புயல், மழைக்குப் பிறகு பின்பற்ற வேண்டியவை..!

ஈகரை தமிழ் களஞ்சியம் :: தகவல் களஞ்சியம் :: கட்டுரைகள் - பொது

Page 1 of 1 •

புயல், மழைக்குப் பிறகு பின்பற்ற வேண்டியவை..!

#1229045

krishnaamma
தலைமை நடத்துனர்: பதிவுகள் : 65836
இணைந்தது : 22/04/2010

Post krishnaamma Mon Dec 12, 2016 6:09 pm

புயல், மழைக்கு பிறகு பொதுமக்‌கள் கண்டிப்பாக பின்பற்ற வேண்டிய குறிப்புகளை தமிழக அரசு வெளியிட்டுள்ளது.

* வெள்ளநீர் வடிந்த பிறகும், ஆற்றங்கரை மற்றும் நீர்நிலைகளின் அருகே செல்லக்கூடாது.

* வெள்ளநீர் புகுந்த கட்டடத்திற்குள் செல்லும் முன், மின் இணைப்பு, எரிவாயு சிலிண்டர் இணைப்பு, மோட்டார் பம்ப் உள்ளிட்ட மின்சாதனங்களின் பாதுகாப்பை உறுதி செய்ய வேண்டியது அவசியம்.

* மின்சார உபகரணங்களில் சேதம் ஏற்பட்டிருந்தால், உடனடியாக மின் இணைப்பை துண்டிக்க வேண்டும்.

* கழிவு நீர் மற்றும் குடிநீர் இணைப்புகளில் உடைப்பு ஏற்பட்டிருந்தால், அவற்றை உடனடியாக சரி செய்வதன் மூலம் நோய் பரவுவதை தடுக்க முடியும்.

* வெள்ளநீரில் நனைந்த மருந்து, உணவுப்பொருட்கள் மற்றும் பாட்டில்களில் அடைக்கப்பட்ட தண்ணீர், பானங்கள் ஆகியவற்றை பயன்படுத்தக் கூடாது.

* குளோரின் கலந்த பாதுகாப்பான தண்ணீரை கொதிக்க வைத்து பருக வேண்டும்.

* வெள்ளத்தால் அடித்துச் செல்லப்பட்ட சாலைகள், மண்சரிவுகள், கீழே விழுந்த மரங்கள், அறுந்து விழுந்த மின் இணைப்புகளை கவனமாக கையாள வேண்டும்.

* உறுதியான காலணிகளை அணிந்து கொண்டு வெளியே செல்ல வேண்டும்.

* சிறிய காயங்களைக் கூட அலட்சியப்படுத்தாமல் உடனடியாக சிகிச்சை எடுக்க வேண்டும்.

* மின் உபகரணங்களை வெள்ள நீரால் பாதிக்காத அளவிற்கு உயரமான இடத்தில் அமைக்க வேண்டும்.

நன்றி : புதிய தலைமுறை