'ஜன்தன்' கணக்குகளில் ரூ.21,000 கோடி 'டிபாசிட்'

**ayyasamy ram** · **ayyasamy ram** Thu Nov 24, 2016 7:07 am

-
புதுடில்லி:
மத்திய அரசின் ரூபாய் நோட்டு அறிவிப்புக்கு பின்,
'ஜன்தன்' திட்ட வங்கிக் கணக்குகளில், 21 ஆயிரம்
கோடி ரூபாய் 'டிபாசிட்' செய்யப்பட்டுள்ளது.
-
மத்திய அரசு வட்டாரங்கள் கூறியதாவது:

செல் லாத ரூபாய் நோட்டு திட்டத்தை, பிரதமர் நரேந்திர
மோடி, நவ.,8ல் அறிவித்தார். பழைய, 500 - 1,000 ரூபாய்
நோட்டுகளை வங்கிகளில், 'டிபாசிட்' செய்ய, டிச., 30 வரை
அவகாசம் தரப்பட்டுள்ளது.
-
இந்த திட்டம் அமலான பின், ஜன்தன் திட்ட வங்கிக்
கணக்குகளில், 'டிபாசிட்'கள் குவிய துவங்கி உள்ளன.
13 நாட்களில், 21 ஆயிரம் கோடி ரூபாய் 'டிபாசிட்'
செய்யப்பட்டுள்ளது
-
.மம்தா பானர்ஜி முதல் வராக உள்ள மேற்கு வங்கத் தில்,
நாட்டிலேயே அதிகளவில், ஜன்தன் திட்ட வங்கிக்
கணக்குகளில் பணம் டிபாசிட் செய்யப் பட்டுள்ளது;
இதில், கர்நாடகா இரண்டாமிடத்தை பிடித்துள்ளது.
-
நாடு முழுவதும், 25.5 கோடி ஜன்தன் திட்ட வங்கிக்
கணக்குகளில், 9ம் தேதி வரை, 45 ஆயிரத்து, 636 கோடி
ரூபாய் இருந்தது.
-
இந்த கணக்குகளில், தற்போது, 66 ஆயிரத்து, 636 கோடி
ரூபாய் உள்ளது. இவ்வாறு அரசு வட்டாரங்கள் கூறின.
-
கண்காணிப்பு
-
'நாடு முழுவதும், ஒவ்வொரு வீட்டிலும், குறைந்தது ஒருவர்
பெயரிலாவது வங்கிக் கணக்கு இருக்க வேண்டும்' என்ற
நோக்கில், 2014, ஆகஸ்டில், ஜன்தன் திட்டம் துவக்கப் பட்டது.
-
இந்த கணக்குகளில், அதிகபட்சம், 50 ஆயிரம் ரூபாய்
மட்டுமே 'டிபாசிட்' செய்யப்படும். இது வரை, பணமே
இல்லாமல் இருந்த ஜன்தன் திட்ட வங்கிக் கணக்குகளில்
திடீரென பணம் குவியத் துவங்கி இருப்பதை மத்திய
அரசும், வருமான வரித்துறையும் கூர்ந்து கவனித்து
வருகின்றன.
-
-------------------------------
தினமலர்

'ஜன்தன்' கணக்குகளில் ரூ.21,000 கோடி 'டிபாசிட்'

'ஜன்தன்' கணக்குகளில் ரூ.21,000 கோடி 'டிபாசிட்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக