மக்கள் கவிஞர் இன்குலாப் உடல் தானம் - மருத்துவக்கல்லூரியில் உடல் ஒப்படைப்பு!

by **ayyasamy ram** Sat Dec 03, 2016 8:27 pm

-

தமிழகத்தில் பிரபல எழுத்தாளரும், கவிஞரும்,
முற்போக்கு சிந்தனைவாதியுமான மக்கள் கவிஞர் இன்குலாப்,
சென்னையில் உடல் நலக்குறைவால் வியாழக்கிழமை காலமானார்.

அவருக்கு வயது 73. ராமநாதபுரம் மாவட்டம் கீழக்கரையை
சேர்ந்த இன்குலாப்பின் இயற்பெயர் சாகுல் அமீது.

சென்னை புதுக்கல்லூரியில் தமிழ் பேராசிரியராக பணியாற்றிய
தீவிர தமிழ் உணர்வாளர்.

இன்குலாப்பிற்கு கமருன்னிஷா என்ற மனைவியும், செல்வம்,
இன்குலாப் என 2 மகன்களும், ஆமினா பர்வீன் என்ற ஒரு மகளும்
உள்ளனர்.
-
கவிஞர் இன்குலாப் தன்னுடைய மரணத்துக்கு பிறகு மருத்துவ
கல்லூரி மாணவர்கள் ஆராய்ச்சிக்கு பயன்படுத்தும் வகையில்
தனது உடலை அரசு மருத்துவ கல்லூரிக்கு தானமாக வழங்க
வேண்டும் என கூறி இருந்தார்.

அதன்படி இன்று மக்கள் கவிஞர் இன்குலாப்பின் உடல் செங்கல்பட்டு
அரசு மருத்துவ கல்லூரி மருத்துவமனையில் ஒப்படைக்கப்பட்டது.
இன்குலாப்பின் மூத்த மகன் செல்வம் கண்ணீர் மல்க தனது
தந்தையின் உடலை ஒப்படைத்தார்.
-
-----------------------------------------------------
தமிழ் ஒன் இந்தியா

by **T.N.Balasubramanian** Sat Dec 03, 2016 8:52 pm

"இறந்தும் கொடுத்தான் சீதக்காதி " பரம்பரை அய்யா நீவீர் !
உம் குலம் தழைக்க .
பிரிவால் வாடும் அவர் குடும்பத்தினருக்கு ஆழ்ந்த அனுதாபங்கள் .

ரமணியன்

by **M.Jagadeesan** Sat Dec 03, 2016 9:41 pm

செத்தும் கொடுத்தான் சீதக்காதி
==============================
சீதக்காதி என்பவர் பெரிய பணக்காரர், மகா வள்ளல். இல்லை என்று வந்தவர்களுக்கு இல்லை என்று ஒருபோதும் சொல்ல மாட்டார். அந்த மகான் திடிரென்று ஒரு நாள் இறந்து போகிறார். அவரை புகழ்ந்து பாடி தன்னுடைய குடும்ப நிலையை சொல்லி, ஏதாவது பொருள் பெற்று செல்லலாம் என்று வந்த ஏழை ஒருவர், சீதக்காதியின் ஊருக்கு வந்தால், எதிரே சீதக்காதியின் பிணம், ஏழைக்கோ என்ன செய்வது தெரியவில்லை.
சீதக்காதியின் பிணத்திற்கு அருகே சென்று அவரது புகழ் பாடி, இப்பேர்ப் பட்ட நல்லவரை இறைவன் சீக்கிரம் தன்னிடத்தில் அழைத்துக் கொண்டானே, என்று அழுதார். திடிரென்று சீதக்காதியின் வலது கை புலவரை நோக்கி நீண்டது, என்ன ஆச்சரியம் அவரது கையில் தங்க மோதிரம் மின்னியது. உடனே அவரது மகன் தன் தந்தை செத்தப் பின்பும் உங்களுக்கு உதவே தன் கையை நீட்டுகிறார் என்று கண்ணீர் மல்க கூறி அந்த மோதிரத்தை எடுத்துக் கொடுத்தார். சீதக்காதி அவர்களின் புகழ் மேலும் பரவியது, வரலாற்றில் மறக்க முடியாத இடத்தை பெற்றார், அவரை போற்றவே அவரது செயலை பழமொழியாக பேசுகிறார்கள்.

மற்றவர்களுக்கு என்ன அறிவுரை என்றால், உயிரோடு இருக்கும் போதே தர்ம காரியங்கள் செய்யுங்க என்பதே.

நன்றி : இணையம்

by Sponsored content

மக்கள் கவிஞர் இன்குலாப் உடல் தானம் - மருத்துவக்கல்லூரியில் உடல் ஒப்படைப்பு!

மக்கள் கவிஞர் இன்குலாப் உடல் தானம் - மருத்துவக்கல்லூரியில் உடல் ஒப்படைப்பு!

Re: மக்கள் கவிஞர் இன்குலாப் உடல் தானம் - மருத்துவக்கல்லூரியில் உடல் ஒப்படைப்பு!

Re: மக்கள் கவிஞர் இன்குலாப் உடல் தானம் - மருத்துவக்கல்லூரியில் உடல் ஒப்படைப்பு!

Re: மக்கள் கவிஞர் இன்குலாப் உடல் தானம் - மருத்துவக்கல்லூரியில் உடல் ஒப்படைப்பு!