எத்தனை புயல்கள்

**M.Jagadeesan** · **M.Jagadeesan** Tue Dec 20, 2016 11:42 am

வார்தாவே !

உன் கரங்களுக்குத்தான் எத்தனை வலிமை !
பச்சைப் பசேலென இருந்த சென்னை மாநகரை
பாலைவனம் ஆக்கிட எப்படி மனம் வந்தது ?

தென்னை மரங்களை ஒடித்துப் பல் துலக்கினாய் !
ஆலமரங்களை பிடுங்கி முதுகினை சொரிந்துகொண்டாய் !
சென்ற டிசம்பரில் சென்னைக்கு நீரிலே கண்டம் என்றால்
இந்த டிசம்பரில் சென்னைக்கு வார்தா என்னும் வாயுவால் கண்டம் !
மொத்தத்தில் டிசம்பர் என்றாலே எல்லோர்க்கும் எமகண்டம் !

நோட்டுக்கள் செல்லாது என்ற மோடிப் புயலால்
நாட்டு மக்கள் எல்லோரும் நடுத்தெருவுக்கு வந்தனர்
ரொட்டிகளுக்காக மக்கள் ஏங்கும் வேளையில் சில
ரெட்டிகள் மட்டும் இரண்டாயிரக் கட்டுகளில் தூங்கினர் .

அப்பல்லோவில் நுழைந்து அதாகதம் செய்த மரணப் புயல்
காவேரியின் கதவுகளையும் தட்டிப் பார்க்கிறது !
எட்டிப் பார்த்துவிட்டு ஏமாற்றமுடன் திரும்புகிறது .

அரசியல் புயலால் தமிழகம் தள்ளாடுகிறது
சில எச்சில் இலைகள்
கோபுரக் கலசத்திலே ஒட்டிக்கொள்ளப் பார்க்கிறது
அப்படி ஒட்டிக்கொண்டால்
இரட்டை இலைகள் உதிர்ந்துவிடும் என்பதை
ஏனோ புரிந்துகொள்ள மறுக்கின்றனர் .

**krishnaamma** · **krishnaamma** Tue Dec 20, 2016 11:50 am

//அரசியல் புயலால் தமிழகம் தள்ளாடுகிறது
சில எச்சில் இலைகள்
கோபுரக் கலசத்திலே ஒட்டிக்கொள்ளப் பார்க்கிறது
அப்படி ஒட்டிக்கொண்டால்
இரட்டை இலைகள் உதிர்ந்துவிடும் என்பதை
ஏனோ புரிந்துகொள்ள மறுக்கின்றனர் .//

அருமை அருமை...மிக அருமை ஐயா ! எத்தனை புயல்கள் 3838410834

tamiliyappan · tamiliyappan Tue Dec 20, 2016 12:33 pm

இயற்கையை அதிகமாய் அழித்த சென்னை
இன்று இயற்கையால் அழிகிறது..

அரசியல் புயலால் தமிழகம் தள்ளாடுகிறது
சில எச்சில் இலைகள்
கோபுரக் கலசத்திலே ஒட்டிக்கொள்ளப் பார்க்கிறது...

இதை விட பொருத்தமான வார்த்தை
இல்லை... எத்தனை புயல்கள் 3838410834

Sponsored content · Sponsored content

எத்தனை புயல்கள்

எத்தனை புயல்கள்

Re: எத்தனை புயல்கள்

Re: எத்தனை புயல்கள்

Re: எத்தனை புயல்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக