வடகிழக்கு பருவமழை 68 % குறைவு: கடலோர மாவட்டங்களில் கனமழைக்கு வாய்ப்பு

**ayyasamy ram** · **ayyasamy ram** Fri Nov 18, 2016 6:18 am

தமிழகத்தில் வடகிழக்கு பருவமழை இதுவரை
68 சதவீதம் குறைவாக பெய்துள்ளது என்று வானிலை
ஆய்வு மைய அதிகாரிகள் தெரிவித்தனர்.

இதுதொடர்பாக வானிலை ஆய்வு மைய அதிகாரிகள் கூறியது:

தமிழகத்தில் வடகிழக்கு பருவமழை இதுவரை 68 சதவீதம்
குறைவாக பெய்துள்ளது. அண்மையில் உருவான
காற்றழுத்தத் தாழ்வு மண்டலம் மியான்மர் வழியாகச்
சென்றது. அது தமிழகக் கடல் பகுதியில் உள்ள ஈரப்பதத்தை
எடுத்துச் சென்றுவிட்டது.

அடுத்த சில நாள்களுக்கும் மிதமான மழையே பெய்யக்கூடும்
என்று அவர்கள் தெரிவித்தனர். வியாழக்கிழமை காலை
நிலவரப்படி அதிகபட்சமாக, காட்டுப்பாக்கத்தில் 50 மி.மீ.
மழை பெய்துள்ளது.

அதற்கு அடுத்தபடியாக, ராமநாதபுரம் பாம்பன், தேவகோட்டை,
ஆயக்குடியில் 30 மி.மீ. மழையும் பெய்துள்ளது

கனமழைக்கு வாய்ப்பு:
மத்திய வங்கக் கடலில் உருவான காற்றழுத்தத்த தாழ்வு நிலை
அதே பகுதியில் நீடிப்பதால், தமிழகம், புதுவையில் ஓரிரு
இடங்களில் லேசானது முதல் மிதமானது வரை மழை பெய்யக்கூடும்.

கன்னியாகுமரி, தூத்துக்குடி உள்ளிட்ட தென்கடலோர
மாவட்டங்களில் ஒரு சில இடங்களில் கனமழை பெய்யக்கூடும்.
சென்னையைப் பொருத்தவரை வானம் மேகமூட்டத்துடன்
காணப்படும். நகரின் சில பகுதிகளில் லேசான மழை பெய்யக்கூடும்
என்று சென்னை வானிலை ஆய்வு மையம் தெரிவித்துள்ளது.
-
----------------------------------
தினமணி

**T.N.Balasubramanian** · **T.N.Balasubramanian** Fri Nov 18, 2016 7:03 am

மழையா எங்கே எங்கே ?

ரமணியன்

**ayyasamy ram** · **ayyasamy ram** Fri Nov 18, 2016 11:49 am

T.N.Balasubramanian wrote:மழையா எங்கே எங்கே ?

ரமணியன்

மேற்கோள் செய்த பதிவு: 1227379
-
வரும் ஆனா வராது...!!!
-
வடகிழக்கு பருவமழை 68 % குறைவு: கடலோர மாவட்டங்களில் கனமழைக்கு வாய்ப்பு MVk4C7DzTxOCV4DdCIZZ+best-Bollywood-romantic-rain-songs