மாசுக்கு செல்ல இருக்கும் மாசானவர்கள்.

செயற்கைக் கோளை விண்ணில் ஏவிவிட்டு மீண்டும் பத்திரமாக பூமிக்கு திரும்பி வரும் ராக்கெட் (பொதுவாக இவை எரிந்து கடலில் விழும்) தயாரிப்பில் ஈடுபட்டு வரும் spaceX நிறுவனம் வெற்றிகரமாக இந்த வகை ராக்கெட் மூலம் செவ்வாய்க்கு செயற்கை கோளை ஏவியுள்ளது.இதன்முலம்  செயற்கை கோள் ஏவும் செலவை மிச்சப்படுத்தி அதிக முறை ஒரே ராக்கெட்டை பயன்படுத்தி அதிக செயற்கைகோள்களை ஏவமுடியும். செவ்வாய் கிரகத்தில் ஒரு தற்சார்பு  மனித குடியேற்றம்(அங்கேயே உணவு / எரிபொருள் உற்பத்தி செய்து வாழ்வது)  செய்ய இந்த நிறுவனம் முயன்று வருகிறது.  



மார்ஸ் ஒன்று திட்டத்தின் ஊடாக செவ்வாய்க்கு செல்ல தெரிவு செய்யப்பட்டிருக்கும் 100 பேரில் மூன்று இந்தியர்களும் அடங்குவர். ஒருவர் கேரளத்தைச் சேர்ந்த 19 வயது சாரதா பிரசாத்; இன்னோருவர் அமெரிக்காவில் இருக்கும் தரண்ஜித் சிங்-கணினி வல்லுனர்- வயது 29 ;மூன்றாமவர் துபையில் இருக்கும் கீர்த்திகா சிங் வயது 29. சாரதாவும் கீர்த்திகாவும் பெண்கள்.

இது ஒருவழிப்பாதையாகும். அதாவது சென்றால் திரும்பி வர முடியாது. மார்ஸ் ஒன்று நிறுவனம் செவ்வாய்க்குப் போனால் யாரும் திரும்பி வர முடியாது என்பதைத் தெளிவாக அறிவித்துள்ளது. ஆகவே தான் இது செவ்வாய்க்கான ஒரு வழிப் பயணம் என்று வருணிக்கப்படுகிறது.

செவ்வாய்க்குச் செல்பவர்கள் கடைசி வரை அங்கு நிரந்தரமாக தங்கியிருந்தாக வேண்டும். அவர்கள் வசிப்பதற்கென குடில்கள் தயாரிக்கப்பட்டு முன்கூட்டி செவ்வாய்க்கு அனுப்பப்படும். அவ்வப்போது பூமியிலிருந்து உணவு மருந்துகள் உட்பட அத்தியாவசியப் பொருட்கள் விண்கலங்கள் மூலம் அனுப்பப்படும்.

எனினும் செவ்வாயில் சுவாசிக்க ஆக்சிஜன் கிடையாது. விண்வெளியிலிருந்து விண்கற்கள் தாக்கும் ஆபத்தும் உண்டு. குடில்களிலிருந்து வெளியே வருவதானால் விண்வெளி வீரர்கள் அணிவது போன்ற உடைகளில் நடமாட வேண்டியிருக்கும். செவ்வாயில் ஈர்ப்பு சக்தி குறைவு. உடல் அதற்கேற்ப பழகிக்கொண்டாக வேண்டும். இப்படிப் பல பிரச்சினைகள் உள்ளன.

எல்லாவற்றுக்கும் மேலாக மன நலம் பாதிக்கப்படுகின்ற பிரச்சனையும் உண்டு. கண்காணாத இடத்தில் இப்படி வந்து மாட்டிக்கொண்டு விட்டோமே என்ற பகீர் உணர்வு ஏற்படுமானால் விபரீத நிலைமைகள் ஏற்படலாம்.

ஒரு வழி பயணம் .
சாதனை என்பதை விட வேதனை தான் அதிகமாகும் என்பது எந்தன் கருத்து.

ரமணியன்