சென்னையில் ரெய்டு: 100 கிலோ தங்கம், ரூ.90 கோடி சிக்கியது

**ayyasamy ram** · **ayyasamy ram** Thu 8 Dec 2016 - 19:47

சென்னை:
ரூபாய் நோட்டு வாபஸ் அறிவிப்புக்கு பிறகு,
வருமான வரித்துறையினர் அதிரடி சோதனை, நாட்டின் பல
இடங்களில் நடந்து வருகிறது.

சென்னையில், இன்று, எட்டு இடங்களில் நடந்த சோதனையில்,
100 கிலோ தங்கம், 90 கோடி ரூபாய் ரொக்கம் சிக்கியுள்ளது.

மத்திய அரசு, 500 ரூபாய், 1,000 ரூபாய் நோட்டுகளை நவ.,
8 ம் தேதி வாபஸ் பெற்றது. இதன் பிறகு, கறுப்பு பணத்தை மாற்ற
பலரும் முயற்சி வருகின்றனர். அவர்களை வருமான வரித்
துறையினர் அதிரடி சோதனை மூலம் மடக்கி வருகின்றனர்.

சென்னையை சேர்ந்தவர் பிரேம், இவர். தங்க கட்டிகளை பணமாக
மாற்ற முயற்சிப்பதாக வருமான வரித்துறையினருக்கு தகவல்
கிடைத்தது. இது தொடர்பாக தீவிர விசாரணை நடத்தி பிரேம்,
சேகர் ரெட்டி, சீனிவாச ரெட்டி ஆகியாருக்கு சொந்தமான
சென்னையில் உள்ள, எட்டு இடங்களில் வருமான வரித்துறையினர்
இன்று சோதனை நடத்தினர்.

இதில், பிரேம் மற்றும் சீனிவாச ரெட்டி ஆகியோர் வீடுகளில்
இருந்து, 100 கிலோ தங்கம் பறிமுதல் செய்யப்பட்டது. மூன்று பேர்
வீடுகளில் இருந்தும் ரொக்கமாக, 90 கோடி ரூபாய் சிக்கியுள்ளது.

இதில் பெரும்பாலானவை புதிய ரூபாய் நோட்டுகள் என்பது கு
றிப்பிடத்தக்கது. இதில் சேகர் ரெட்டி வீடு சென்னை, தேனாம்பேட்டை
பசுல்லா தெருவில் உள்ளது. இவர்,

பொதுப்பணித்துறை ஒப்பந்ததாரர் என்பது குறிப்பிடத்தக்கது.
-
------------------------------
தினமலர்

**T.N.Balasubramanian** · **T.N.Balasubramanian** Thu 8 Dec 2016 - 20:18

சாதாரண மக்கள் பணப்புழக்கத்திற்கு பணமில்லாமல் கஷ்டம் படும் போது 2000 /500 ரூபாய்கள் புழக்கத்திற்கு வராமல் கருப்பு பணமுதலைகளிடம் போவது தவறான உதாரணம்.
அந்த பணமுதலையையும் அதற்கு உடந்தையாக இருந்த வங்கி அதிகாரிகளையும் தண்டிக்கவேண்டும்.
வங்கி அதிகாரிகளை சஸ்பெண்ட் பண்ணி , பணமாற்றம் செய்த தொகைக்கு ஈடாக பணம் வசூலித்து
அவரையே /அவர் குடும்பத்தில் உள்ள மனைவியையோ மகளையோ மகனையோ ஜெயிலில் போடவேண்டும். அப்போதுதான் இவர்கள் உடந்தையாக இருக்கமாட்டார்கள் .
பணமுதலை பணத்தை முழுதும் ஜப்தி செய்து அவர் குடும்பத்தினரையும் ஜெயிலில் போடவேண்டும்.

அப்பவும் திருந்தமாட்டார்கள், ஆயிரம் மோடி வந்தாலும் திருந்தமாட்டார்கள் .

ரமணியன்

சென்னையில் ரெய்டு: 100 கிலோ தங்கம், ரூ.90 கோடி சிக்கியது

சென்னையில் ரெய்டு: 100 கிலோ தங்கம், ரூ.90 கோடி சிக்கியது

Re: சென்னையில் ரெய்டு: 100 கிலோ தங்கம், ரூ.90 கோடி சிக்கியது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக