மொழி..2

by maheshpandi Sat Nov 26, 2016 11:22 am

மொழி

என் மனவலிகளை
எழுதா மொழிகள்
வார்த்தையற்று வாஞ்சையடைகின்றன.

என் அன்னையின் பாசத்தை
அமுத வாிகளில்
எழுதிட இயலா மொழிகள்
பாசத்திற்கு ஏங்கி
பாிதவித்து நிற்கின்றன.

செல்லப் பிராணிகளைச் சீண்டி விளையாடும் பொழுது
உடல் மொழியே எங்களுக்குள் உறவை வளர்க்கிறது.
மற்ற மொழிகளெல்லாம்
பயனற்றுப் புறந்தள்ளப் படுகிறது.

உடல் இச்சையை மொழியும்
காம மொழிக்கு மட்டும்
மொழியின் தேவை அற்றுப் போகிறது.

கொஞ்சி விளையாடும்
மழலை பேசும் மொழிக்கு
எம்மொழியிலேனும் அகராதி உண்டோ?

மாட்டுவண்டிக்காரன்
மாட்டை வேகப்படுத்த எழுப்பிடும் மொழியை
மொழிகளே உங்கள் எழுத்திடைக் கொணர முடியுமா?

நாயும் எறும்பும்
குருவியும் மீனும்
அலைகடலும் மழைத்துளியும்
தீஞ்சுடர் நெருப்பும்
ரகசியமிட்ட ஆகாயமும்
தென்றலிட்ட வன்புயல் காற்றும்
மண்ணோடு முளைவுறவிட்ட மரத்திடை வேரும்
பகிரும் மொழியை உன் பாசை இயம்பிடுமா?

மொழியே இன்னும் நீ
உணா்வுகளை எழுதா மொழியே
மொழியே உன்னுள் திணி]ணு] த்துக்கொள்
எழுதா மொழியே
எழுதக் கற்றுக்கொள்
மௌனமொழியை.

by **T.N.Balasubramanian** Sat Nov 26, 2016 12:00 pm

உண்மையை மொழிய வேண்டுமெனில்
அருமையாகவே இருக்கிறது . அன்பு மலர்

கொஞ்சி விளையாடும்
மழலை பேசும் மொழிக்கு
எம்மொழியிலேனும் அகராதி உண்டோ?

மாட்டுவண்டிக்காரன்
மாட்டை வேகப்படுத்த எழுப்பிடும் மொழியை
மொழிகளே உங்கள் எழுத்திடைக் கொணர முடியுமா?

இவை ரெண்டும் என்னை கவர்ந்தன .

வார்த்தையற்று வாஞ்சையடைகின்றன.

வாஞ்சை அடைகின்றன .....புரியவில்லை .

ஓரிரு எழுத்துப் பிழை திருத்தப்பட்டது .

ரமணியன்

by maheshpandi Sat Nov 26, 2016 12:23 pm

வாஞ்சை என்பது ஆசை, ஏக்கம், பாசம், பிரியம் என்ற பொருண்மை உடையது. மன வலிகளை எழுத வேண்டும் என்கிற ஆசை மொழிக்கு எழுந்தாலும் அதனிடம் வாா்த்தைகள் இல்லை. என்பதைச் சுட்டவே “வார்த்தை அற்று வாஞ்சை அடைகின்றன” என்று மொழிந்தேன். உங்கள் மதிப்பிடுகைக்கு மிக்க நன்றி

by **M.Jagadeesan** Sat Nov 26, 2016 12:33 pm

கவிதை மிகவும் நன்று !

by **T.N.Balasubramanian** Sat Nov 26, 2016 5:43 pm

maheshpandi wrote:வாஞ்சை என்பது ஆசை, ஏக்கம், பாசம், பிரியம் என்ற பொருண்மை உடையது. மன வலிகளை எழுத வேண்டும் என்கிற ஆசை மொழிக்கு எழுந்தாலும் அதனிடம் வாா்த்தைகள் இல்லை. என்பதைச் சுட்டவே “வார்த்தை அற்று வாஞ்சை அடைகின்றன” என்று மொழிந்தேன். உங்கள் மதிப்பிடுகைக்கு மிக்க நன்றி

மேற்கோள் செய்த பதிவு: 1227956

விளக்கத்திற்கு நன்றி.
மொழி என்று ஏற்கனவே ஒரு சொந்த கவிதை ,23 /11 /2016 அன்று வந்துள்ளதால் ,
உங்கள் " மொழி" கவிதை , "மொழி ..2 " என மாற்றப்பட்டுள்ளது.
தலைப்புக்கள் கொடுக்கும் போது ,ஒரே தலைப்பை தவிர்த்தல் நல்லது.
குழப்பம் குறையும்.

ரமணியன்