தமிழக தலைமைச் செயலாளர்.. கிரிஜா வைத்தியநாதன்!

திமுக- அதிமுக முத்திரை முற்றிலும் இல்லாத முதல் தலைமைச் செயலாளர்.. கிரிஜா வைத்தியநாதன்!

சென்னை: வருமானவரித் துறையினர் சோதனை நடத்தியதை அடுத்து, தமிழக தலைமைச் செயலாளராக இருந்த ராம்மோகன் ராவ் அந்தப் பதவியில் இருந்து நீக்கப்பட்டு கிரிஜா வைத்தியநாதன் புதிய தலைமைச் செயலாளராக அறிவிக்கப்பட்டுள்ளார். அவரைப் பற்றிய விவரங்களை பார்க்கலாம். தஞ்சாவூர் மாவட்டத் சேர்ந்த கிரிஜா வைத்தியநாதன் 1981 ஆம் ஐஏஎஸ் அதிகாரியாக தமிழக பிரிவில் இணைந்தவர். மதுரை மாவட்டத்தின் ஆட்சித் தலைவராக பணியாற்றியுள்ளார். சுகாதாரத் துறை, கல்வித் துறைகளில் உயர் அதிகாரியாக இருந்து பணியாற்றியுள்ளார். சுகாதாரத் துறையில் மட்டும் 15 ஆண்டுகள் பணியாற்றி குறிப்பிடத்தகுந்த பணிகளை செய்துள்ளார்.

நலவாழ்வு பொருளாதாரம் தொடர்பான ஆய்வு படிப்பை மேற்கொண்டு முனைவர் பட்டத்தைப் பெற்ற கிரிஜா வைத்தியநாதன், சமூக நல்வாழ்வு துறையிலும் சிறப்பாக பணியாற்றியுள்ளார், இவருடைய பெயர் கடந்த முறையே தலைமைச் செயலாளர் பொறுப்பிற்கு பரிந்துரை செய்யப்பட்டது. அப்போது, கிடைக்காத பொறுப்பு தற்போது கிடைத்துள்ளது. தற்போது தலைமைச் செயலாளர் பொறுப்போடு நிர்வாக சீர்த்திருத்தத் துறையையும் கிரிஜா வைத்தியநாதன் கூடுதலாக கவனிப்பார் என்று தமிழக அரசு அறிவித்துள்ளது.

வாழ்த்துகள் அம்மா !
ஒரு முன்னுதாரணமாக திகழுங்கள்

ரமணியன்

நடிகர் SV சேகரின் அண்ணன் மனைவியாம் இவர் .

ரமணியன்

வாழ்த்துகள்

OPS சொல்வதை மட்டும் கேளுங்கள் !

வாழ்த்துகள் !

T.N.Balasubramanian wrote:நடிகர் SV சேகரின் அண்ணன் மனைவியாம் இவர் .

ரமணியன்

ஓ....அப்படியா?

krishnaamma wrote:

T.N.Balasubramanian wrote:நடிகர் SV சேகரின் அண்ணன் மனைவியாம் இவர் .

ரமணியன்

ஓ....அப்படியா?

மேற்கோள் செய்த பதிவு: 1229601

சென்னை: ஊழல் குற்றச்சாட்டுகளில் பதவி இழந்துள்ள ராம் மோகன் ராவுக்குப் பிறகு, புதிய தலைமைச் செயலாளராக பதவிக்கு வந்துள்ள கிரிஜா வைத்தியநாதன் குறித்த செய்திகள்தான் மீடியாவை ஆக்கிரமித்துள்ளன. வார்தா புயல் சேதம், ராம் மோகன் ராவ் வீட்டில் ரெய்டு போன்ற பரபரப்புகளை ஓரம் கட்டுமளவுக்கு, 'கிரிஜா வைத்தியநாதன் யார் தெரியுமோ?' என்ற கேள்விதான் எங்கு பார்த்தாலும். நடிகர் எஸ்வீ சேகரோட தம்பி மனைவிதான் கிரிஜா என பலர் சமூக வலைத்தளங்களில் போட்டோவுடன் செய்திகளைப் பகிர்ந்து வரும் நிலையில், கிரிஜாவின் பின்னணி குறித்த புதிய செய்திகள் வெளியாகியுள்ளன. ரிசர்வ் வங்கியின் முன்னாள் ஆளுநர் எஸ் வெங்கிட்டரமணனை நினைவிருக்கிறதா? 1990லிருந்து 92வரை ஆளுநராகப் பதவி வகித்தவர். அவரது மகள்தான் இந்த கிரிஜா. கிரிஜாவின் கணவர் பெயர் ராஜா வைத்தியநாதன். இவர் எஸ் வீ சேகருக்கு உடன் பிறந்த சகோதரர். மூத்தவர். அந்த வகையில் எஸ்வீ சேகரின் சொந்த அண்ணிதான் கிரிஜா. கிரிஜா தலைமைச் செயலாளராக்கப்பட்டதில் சிபாரிசு அரசியல் ஏதுமில்லை என்கிறார்கள். தனது சொந்தத் தகுதி, சீனியாரிட்டி அடிப்படையிலேயே அவர் பதவிக்கு வந்திருக்கிறார். கிரிஜா வைத்தியநாதன் பெயர் லஞ்சம் ஊழலில் இதுவரை அடிபட்டதில்லை. ஹெல்த் எகனாமிக்ஸில் டாக்டர் பட்டம் பெற்றவர் கிரிஜா. தனது கல்வி மற்றும் அனுபவத்தை வைத்து கடந்த ஆட்சிக் காலங்களில் முதல்வரின் காப்பீட்டுத் திட்டத்துக்கு பெரிய அளவில் பங்களிப்பைச் செய்தவர் கிரிஜா.

இது தட்ஸ்தமிழ் செய்தி .
ஒரு இடத்தில அண்ணன் மனைவி என்றும்
ஒரு இடத்தில தம்பி மனைவி என்றும் பதிவிட்டு உள்ளார்கள்

ரமணியன்

-
எஸ்வீ சேகரின் சொந்த அண்ணி என்பதே
சரியான தகவலாக இருக்ககூடும்....

கிரிஜா வைத்தியநாதனைப் பற்றி இனிமேல்தான் மக்கள் தெரிந்துகொள்ளவேண்டும் . ஆனால் மக்களுக்கு நன்கு பரிச்சயமான சகாயத்தைப் போட்டிருந்தால் சிறப்பாக இருந்திருக்கும் .