அதிக வெளிச்சம் ஆபத்தை ஏற்படுத்தும்!

**ayyasamy ram** · **ayyasamy ram** Thu Dec 01, 2016 10:32 am

சீனாவில் ஹை பீம் விளக்குகளால் அதிக விபத்துகள்
நடந்து வருகின்றன. அரசாங்கமும் இந்தப் பிரச்சினையைத்
தீர்ப்பதற்காகப் பல்வேறு வழிகளில் முயன்று வருகிறது.

ஆனாலும் ஹை பீம் விளக்குகளைப் பயன்படுத்துவதைத்
தடுக்க முடியவில்லை. விபத்துகளில் இருந்து பாதுகாத்துக்
கொள்வதற்காக மக்களே, தங்கள் கார்களின் பின்பக்கக்
கண்ணாடியில் அச்சம் தரும் போஸ்டர்களை ஒட்ட
ஆரம்பித்துவிட்டனர்.

இரவு நேரத்தில் அதிக வெளிச்சம் பாய்ச்சும்போது,
காரில் உள்ள போஸ்டர் உருவங்கள் பளீரென்று ஒளிர்கின்றன.
அச்சமூட்டும் உருவங்கள் தெரியும்போது பின்னால் வரும்
வாகனஓட்டிகள் பயந்து அலறுகிறார்கள்.

வெளிச்சத்தின் அளவைக் குறைத்தால் இந்த உருவங்கள்
கண்களுக்குத் தெரியாது. இந்த உத்தியை அதிக மக்கள்
பயன்படுத்த ஆரம்பித்துவிட்டதால், அச்சமூட்டும் படங்களின்
போஸ்டர்கள் எல்லா இடங்களிலும் கிடைக்கின்றன.

இரவு நேரங்களில் இதுபோன்ற உருவங்களைப் பார்க்கும்
வாகன ஓட்டிகள் அதிர்ச்சியில் விபத்துகளை ஏற்படுத்தி
விடுகிறார்கள். அதனால் சீனாவின் சில பகுதிகளில் இந்த
போஸ்டருக்கு அபராதம் விதிக்கப்படுகிறது.

ஆனால் பெய்ஜிங்கில் சட்டப்படி குற்றம் இல்லை என்பதால்,
கார்களில் போஸ்டர்கள் அதிக அளவில் வலம் வருகின்றன.
விபத்துகளில் சிக்குவதை விட, அபராதம் கட்டிவிட்டுப்
பாதுகாப்பாகச் செல்லலாம் என்று பலரும் நினைக்கின்றனர்.
-
---------------------------------------
தி இந்து

**உமா** · **உமா** Thu Dec 01, 2016 3:45 pm

என்ன சிந்தனை அய்யோ, நான் இல்லை

சிவனாசான் · சிவனாசான் Fri Dec 02, 2016 3:55 pm

அதிக வெளிச்சம் ஆபத்தை விளைவிக்கும்,
அதிக ஊழலும் ஆபத்தை விளைவிக்கும்,
அதிக லஞ்சப்பணமும் ஆபத்தை தரும்,
பேராசையும் பெரு நட்டத்தை தரும்>>>>

**ஜாஹீதாபானு** · **ஜாஹீதாபானு** Fri Dec 02, 2016 5:09 pm

Sponsored content · Sponsored content

அதிக வெளிச்சம் ஆபத்தை ஏற்படுத்தும்!