம ராசிக்கு பன்னிரெண்டாமிடத்திற்கு வருகிறார் மனைவிக்காக செலவுகள் அதிகரிக்கும். இந்த மாதம் செவ்வாய், புதன், குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

கும்ப ராசி நேயர்களே!

ஆண்டின் ஆரம்பத்திலேயே சனிபகவான் உங்கள் ஜென்ம ராசிக்கு பதினொன்றாமிடத்தில் வருவது தொழில் லாபத்தை அதிகரிக்கச் செய்யும். இவ்வாண்டு ஆகஸ்ட் மாதம் நடைபெறும் ராகு கேது பெயர்ச்சி சுப பலன்களை கொடுக்கும். ராகு ஆறாமிடத்திற்கு வருவது எதிரிகளை வெல்லும் திறனை கொடுக்கும் கேது பன்னிரெண்டாமிடத்திற்கு வருவது தொழில் தொடர்பான வெளிநாட்டு தொடர்புகளைக் கொடுக்கும்.

இந்த ஆண்டு துவக்கத்தில் உங்கள் ஜென்ம ராசிக்கு எட்டாமிடத்தில் சஞ்சரிக்கும் குரு பகவானால் எதிர்பாராத பண வரவு தருவதாக இருக்கும். செப்டம்பர் மாதம் குரு உங்கள் ஜென்ம ராசிக்கு ஒன்பதாமிடத்திற்கு வருகிறார் மதிப்பு கௌரவம் அந்தஸ்து அதிகரிக்கும்.

ஜனவரி - தொழிலில் லாபம் ஆண்டின் துவக்கத்தில் பதினொன்றாமிடத்தில் இருக்கும் சூரியன் தொழிலில் லாபத்தை அதிகமாக தருவார் இம்மாதம் 14ம் தேதி உங்கள் ஜென்ம ராசிக்கு பன்னிரெண்டாமிடத்திற்கு சூரியன் வருகிறார் அரசாங்க ஊழியர்களுக்கு பணியிட மாற்றம் உண்டாகும். செவ்வாய் இம்மாதம் 20ம் தேதி இரண்டாம் இடத்திற்கு வருகிறார் நிலம் வீடு வகையில் நன்மை உண்டாகும். புதன் இம்மாதம் முழுவதும் பதினொன்றாமிடத்தில் இருப்பது கமிஷன் ஒப்பந்தத் தொழிலில் லாபத்தை அதிகரிக்கச் செய்யும்

குரு உங்கள் ராசிக்கு எட்டாமிடத்தில் இருப்பது எதிர்பாராத வகையில் பண வரவைக் கொடுக்கும். சுக்கிரன் உங்கள் ஜென்மராசியில் இருப்பது முக வசீகரத்தை அதிகரிக்கச் செய்யும் இம்மாதம் 27ம் தேதி இரண்டாமிடத்திற்கு மாறுகிறார் பொன்னகைகளின் சேர்க்கை அதிகரிக்கும். சனி வருட ஆரம்பத்தில் பத்தாமிடத்தில் இருந்தாலும் இம்மாதம் 26ம் தேதி பதினொன்றாமிடத்திற்கு வருவது தொழிலில் லாபம் அதிகரிக்கும் ராகு ஏழாமிடத்தில் இருப்பது வியாபாரத்தை அதிகரிக்கச் செய்யும் கேது ஜென்ம ராசியிலிருப்பது மன சிந்தனை தெளிவாக இருக்கும்..

பிப்ரவரி - அதிகாரிகள் ஒத்துழைப்பு சூரியன் இம்மாதம் 13ம் தேதி உங்கள் ஜென்ம ராசிக்கு வருகிறார் உயர் அதிகாரிகளின் ஒத்துழைப்பு கிடைக்கும். புதன் இம்மாதம்03ம் தேதி உங்கள் ஜென்மராசிக்கு பன்னிரெண்டாமிடத்திற்கு வருவது தொழிலில் முதலீடுகள் அதிகரிக்கும் 22ம் தேதி ஜென்ம ராசிக்கு வருவது புத்தி சாதுரியம் அதிகரிக்கும். செவ்வாய், குரு, சுக்கிரன், சனி, ராகு, கேது இம்மாதம் பெயர்ச்சி கிடையாது கடந்த மாத பலன்களையே இம்மாதமும் தொடர்ந்து கொடுப்பார்கள்.

மார்ச் - பண வரவு சூரியன் இந்த மாதம் 14ம் தேதி இரண்டாமிடத்திற்கு வருகிறார் அரசு நிறுவனங்கள் மூலம் பண வரவு உண்டாகும். செவ்வாய் 02ம் தேதி மூன்றாமிடத்திற்கு வருகிறார் அண்டை அயலாரால் நன்மை உண்டாகும். புதன் 11ம் தேதி இரண்டாமிடத்திற்கு வருவது வாக்கு வன்மை அதிகரிக்கும் 27ம் தேதி மூன்றாமிடத்திற்கு வருகிறார் எதிர்பார்த்திருந்த சுப மங்கல தகவல் வந்து சேரும். குரு, சுக்கிரன், சனி, ராகு, கேது இம்மாதம் பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

ஏப்ரல் - எண்ணம் நிறைவேறும் சூரியன் இந்த மாதம் 14ம் தேதி மூன்றாம் இடத்திற்கு வருகிறார் அரசு தொடர்பான பயணம் உண்டாகும் செவ்வாய் இந்த மாதம் 13ம் தேதி நான்காமிடத்திற்கு வருகிறார் வீடு கட்டும் எண்ணம் நிறைவேறும். புதன், குரு, சுக்கிரன், சனி, ராகு, கேது இம்மாதம் பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

மே - மன தைரியம் சூரியன் இந்த மாதம் 15ம் தேதி நான்காமிடத்திற்கு வருகிறார் புதிதாக வாகனம் வாங்குவீர்கள் செவ்வாய் இந்த மாதம் 27ம் தேதி ஐந்தாமிடத்திற்கு வருகிறார் மன தைரியம் அதிகரிக்கும். சுக்கிரன் இந்த மாதம் 27ம் தேதி மூன்றாமிடத்திற்கு வருகிறார் அடிக்கடி பயணம் செய்யும் நிலை உண்டாகும். இந்த மாதம் புதன், குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

ஜூன் - வெற்றி கிடைக்கும் இந்த மாதம் சூரியன் 15ம் தேதி ஐந்தாமிடத்திற்கு வருகிறார் போட்டி பந்தயங்களில் வெற்றி கிடைக்கும். புதன் இந்த மாதம் 03ம் தேதி நான்காம் இடத்திற்கு வருகிறார் கல்வி நிலை சிறப்படையும் 18ம் தேதி ஐந்தாமிடத்திற்கு வருகிறார் கமிஷன் வியாபாரத்தில் மேன்மை உண்டாகும். சுக்கிரன் இம்மாதம் 29ம் தேதி நான்காமிடத்திற்கு வருகிறார் புதிதாக வாகனம் வாங்குவீர்கள். இந்த மாதம் செவ்வாய், குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

ஜூலை - மன தைரியம் சூரியன் இந்த மாதம் 17ம் தேதி ஆறாமிடத்திற்கு வருகிறார் மன தைரியம் அதிகரிக்கும் செவ்வாய் 11ம் தேதி ஆறாமிடத்திற்கு வருகிறார் எதிரிகளை வெல்லும் திறன் உண்டாகும். புதன் இந்த மாதம் 03ம் தேதி ஆறாம் இடத்திற்கு வருகிறார் தாய் மாமனுடன் கருத்து வேறுபாடு உண்டாகும் 21ம் தேதி ஏழாமிடத்திற்கு வருகிறார் தொழில் கூட்டாளிகளுடன் நல்லுறவு உண்டாகும் சுக்கிரன் 26ம் தேதி ஐந்தாமிடத்திற்கு வருகிறார் குடும்பத்துடன் உல்லாசப் பயணம் செல்வீர்கள். இந்த மாதம் செவ்வாய், குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

ஆகஸ்ட் - உறவினர்களுடன் நல்லுறவு சூரியன் 17ம் தேதி உங்கள் ஏழாமிடத்திற்கு வருகிறார் உறவினர்களுடன் நல்லுறவு உண்டாகும் செவ்வாய் 27ம் தேதி ஏழாமிடத்திற்கு வருகிறார் ரியல் எஸ்டேட் தொழிலில் ஈடுபட்டிருப்பவர்களுக்கு நன்மை விளையும். சுக்கிரன் 21ம் தேதி ஆறாமிடத்திற்கு வருகிறார் பெண்களால் தொல்லை உண்டாகும் ராகு இம்மாதம் 18ம் தேதி ஆறாமிடத்திற்கு வருகிறார் மன தைரியம் அதிகரிக்கும் கேது 18ம் தேதி பன்னிரெண்டாமிடத்திற்கு வருகிறார் திருக்கோயில்களுக்கு டொனேசன் கொடுப்பீர்கள். இந்த மாதம் புதன், குரு, சனி, பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

செப்டம்பர் - திடீர் யோகம் சூரியன் 17ம் தேதி எட்டாமிடத்திற்கு வருகிறார் திடீர் யோகம் உண்டாகும். செவ்வாய் 13ம் தேதி எட்டாமிடத்திற்கு வருகிறார் நெருப்பு சம்பந்தப்பட்ட விஷயங்களில் கவனம் தேவை புதன் 27ம் தேதி எட்டாமிடத்திற்கு வருகிறார் தாய் மாமனுடன் கருத்து வேறுபாடு உண்டாகும். குரு 12ம் தேதி உங்கள் ஜென்ம ராசிக்கு ஒன்பதாமிடத்திற்கு வருகிறார் அதிர்ஷ்டம் அதிகரிக்கும். சுக்கிரன் 15ம் தேதி ஏழாமிடத்திற்கு வருகிறார் கணவன் மனைவி அன்னியோன்னியம் அதிகரிக்கும். இந்த மாதம் சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

அக்டோபர் - வெளிநாடு பயணம் சூரியன் 18ம் தேதி உங்கள் ராசிக்கு ஒன்தாமிடத்திற்கு வருகிறார் உத்தியோகம் தொடர்பாக வெளிநாடு செல்லும் யோகம் உண்டாகும் செவ்வாய் 30ம் தேதி ஒன்பதாமிடத்திற்கு வருகிறார் பூர்வீக சொத்திலிருந்து பங்கு கிடைக்கும் புதன் 30ம் தேதி ஒன்பதாமிடத்திற்கு வருகிறார் உயர் கல்வியில் மேன்மை உண்டாகும். சுக்கிரன் 15ம் தேதி எட்டாமிடத்திற்கு வருகிறார் பெண்கள் விஷயத்தில் கவனம் தேவை. இந்த மாதம் குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

நவம்பர் - லாபம் அதிகரிப்பு சூரியன் 17ம் தேதி பத்தாமிடத்திற்கு வருகிறார் தொழில் வியாபாரம் சிறப்படையும் புதன் 02ம் தேதி பத்தாமிடத்திற்கு வருகிறார் தரகு கமிஷன் வியாபாரம் மேன்மையடையும் 24ம் தேதி பதினொன்றாமிடத்திற்கு வருகிறார் தொழில் லாபம் அதிகரிக்கும். சுக்கிரன் 03ம் தேதி ஒன்பதாமிடத்திற்கு வருகிறார் அதிர்ஷ்டம் அதிகரிக்கும் 26ம் தேதி பத்தாமிடத்திற்கு வருகிறார் எல்லா செயல்களும் சிறப்படையும். இந்த மாதம் குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

டிசம்பர் - சம்பள உயர்வு சூரியன் 16ம் தேதி பதினொன்றாமிடத்திற்கு வருகிறார் சம்பள உயர்வு உண்டாகும். சுக்கிரன் 20ம் தேதி உங்கள் பதினொன்றாமிடத்திற்கு வருகிறார் பொன்னகைகளின் சேர்க்கை அதிகரிக்கும். இந்த மாதம் செவ்வாய், புதன், குரு, சனி, ராகு, கேது பெயர்ச்சி இல்லை கடந்த மாதம் கொடுத்த பலன்களையே தொடர்ந்து இந்த மாதமும் கொடுப்பார்கள்.

ஆங்கில புத்தாண்டு ராசி பலன்கள்- 2017 - மீனம் .................அவர்களே இன்னும் போடவில்லை ......................

நன்றி .

பதிவு எண் #12 , மகர ராசிக்குதானே !

ரமணியன்

-
சூரியனின் ஆதிக்க எண்ணாகிய ஒன்றாம் எண்ணிலும்,
கதிரவனின் நாளான ஞாயிற்றுக்கிழமையிலும் 2017ம் வருடம்
பிறப்பதால் அதிரடி அரசியல் நிகழ்வுகள் தினந்தோறும்
அரங்கேறும்.

எண் ஜோதிடப்படி விதி எண்ணாக குருவின் ஆதிக்கம் கொண்ட
மூன்றாம் எண் வருவதால் பணக்காரர்கள், பதுக்கல்காரர்கள்
பாதிக்கப்படுவார்கள். பஞ்சபட்சி சாஸ்திரப்படி மயில் துயில்
கொள்ளும் நேரத்தில் இந்த வருடம் பிறப்பதால் ஊர்க்குருவிகள்
பருந்துகளாக தம்மை காட்டிக்கொள்ளும்.

திருவோணம் நட்சத்திரம், மகர ராசி, கன்னி லக்னத்தில் இந்த
ஆண்டு பிறப்பதால் கேமரா, டிவி, மொபைல், லேப்டாப் போன்ற
எலக்ட்ரானிக்ஸ் சாதனங்களின் விலை குறையும்.

தனக்காரகன் குரு தனது பகைக்கிரகமான புதன் வீட்டில் ஆகஸ்ட்
மாதம் வரை தொடர்வதால் அதுவரை பணத்தட்டுப்பாடு இருக்கும்.
பதுக்கல் தங்கம் பிடிபடும். வங்கிகளில் கடன் பெற கடுமையான
விதிமுறைகள் பிறப்பிக்கப்படும்.

ஹவாலா மோசடிகள் தடுக்கப்படும். பாலியல் வல்லுறவுக்
குற்றத்திற்கான தண்டனைகள் கடுமையாக்கப்படும். 10-ம் மற்றும்
12-ம் வகுப்பு பொதுத்தேர்வு விடைத்தாள்கள் திருத்தும் முறை
கணினிமயமாக்கப்படும்.

28.1.2017 முதல் 5.6.2017 வரை சுக்ரன் மீன ராசியிலேயே அமர்வதால்
சினிமாத் தொழில் பாதிப்படையும். புகழ்பெற்ற படத்தயாரிப்பாளர்கள்
மற்றும் திரையரங்கு உரிமையாளர்கள் நஷ்டமடைவர்.

பழைய முன்னணி இயக்குனர்கள், நடிகர், நடிகைகளை விட புது
முகங்கள் பிரபலமாவார்கள். கலைஞர்கள் பாதிப்படைவார்கள்.
அதிவேக அதிநவீன வாகனங்கள் மற்றும் சுற்றுச்சுழலை பாதிக்காத
மின்சாரம் மற்றும் சூரிய ஆற்றலில் இயங்கும் வாகனங்கள்
விற்பனைக்கு வரும்.

செவ்வாயின் போக்கையும், சனியின் சஞ்சாரத்தையும் அடிப்படையாகக்
கொண்டு பார்க்கும்போது பிப்ரவரி மாதம் முதல் உச்ச நீதிமன்றத்திற்கும்,
மத்திய அரசிற்கும் உள்ள பனிப்போர் நீங்கும். காலியாக உள்ள நீதிபதி
பணியிடங்கள் உடனடியாக நிரப்பப்படும்.

ராணுவம் மற்றும் நாட்டின் பாதுகாப்பிற்கு அதிக நிதி ஒதுக்கப்படும்.
ரியல் எஸ்டேட், பத்திரப்பதிவு மற்றும் கட்டுமானத்துறையில் ஊழல்களைத்
தடுக்க புதிய சட்டங்கள் அமலுக்கு வரும். புதிய மேம்பாலங்கள் மற்றும்
புதிய நகரங்கள் அமைக்கப்படும்.

அமெரிக்கா, ரஷ்யா, சிங்கப்பூர் ஆகிய நாடுகள் இந்தியாவிற்கு உதவும்.
பாகிஸ்தான், சீனாவின் அத்துமீறல்களுக்கு தகுந்த பதிலடி தரப்படும்.
கிரிக்கெட்டில் மேலும் இந்தியா சாதிக்கும்.

10.4.2017முதல் 16.4.2017 வரை, 28.5.2017முதல் 4.6.2017வரை,
25.6.2017முதல் 3.7.2017 வரை, 23.7.2017முதல் 29.7.2017வரை,
19.8.2017முதல் 25.8.2017வரை, 13.9.2017முதல் 19.9.2017வரை,
9.10.2017முதல் 14.10.2017வரை, 1.11.2017முதல் 6.11.2017வரை,
17.11.2017முதல் 30.11.2017வரை உள்ள காலகட்டத்தில் புயல் சின்னம்
உருவாகி மழை பொழியும் வாய்ப்புள்ளது.
-
------------------------------

மேஷம்

எதிலும் முதலிடத்தைப் பிடிக்க வேண்டுமென்று நினைப்பவர்களே! உங்கள் ராசிக்கு 10-ம் வீட்டில் இந்தப் புத்தாண்டு பிறப்பதால் கடின உழைப்பால் சாதிப்பீர்கள். மனப்போராட்டங்கள் ஓயும். சமயோஜிதமான பேச்சால் தடைபட்ட வேலைகளை முடிப்பீர்கள். நீண்ட நாட்களாக எதிர்பார்த்துக் காத்திருந்த பணம் கைக்கு வரும். பழைய கடன் பிரச்சினைகள் தீரும். 26.7.2017 வரை உங்கள் ராசிக்கு ராகு 5-ல் நிற்பதால் பிள்ளைகளின் பிடிவாதம் அதிகரிக்கும். மகளுக்கு வரன் தேடும் போது மணமகனின் பழக்கவழக்கங்களை விசாரித்து முடிவெடுப்பது நல்லது. பணம் கொடுக்கல், வாங்கல் விஷயத்தில் கவனமாக இருங்கள்.

பூர்வீக சொத்து சம்பந்தப்பட்ட வழக்கில் வழக்கறிஞரின் ஆலோசனையின்றி எந்த முடிவுகளும் எடுக்காதீர்கள். கேது 11-ம் வீட்டில் தொடர்வதால் பணவரவு அதிகரிக்கும். பழைய கடனை அடைக்க வழி பிறக்கும். அயல்நாட்டிலிருக்கும் உறவினர்கள், நண்பர்களால் உதவிகள் கிடைக்கும். வேற்றுமொழி, மதத்தவர் களால் ஆதாயமடைவீர்கள். வி.ஐ.பிகள், தொழிலதிபர்களின் நட்பைச் சரியாகப் பயன்படுத்திக் கொள்வீர்கள். வீட்டில் தடைபட்ட சுபகாரியங்கள் ஏற்பாடாகும். ஆனால் 27.7.2017 முதல் வருடம் முடியும் வரை உங்கள் ராசிக்கு ராகு 4-ம் வீட்டிலும், கேது 10-ம் இடத்திலும் அமர்வதால் ஓய்வெடுக்க முடியாதபடி அடுத்தடுத்த வேலைப்பளு இருந்துக் கொண்டேயிருக்கும்.

வீண்பழிகளும் வரக்கூடும். தாயாருடன் வீண் விவாதம், அவருக்கு கை, கால் வலி, இரத்த அழுத்தம் வந்து போகும். வீடு, வாகனப் பராமரிப்புச் செலவுகளும் அதிகரிக்கும். உத்யோகத்தில் நெருக்கடிகள், இடமாற்றங்கள் வந்து செல்லும். மற்றவர்களுக்காக ஜாமீன், உத்தரவாதக் கையொப்பமிட வேண்டாம். உடல் எடை அதிகரிக்காமல் பார்த்துக் கொள்ளுங்கள். சின்ன சின்ன உடற்பயிற்சி, நடைப்பயிற்சி மேற்கொள்வது நல்லது.

புத்தாண்டின் தொடக்கம் முதல் 01.09.2017 வரை உங்களின் குரு உங்கள் ராசிக்கு 6-ம் வீட்டில் அமர்ந்திருப்பதால் குடும்பத்தில் வீண் சச்சரவுகள் வரக்கூடும். முக்கியக் கோப்புகளைக் கையாளும் போது அலட்சியம் வேண்டாம். வங்கிக் காசோலையில் முன்னரே கையொப்பமிட்டு வைக்காதீர்கள். வீண் சந்தேகத்தால் நல்லவர்களின் நட்பை இழக்க நேரிடும். ஆனால் 02.9.2017 முதல் குருபகவான் 7-ம் வீட்டில் அமர்ந்து உங்களைப் பார்க்கவிருப்பதால் உங்களிடம் மறைந்துக் கிடந்த திறமைகளை வெளிப்படுத்த நல்ல சந்தர்ப்பம் கிடைக்கும்.

தள்ளிப் போன திருமணம் கூடி வரும். அடுத்தடுத்து சுப நிகழ்ச்சிகளால் வீடு களைகட்டும். குடும்பத்தில், பிரிந்திருந்தவர்கள் ஒன்று சேருவீர்கள். இந்த வருடத்தில் வாரிசு உருவாகும். ஆரோக்கியம் சீராகும். அடகிலிருந்த நகை, சொத்தையெல்லாம் மீட்க வழி, வகை பிறக்கும். வங்கிக் கடன் உதவி கிடைக்கும். எதிர்த்தவர்கள் நண்பர்களாவார்கள்.

சொந்தபந்தங்களின் சுயரூபத்தை தெரிந்துக் கொண்டு அதற்கேற்ப இனி செயல்படுவீர்கள். 14.12.2017 வரை சனி 8-ல் நின்று அஷ்டமத்துச் சனியாக வருவதால் அவ்வப்போது கோபப்படுவீர்கள். ஏமாந்து போன தொகையை நினைத்து வருத்தப்படுவீர்கள். மற்றவர்களை நம்பி பெரிய முடிவுகள் எடுக்க வேண்டாம். தாழ்வுமனப்பான்மை தலைத்தூக்கும். பெரிய நோய்கான அறிகுறிகளெல்லாம் இருப்பதைப் போல் தோன்றும். ஆனால் மருத்துவப் பரிசோதனை செய்யும் போது பெரிய பாதிப்புகள் இருக்காது. கொழுப்புச் சத்துள்ள உணவுகளை தவிர்ப்பது நல்லது. 15.12.2017 முதல் சனி 9-ம் வீட்டில் அமர்வதால் எதிலும் ஒரு தெளிவு பிறக்கும்.

மற்றவர்களின் மனநிலையைப் புரிந்துப் பேசும் பக்குவம் உண்டாகும். நெருடலான, தர்ம சங்கடமான சூழ்நிலைகளெல்லாம் நீங்கும். வியாபாரத்தில் அதிக முதலீடு செய்து சிக்கிக் கொள்ளாதீர்கள். செப்டம்பர் மாதம் முதல் லாபம் அதிகரிக்கும். உத்யோகத்தில் அலுவலகத்தில் வேலைச்சுமை அதிகரிக்கும். மற்றவர்கள் செய்யும் தவறுகளை தட்டிக் கேட்கப்போய் சக ஊழியர்களுடன் மனத்தாங்கல் வரும்.
-
குடும்பத்தினருக்கு

ஆகஸ்ட் மாதம் வரை குரு சரியில்லாததால் பிள்ளைகள் பிடிவாதமாக இருப்பாங்க. கல்யாணம், உத்யோகம் கொஞ்சம் தள்ளிப்போகும் அதற்குப் பரிகாரமாக பக்கத்தில் இருக்கும் பழமையான சிவாலயத்தில் நவகிரகத்தில் இருக்கும் குருபகவானுக்கு வியாழக்கிழமைகளில் நெய் விளக்கேற்றுங்கள். ஆகஸ்ட் மாதத்திலிருந்து ராகு சரியில்லாததால் தாயாருடன் சின்னச் சின்ன மோதல் வரும். வண்டியை கவனமாக ஓட்டுங்கள் முடிந்தால் ஞாயிற்றுக்கிழமை ராகு காலத்தில் துர்க்கை அம்மனுக்கு விளக்கேற்றுங்கள். வருடம் முழுக்க அஷ்டமத்துச் சனி இருப்பதால் நரசிம்மரை சனிக்கிழமைகளில் வணங்குங்கள்.

உங்கள் குடும்பத்தில் விருச்சிகம், தனுசு, கும்ப ராசியில் கணவரோ, பிள்ளைகளோ இருந்தால் பாதிப்புகள் அதிகமாகும். ஆனால் கடகம், சிம்மம், மகரம், மீன ராசியில் இருந்தால் யோகப் பலன் அதிகரிக்கும். மேலும் குடும்பத்தில் அனைவருக்கும் சுபிட்சம் உண்டாக கீழ்கண்ட சூரியகிரகத்தின் சூட்சமமந்திர வடிவத்தை பூஜையறையில் மாகோலமிட்டு ஞாயிற்றுக்கிழமைகளில் வணங்கி வாருங்கள்.

ரிஷபம்

கடந்து வந்த பாதையை மறக்காதவர்களே! உங்களுடைய 9-வது ராசியில்
இந்தாண்டு பிறப்பதால் பணவரவு உயரும். எதிர்ப்புகள் அகலும். கடன்
பிரச்சினையிலிருந்து விடுபடுவதற்காக ஓயாமல் உழைப்பீர்கள்.

முகப்பொலிவு, ஆரோக்யம் கூடும். வீட்டில் சுபகாரியங்கள் நடக்கும்.
வாகனத்தை மாற்றுவீர்கள். பூர்வீகச் சொத்தை சீர் செய்வீர்கள்.
உங்கள் ரசனைக்கேற்ப வீடு அமையும். உறவினர் வீட்டு விசேஷங்களை
முன்னின்று நடத்துவீர்கள். எதிர்பார்த்த பணம் வரும். 14.12.2017 வரை
ராசிக்கு 7-ம் வீட்டில் சனி நிற்பதால் எதையும் திட்டமிட்டு செய்யப்பாருங்கள்.
குடும்ப அந்தரங்க விஷயங்களில் மற்றவர்கள் தலையிட அனுமதிக்காதீர்கள்.

புதிய நண்பர்களை வீட்டிற்கு அழைத்து வர வேண்டாம். யாருக்கும் ஜாமீன்,
உத்தரவாதக் கையெழுத்திட வேண்டாம். நம்பிக்கைக்குரியவராக இருந்தாலும்
ரகசியங்களைப் பகிர்ந்து கொள்ள வேண்டாம். வருங்காலத்தை மனதில்
கொண்டு சேமித்து வைத்துக் கொள்ளுங்கள். பூர்வீகச் சொத்துப் பிரச்சனைகள்
தலை தூக்கும். கணவன், மனைவிக்குள் விட்டுக்கொடுத்து போவது நல்லது.
மனைவி வழி உறவினர்களுடன் கருத்து மோதல்கள் வரக்கூடும்.

மகனுக்கோ, மகளுக்கோ வாழ்க்கைத்துணை தேடுபவர்கள் நிச்சயதார்த்தத்திற்கும்,
திருமணத்திற்கும் அதிகம் இடைவெளி தராமல் உடனே முடிப்பது நல்லது. யாருக்கும்
ஜாமீன் கையெழுத்திட வேண்டாம். 26.7.2017 வரை உங்கள் ராசிக்கு 10-ல் கேதுவும்,
4-ம் வீட்டில் ராகுவும் நீடிப்பதால் அடுக்கடுக்கான வேலைகளால் அவதிக்குள்ளாவீர்கள்.

தாயாருக்கு முதுகு தண்டு வடத்தில் வலி, தலைச்சுற்றல் வந்து செல்லும்.
அலைபேசியில் பேசிக்கொண்டே வாகனத்தை இயக்க வேண்டாம். சிலர் வீடு
மாற வேண்டிய நிர்பந்தத்திற்கு ஆளாவீர்கள். ஜுலை 27-ம் தேதி முதல் ராசிக்கு
9-ம் வீட்டில் கேது தொடர்வதால் பிதுர்வழிச் சொத்துப் பிரச்சினை தலைதூக்கும்.

தந்தையாருடன் மனஸ்தாபங்கள் வரக்கூடும். அவருக்கு சிறுசிறு அறுவை
சிகிச்சைகள் வந்து செல்லும். செலவுகள் அதிகமாகிக்கொண்டே போகும்.
ஆனால் ராகு 3-ம் வீட்டில் அமர்வதால் பயம், படபடப்பு நீங்கும். தைரியம் கூடும்.
ஷேர் மூலம் பணம் வரும். வீட்டு மனை வாங்கும் யோகம் உண்டாகும்.
வெளிவட்டாரத்தில் இழந்த செல்வாக்கை மீண்டும் பெறுவீர்கள். வீட்டில்
தடைப்பட்டு வந்த சுப நிகழ்ச்சிகளெல்லாம் அடுத்தடுத்து நடந்தேறும். தைரியமாக
சில முக்கிய முடிவுகளெல்லாம் எடுப்பீர்கள். தெய்வீக ஈடுபாடு அதிகரிக்கும்.
சிலர் அயல்நாடு சென்று வருவீர்கள்.

01.09.2017 வரை குரு உங்கள் ராசிக்கு 5-ம் வீட்டில் நிற்பதால் கல்வியாளர்கள்,
அறிஞர்களின் நட்பால் தெளிவடைவீர்கள். குடும்பத்தில் நல்லது நடக்கும்.
குழந்தை பாக்யம் கிடைக்கும். மகளுக்கு நல்ல வரன் அமையும். மகனின் உயர்
கல்வி, உத்யோகம், திருமணம் சம்பந்தப்பட்ட முயற்சிகள் பலிதமாகும்.

குடும்பத்தினருடன் குலதெய்வக் கோவிலுக்குச் சென்று நேர்த்திக் கடனை
செலுத்துவீர்கள். பூர்வீக சொத்துப் பங்கை கேட்டு வாங்குவீர்கள். பிள்ளைகள்
உங்கள் அருமையைப் புரிந்துக் கொள்வார்கள்.

உறவினர்கள் தேடி வருவார்கள். நட்பு வட்டம் விரிவடையும். ஆனால் 02.9.2017
முதல் குரு 6-ம் வீட்டில் அமர்வதால் சின்னச் சின்ன காரியங்களைக் கூட இரண்டு,
மூன்று முறை முயன்று முடிக்க வேண்டி வரும்.

எதிர்காலம் பற்றிய கவலைகள் வந்து விலகும். வி.ஐ.பிகளைப் பகைத்துக்
கொள்ளாதீர்கள். சின்னச் சின்ன அவமானங்கள் ஏற்படக்கூடும். பழைய கடனை
நினைத்து அவ்வப்போது கலங்குவீர்கள். குடும்பத்தில், கணவன்,மனைவிக்குள்
ஈகோவால் பிரிவுகள் வரக்கூடும். எனவே அனுசரித்து போகப் பாருங்கள். உடல்
ஆரோக்கியத்திலும் கூடுதல் கவனம் செலுத்தப்பாருங்கள்.

நோய்த் தொற்று வர வாய்ப்பிருக்கிறது. வியாபாரத்தில் போட்டிகளையும் தாண்டி
லாபம் சம்பாதிப்பீர்கள். சின்னச் சின்ன நட்டங்கள் இருக்கும். உத்யோகத்தில்
தலைமைக்கு நெருக்கமாவீர்கள். என்றாலும் கொஞ்சம் வேலைச்சுமை, டென்ஷன்
இருக்கத்தான் செய்யும்.
-
குடும்பத்தினருக்கு
-
சனியின் போக்கு இந்த வருடம் முழுக்க சரியில்லாமல் இருப்பதால் சனிக்கிழமை
தோறும் ஆஞ்சநேயர் கோவிலுக்கு சென்று வாருங்கள். முடிந்தால் வெற்றிலை
மாலை சாற்றுங்கள். அதனால் கணவர், பிள்ளைகளுடன் இருக்கும் கருத்து மோதல்கள்
விலகி நிம்மதி உண்டாகும். செப்டம்பர் மாதம் முதல் குரு மறைவதால் பிள்ளைகளுக்கு
வாழ்க்கைத்துணையை தேர்ந்தெடுக்கும் விஷயத்தில் அவசரம் வேண்டாம்.
பிள்ளைகளுக்கு எல்லாம் கிடைக்க ஸ்ரீரங்கநாதரை தாமரை மலர் தந்து வணங்குவது
நல்லது.

உங்கள் குடும்பத்தில் மேஷம், துலாம், விருச்சிகம், தனுசு ராசியில் கணவரோ,
பிள்ளைகளோ இருந்தால் பாதிப்புகள் அதிகமாகும். ஆனால் கடகம், கன்னி,
மகரம், மீன ராசியில் இருந்தால் யோகப் பலன் கிடைக்கும். மேலும் குடும்பத்தில்
அனைவருக்கும் நல்லது நடக்க கீழ்கண்ட சந்திர கிரகத்தின் சூட்சமமந்திர வடிவத்தை
பூஜையறையில் மாகோலமிட்டு திங்கட்கிழமைகளில் வணங்கி வாருங்கள்.
-
-------------------------------------------------

மிதுனம்

தீவிர யோசனைக்குப் பின் முடிவெடுப்பவர்களே! 14.12.2017 வரை சனிபகவான் உங்கள் ராசிக்கு 6-ம் வீட்டிலேயே பலம் பெற்று நீடிப்பதால் பிரச்சனைகள் எதுவானாலும் அவற்றையெல்லாம் சமாளிக்கக் கூடிய மனோபலம் உங்களுக்கு கிடைக்கும். முன்னேற்றப்பாதையை நோக்கி பயணிப்பீர்கள். கணவன், மனைவிக்குள் மனம் விட்டுப் பேசுவீர்கள். வீண் சந்தேகம் விலகும். குடும்ப வருமானம் உயரும். வங்கிக் கடனில் ஒரு பகுதியை பைசல் செய்வீர்கள். விலை உயர்ந்த ஆபரணங்கள் வீடு வந்து சேரும். நாடாளுபவர்கள், வேற்று மொழிக்காரர்கள் உங்களுக்கு ஆதரவாக இருப்பார்கள். உங்களுக்கு 8-வது ராசியில் இந்தப் புத்தாண்டு பிறப்பதால் செலவுகள் கட்டுக்கடங்காமல் போகும். திடீர் பயணங்கள் அதிகரிக்கும்.
-
அவ்வப்போது பணப்பற்றாக்குறையும் வரும். என்றாலும் சமாளித்து விடுவீர்கள். குடும்ப அந்தரங்க விஷயங்களையெல்லாம் வெளியில் சொல்லி ஆறுதல் தேட வேண்டாம். 26.7.2017 வரை உங்கள் ராசிக்கு 9-ல் கேது நிற்பதால் தந்தைக்கு நெஞ்சு வலி வந்து போகும். அ- செலவுகளை கட்டுப்படுத்தப் பாருங்கள். ஆனால் மூன்றாம் இடத்தில் ராகு இருப்பதால் புது முயற்சிகள் பலிதமாகும். இளைய சகோதர வகையில் ஆதரவு பெருகும். வேற்றுமதம், மாற்றுமொழி பேசுபவர்களால் உங்களது வாழ்க்கைத் தரம் ஒரு படி உயரும். புண்ணிய ஸ்தலங்களுக்குச் சென்று வருவீர்கள். அரசால் அனுகூலம் உண்டாகும்.
-
ஜுலை 27-ம் தேதி முதல் ராசிக்கு 2-ல் ராகுவும், 8-ம் வீட்டில் கேதுவும் தொடர்வதால் வீண் விரயம், அலைச்சல், பொருள் இழப்புகள் வந்து போகும். சாதாரணமாகப் பேசப் போய் சண்டையில் முடிய வாய்ப்பிருக்கிறது. வாகனத்தை இயக்கும் முன் எரிபொருள் இருக்கிறதா, ப்ரேக் இருக்கிறதா எனப் பார்த்துக் கொள்ளுங்கள். அநாவசியமாக மற்றவர்கள் விவகாரத்தில் தலையிட வேண்டாம். வீண் பழிக்கு ஆளாவீர்கள். கண் பார்வையை பரிசோதித்துக் கொள்ளுங்கள். புத்தாண்டின் தொடக்கம் முதல் 01.09.2017 வரை குரு உங்கள் ராசிக்கு 4-ம் வீட்டில் அமர்ந்திருப்பதால் எதிர்ப்புகள் அதிகமாகும். இனம்புரியாத கவலைகள் வந்துபோகும். தாயாருடன் மனஸ்தாபங்கள் வெடிக்கும். வர வேண்டிய பணத்தைப் போராடி வசூலிப்பீர்கள். உறவினர்கள், நண்பர்களுடன் விரிசல்கள் வரக்கூடும். அரசுக்குச் செலுத்த வேண்டிய வரிகளைத் தாமதிக்காதீர்கள்.
-
வாகனத்தை கொஞ்சம் கவனமாக இயக்குங்கள். விபத்துகள் நிகழக்கூடும். ஆனால் 02.09.2017 முதல் குருபகவான் உங்கள் ராசிக்கு 5-ம் வீட்டில் நுழைவதால் பிரிந்திருந்த கணவன், மனைவி ஒன்று சேர்வீர்கள். குழந்தை பாக்யம் உண்டு. பிள்ளைகளால் மதிப்பு, மரியாதை கூடும். மகன் குடும்ப சூழ்நிலையறிந்து பொறுப்பாக நடந்து கொள்வார். வாடகை வீட்டிலிருந்த சிலர் சொந்த வீட்டிற்கு குடி புகுவீர்கள். பூர்வீகச் சொத்துப் பிரச்சினை முடிவுக்கு வரும். வழக்கில் நல்ல தீர்ப்பு வரும். தங்க ஆபரணங்கள், இரத்தினங்கள் வாங்குவீர்கள். சொந்தபந்தங்கள் உங்களைப் புரிந்துக் கொள்வார்கள். சொந்த ஊர் பொது நிகழ்ச்சிகளையெல்லாம் முன்னின்று நடத்துவீர்கள்.
-
திருமணம், சீமந்தம், கிரகப் பிரவேசம் போன்ற சுபநிகழ்ச்சிகளால் வீடு களைகட்டும். வியாபாரத்தில் அதிரடியான திட்டங்கள் தீட்டுவீர்கள். திடீர் லாபம், பெரிய நிறுவனங்களுடன் புது ஒப்பந்தங்கள் கூடி வரும். உத்யோகத்தில் செப்டம்பர் மாதம் முதல் தேக்க நிலை மாறும். வேலைச்சுமை குறையும்.
-
குடும்பத்தினருக்கு
-
ஜூலை மாதம் வரை ராகு உங்களுக்கு சாதகமாக இருப்பதால் கணவர் மற்றும் பிள்ளைளை நன்றாக வழி நடத்துவீர்கள். உங்கள் ஆலோசனைகளையும் ஏற்றுக் கொள்வார்கள். ஆனால் ஆகஸ்ட் வரை குரு சரியில்லாததால் பணத்தட்டுப்பாட்டையும், உறவினர் பகைகளையும் சந்தித்துக் கொண்டிருக்கிறீர்கள் அந்த பாதிப்பு விலக வியாழக்கிழமைகளில் பசுவிற்கு அகத்திக்கீரை அல்லது கேரட் கொடுங்கள்.
-
உங்கள் குடும்பத்தில் மேஷம், விருச்சிகம், தனுசு ராசியில் கணவரோ, பிள்ளைகளோ இருந்தால் பாதிப்புகள் அதிகமாகும். ஆனால் சிம்மம், கன்னி, மீன ராசியில் இருந்தால் யோகப் பலன் கிடைக்கும். மேலும் குடும்பத்தில் அனைவருக்கும் லட்சுமி கடாட்சம் கிடைக்க கீழ்கண்ட சுக்கிர கிரகத்தின் சூட்சமமந்திர வடிவத்தை பூஜையறையில் மாகோலமிட்டு வெள்ளிக்கிழமைகளில் வணங்கி வாருங்கள்.
-
-----------------------------------------------

கடகம்

கள்ளம் கபடமற்ற பேச்சால் கவர்பவர்களே! உங்கள் ராசியை சந்திரன் பார்த்துக் கொண்டிருக்கும் போது இந்தாண்டு பிறப்பதால் மனஇறுக்கம் குறையும். திட்டமிட்டு செயல்படுவீர்கள். வேலையில்லாதவர்களுக்கு நல்ல நிறுவனத்தில் வேலை கிடைக்கும். பழைய சிக்கல்களுக்கு தீர்வு கிடைக்கும். கணவன் மனைவிக்குள் அன்யோன்யம் அதிகரிக்கும். பொது விழாக்கள், கல்யாணம், கிரகப் பிரவேசம் போன்ற சுப நிகழ்ச்சிகளை முன்னின்று நடத்துவீர்கள். 26.7.2017 வரை உங்கள் ராசிக்கு 2ல் ராகுவும், 8ம் வீட்டில் கேதுவும் நிற்பதால் படபடப்பு, எதிலும் பிடிப்பற்றப் போக்கு, பிறர்மீது நம்பிக்கையின்மை, வீண் விரயம் வந்து செல்லும்.

வழக்கில் தீர்ப்பு தள்ளிப் போகும். மற்றவர்களை தாக்கிப் பேச வேண்டாம். உங்களைச் சுற்றியிருப்பவர்களில் நல்லவர்கள் யார், கெட்டவர்கள் யார் என்பதைப் புரிந்துக் கொள்வதில் தடுமாற்றம் வரும். 27.7.2017 முதல் வருடம் முடியும் வரை உங்கள் ராசிக்குள் ராகுவும், 7ல் கேதுவும் தொடர்வதால் எதிலும் ஒருவித பயம், ஒற்றைத் தலை வலி, செரிமானக் கோளாறு, வலிப்பு வந்து செல்லும். முன்கோபத்தை தவிர்க்கப்பாருங்கள். வாயுத் தொந்தரவால் நெஞ்சு வலிக்கும். புதிது புதிதாக வரும் விளம்பரங்களை பார்த்து சோப்பு, பற்பசை, ஷாம்பு, வாசனை திரவியங்களையெல்லாம் மாற்றிக் கொண்டிருக்காதீர்கள். அலர்ஜி வரக்கூடும். விஷப் பூச்சிகளான பூரான், பாம்பு, தேள் கடிக்க வாய்ப்பிருக்கிறது. எனவே கவனம் தேவை.

கணவன் மனைவிக்குள் விட்டு கொடுத்து போவது நல்லது. எந்த வேலையாக இருந்தாலும் நீங்களே நேரடியாகச் சென்று முடிப்பது நல்லது. இடைத்தரகர்களை நம்பி பணம் கொடுத்து ஏமாற வேண்டாம். புத்தாண்டின் தொடக்கம் முதல் 01.09.2017 வரை குரு உங்கள் ராசிக்கு 3ம் வீட்டில் நிற்பதால் புதிய முயற்சிகள் தள்ளிப் போய் முடியும். ஒரே நேரத்தில் இரண்டு, மூன்று வேலைகளைப் பார்க்க வேண்டிய சூழ்நிலையும் உருவாகும். அவ்வப்போது பலவீனமாக உணருவீர்கள். தாழ்வுமனப்பான்மை தலைத்தூக்கும். கூடாப்பழக்க வழக்க முள்ளவர்களின் நட்பை தவிர்ப்பது நல்லது. இளைய சகோதர வகையில் பிணக்குகள் வரும்.

விமர்சனங்கள் கண்டு அஞ்ச வேண்டாம். ஆனால் 02.9.2017 முதல் வருடம் முடியும் வரை குரு உங்கள் ராசிக்கு 4ம் வீட்டிலேயே அமர்வதால் இழுபறியாக இருந்த காரியங்களெல்லாம் முடிவடையும். அவருக்கு பார்வைக் கோளாறு, முதுகு, மூட்டு வலி, சிறுசிறு அறுவை சிகிச்சைகள் வந்து செல்லும். தாயார், அம்மான், அத்தைவழியில் மனஸ்தாபம் வந்து நீங்கும். வாகனத்தில் செல்லும் போது தலைக்கவசம் அணிந்துச் செல்லுங்கள். சிறுசிறு விபத்துகள் நிகழக்கூடும். தந்தையாரின் ஆரோக்கியத்தில் கூடுதல் கவனம் செலுத்துவது நல்லது. சொத்து வாங்கும் போதும் சட்ட நிபுணர்களை கலந்தாலோசித்து தாய்ப் பத்திரம், பட்டா, வில்லங்க சான்றிதழ்களையெல்லாம் சரி பார்த்து வாங்குங்கள். செலவுகள் கட்டுக்கடங்காமல் போகும். அவ்வப்போது கனவு தொல்லையால் தூக்கம் குறையும்.

14.12.2017 வரை சனி 5ல் நிற்பதால் தெளிவான முடிவுகள் எடுக்க முடியாமல் குழம்புவீர்கள். மகளின் திருமண விஷயத்தில் அவசரம் வேண்டாம். வரன் வீட்டாரைப் பற்றி நன்கு விசாரித்து முடிக்கப்பாருங்கள். மகன் காரண காரியமேயின்றி கோபப்படுவார். பிள்ளைகள் இன்னும் கொஞ்சம் பொறுப்பாக நடந்துக் கொண்டால் நலமாக இருக்குமே என்று ஆதங்கப்படுவீர்கள். கர்ப்பிணிப் பெண்கள் பயணங்களைத் தவிர்ப்பது நல்லது. 15.12.2017 முதல் 6ம் வீட்டில் சனிபகவான் அமர்வதால் எதிர்ப்புகள் அடங்கும். பிள்ளைகளின் பொறுப்பற்ற போக்கு மாறும். வியாபாரத்தில் ஆழம் தெரியாமல் காலை விடாதீர்கள். பாக்கிகள் வசூலாவதில் தாமதம் ஏற்படும். வேலையாட்களை அவர்கள் போக்கிலேயே விட்டுப்பிடிப்பது நல்லது. உத்யோகத்தில் வேலைச்சுமை அதிகரிக்கும்.
--
குடும்பத்தினருக்கு
---
இந்த வருடம் முழுக்க ராகுவும், கேதுவும் உங்களுக்கு சரியில்லாததால் நீங்கள் சாதாரணமாகப் பேசுவது கூட குடும்பத்தில் உள்ள மாமியார், நாத்தனார் தவறாக புரிந்துக்கொள்வார்கள் இதுபோன்ற சங்கடங்கள் விலக அருகிலுள்ள புற்றுக்கோயிலுக்கு மாதம் ஒரு வெள்ளிக்கிழமை ராகுகாலத்தில் சென்று விளக்கேற்றுங்கள். உங்கள் குடும்பத்தில் விருச்சிகம், தனுசு, கும்ப ராசியில் கணவரோ, பிள்ளைகளோ இருந்தால் பாதிப்புகள் அதிகமாகும். ஆனால் ரிஷபம், கன்னி, மீன ராசியில் இருந்தால் யோகப் பலன் கிடைக்கும். மேலும் நல்வாழ்வு அமைய கீழ்கண்ட குருபகவான் கிரகத்தின் சூட்சமமந்திர வடிவத்தை பூஜையறையில் மாகோலமிட்டு வியாழக்கிழமைகளில் வணங்கி வாருங்கள்.
--