ஜன.,1 முதல் வங்கிகளில் பண பரிவர்த்தனைக்கு ஆதார் அவசியம்

by **ayyasamy ram** Sat Dec 03, 2016 6:17 am

–
புதுடில்லி:
வரும் ஜனவரி 1 ம் தேதி முதல் வங்கி பண பரிவர்த்தனை
செய்வதற்கு ஆதார் எண் அவசியம் என ரிசர்வ் வங்கி
அறிவித்துள்ளது.

இதுகுறித்து, வங்கிகளுக்கு ஆர்.பி.ஐ., அனுப்பியுள்ள
சுற்றறிக்கையில் கூறியிருப்பதாவது:

வரும் ஜனவரி 1 ம் தேதி முதல் வங்கி பண பரிவர்த்தனை
செய்வதற்கு ஆதார் எண் கட்டாயம் பயன்படுத்த வேண்டும்.

ஆன்லைன் பரிவர்த்தனையிலும் ஆதார் எண்ணை பயன்
படுத்த வேண்டும். ஆதார் அடையாளங்களை உறுதி செய்யும்
கருவிகளை வங்கிகளில் பொருத்த வேண்டும்.

வங்கிகள் – வாடிக்கையாளர்கள் இடையிலான கே.ஒய்.சி
திட்டத்திற்கு மாற்றாக ஆதார் எண்ணை பயன்படுத்த வேண்டும்.

வாடிக்கையாளர்களின் பல்வேறு அட்டை பயன்பாடுகளுக்கு
பதிலாக புதிய ஏற்பாடு செய்யப்பட்டுள்ளது. 2017 ம் ஆண்டு
மார்ச் மாதம் 30-ம் தேதிக்குள் ஆதார் எண்ணை முழுமை யாக
வங்கி கணக்குகளுடன் இணைக்க வேண்டும்.
இவ்வாறு, அதில் குறிப்படப்பட்டுள்ளது.
ரயில் டிக்கெட் சலுகைக்கு…

இதே போன்று, அடுத்த ஆண்டு ஏப்ரல் 1 ம் தேதி முதல், ரயிலில்
பயணிக்கும் மூத்த குடிமக்கள் சலுகைகள் பெறுவதற்கு ஆதார்
எண் கட்டாயம் சமர்பிக்க வேண்டும் என ரயில்வே நிர்வாகம்
அறிவித்துள்ளது.
–
————————————-
தினமலர்