சிதறல்

ஜா.கிரிஜா · ஜா.கிரிஜா Sat Dec 10, 2016 8:26 pm

பால்யத்தின் கனவு ஒன்று
பிய்த்துத் தின்னுகிறது.
படமெடுத்து ஆடும் நாகப்பாம்பின்
வரவைப் போன்று
ஆடிப்பாவை போன்ற அதிர்வில்...
நிலைகுலைகிறது காதற்ற ஊசியும்
கடைக்கு வருவதா? வேண்டாமா? என்ற தவிப்பில்.
கச்சோடம் நடைபெறுகிறது விமரிசையாக
உரக்கக் கூவலிலும் தேம்பல்களின் நடனம்
வெளியேறுகிறது
அறைகளின் விசும்பல்கள் புரிவதில்லை
பருமனின் அடர்த்தியை அவை எச்சரிப்பதை…
சுற்றும் சுடரொளியை நேடும் நகப்பூச்சுக்குள்
அடங்கி இருப்பது எனோ தெளிவாவதும் இல்லை
தெளிவின் அடர்த்தியை நகர்த்துவதற்கும்
சௌகரியம் ஏற்பட்டதுமில்லை
ஒவ்வொன்றாய் தெளிவாகிறது
திரை மறைவின் நளினம்
சிதைப்படுவதும் சிதைக்கப்படுவதும் என
பொறுக்கி எடுக்க
ஓடுகிறது
கூட்டுக்குள் அடைக்காக்கப்படும் மனம்
உதிர்ந்த சருகுகளும்
ஒன்றன் மேல் ஒன்றாய்
படிமம் கொள்ளும்
மயிலின் தோகையாய் தூரிகைகளில்!

முனைவர் ஜா.கிரிஜா

**M.Jagadeesan** · **M.Jagadeesan** Sat Dec 10, 2016 10:11 pm

எதுவுமே புரியவில்லை !

சிதறல்

சிதறல்

Re: சிதறல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக