சபரிமலை கோயில் பெயர் மாற்றம்

**ayyasamy ram** · **ayyasamy ram** Tue 22 Nov 2016 - 7:05

திருவனந்தபுரம்: கேரளாவில் உள்ள பிரசித்தி பெற்ற
சபரிமலை ஐயப்பன் கோயிலின் பெயர்
சபரிமலை ஸ்ரீ ஐயப்ப சுவாமி கோயில்
என மாற்றம் செய்யப்பட்டுள்ளது.

சபரிமலை ஐயப்பன் கோவிலுக்கு கேரளா, தமிழ்நாடு,
கர்நாடகா, ஆந்திரா உள்ளிட்ட பல்வேறு
மாநிலங்களிலிருந்தும் லட்சகணக்கான பக்தர்கள்
வருகை தருகின்றனர்.

குறிப்பாக, கார்த்திகை, மார்கழி, தை ஆகிய மாதங்களில்
ஏராளமானோர் மாலை அணிந்து விரதம் இருந்து ஐயப்ப
சுவாமியை தரிசினம் செய்து வருகின்றனர்.

பெயர் மாற்றம்:

சபரிமலை கோயிலை திருவாங்கூர் தேவஸ்வம் போர்ட்
நிர்வகித்து வருகிறது. பெயர் மாற்றம் குறித்து தேவஸ்வம் போர்ட்
தரப்பில், கூறப்பட்டதாவது.

திருவாங்கூர் தேவஸ்வம் போர்ட் நிர்வாகத்தின் கீழ்
1,248 கோயில் உள்ளது. அதில் பல கோயில்களின் பெயர்களில்
தர்மசாஸ்தா கோயில் என இடம்பெற்றுள்ளது.

அதன் காரணமாகவே சபரிமலை ஸ்ரீ ஐயப்ப சுவாமி கோயில்
என மாற்றம் செய்யப்பட்டுள்ளது. இதையடுத்து, கோயில்
தொடர்பான அனைத்து ஆவணங்களிலும் புதிய பெயரே
பயன்படுத்தப்படும்.

கடந்த அக்.,5 தேதி நடந்த தேவஸ்வம் போர்ட்டின் நிர்வாக
கூட்டத்தில் இந்த பெயர் மாற்ற முடிவு எடுக்கப்பட்டது.
இவ்வாறு போர்ட் தரப்பினர் தெரிவித்தனர்.
-
------------------------------------------
தினமலர்

**T.N.Balasubramanian** · **T.N.Balasubramanian** Tue 22 Nov 2016 - 19:20

பெயர் மாற்றம் அவசியமா ?
என்ன நன்மைகள் வரப்போகின்றது .

ரமணியன்

**prajai** · **prajai** Wed 23 Nov 2016 - 18:15

சபரிமலை கோயில் பெயர் மாற்றத்திற்கு பெண்களின் அனுமதி விவகாரம் காரணம்

சபரிமலை: சபரிமலை கோயில் பெயர் மாற்றத்திற்கு பெண்களின் அனுமதி தொடர்பாக உச்ச நீதிமன்றத்தில் நடந்து வரும் வழக்கு முக்கிய காரணமாக இருந்தது தெரிய வந்துள்ளது. சபரிமலை கோயில் பெயர் ஆண்டாண்டு காலமாக ஸ்ரீ தர்ம சாஸ்தா கோயில் என்று இருந்து வந்தது. அண்மையில் தேவசம்போர்டு செயலர் பிறப்பித்த ஒரு சுற்றறிக்கையில், இனி கோயில் பெயர் 'ஸ்ரீ ஐயப்ப சுவாமி கோயில்' என்று அழைக்கப்படும் என கூறி ,அதற்கான ஐதீகத்தையும் குறிப்பிட்டிருந்தார். ஆனால் இந்த பெயர் மாற்றத்துக்கு பின்னால் பெண்களை சபரிமலையில் அனுமதிக்க கோரி உச்ச நீதிமன்றத்தில் நடந்து வழக்கு முக்கிய காரணம் இருந்துள்ளது. சாஸ்தாவும், ஐயப்பனும் இரண்டு வெவ்வேறு பிரதிஷ்டையாகும். சாஸ்தா கோயில் என்றால், அங்கு பெண்கள் அனுமதியை மறுக்க முடியாது. ஐயப்பன் பிரதிஷ்டை என்றால் அது பிரம்மச்சரியமானது. எனவே அங்கு வயது பெண்களை அனுமதிக்க முடியாது. உச்ச நீதிமன்றத்தில் தாக்கல் செய்யப்பட்டுள்ள, பல ஆவணங்களில் சபரிமலை ஸ்ரீ தர்மசாஸ்தா கோயில் என்றே உள்ளது. இதனால் தேவசம்போர்டுக்கு பின்னடைவை ஏற்படுத்தும் என்பதால் தான், இந்த பெயர் மாற்ற உத்தரவு பிறப்பிக்கப்பட்டதாக தெரிகிறது.

இதுபற்றி தேவசம் போர்டு தலைவர் பிரயார் கோபாலகிருஷ்ணனிடம் கேட்ட போது, நேரடியாக பதிலளிக்க மறுத்த அவர், தர்மசாஸ்தா திருமணம் ஆனவர் என்பதை மட்டும் ஒப்புக்கொண்டார்.

தினமலர் 23.11.2016.

Sponsored content · Sponsored content

சபரிமலை கோயில் பெயர் மாற்றம்

சபரிமலை கோயில் பெயர் மாற்றம்

Re: சபரிமலை கோயில் பெயர் மாற்றம்

Re: சபரிமலை கோயில் பெயர் மாற்றம்

Re: சபரிமலை கோயில் பெயர் மாற்றம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக