கருவளர்ச்சி

by seethamani Tue Nov 24, 2009 5:19 pm

கருத்தரித்திட்ட பத்தாம் நாள் திரண்டுருண்டு
கண்டு முளைபோல் முளைத்து
கருது பதினைந்தாம் தினத்திலே முட்டைபோல்
காணுமக்கரு மிதந்தே
உருத்தரு முதற்திங்கள் கம்பமாம் இருமதியில்
உற்ற தலை முதுகு முகமாம்
ஓது மூன்றாம் திங்கள் செங்கையும் பாதங்கள்
உருவிரல்கள் அறையுமுண்டாம்
திருத்து நாலாம் திங்கள் மூக்கு முகம் உருவமாம்
செய்யவைந்தாம் திங்களில், செவி நாவு கண்களாம்
செப்புமாறாந் திங்கள் சேர்ந்திடும் நகங்கள் உண்டாம்
விஞ்சுமேழாந் திங்கள் மயிர், நரம்பு, என்புடன்
விளைந்திடும் சடமோடுதான்
மேவிடும் சலம், மலம், தங்கு, தாதுக்களும்
விளைந்து மூச்சுண்டாகுமே
எஞ்சிலெட்டாம் திங்கள் தாயுண்ட சாரங்கள்
யாவு முளையான கதிர்போல்
ஏய்ந்தருவி பாய்ந்தே கபாலத்தின் வழியாக
இழிய வக்குழவி வளரும்
கொஞ்ச உருவோ ஒன்பதாந் திங்கள் அறிவுமேல்
கொடு பிறவித் தோன்றலைக்
குறித்திடு கரம் கூப்ப அருள்தா
வெனத்தவம் கொண்டே இருந்து புரியும்

என்று கருவளர்ச்சியைப் பற்றிய குறிப்பு கொடுத்துள்ளார்கள்.

குழந்தையின் வளர்ச்சி கருவிலே எதுவோ அதுதான் இப்பொழுது உலகம் முழுவதும் 1, 2, 3, 4, 5, 6, 7, 8, 9, 10 என்ற குறிப்பில் உள்ள அடையாளங்கள்.

உருத்தரு முதற் திங்கள் கம்பமாம், கம்பமாக இருப்பதைக் கொண்டு ‘1’ என்று நீட்டி வைத்தார்கள்.

இரண்டாவது மாதம் தலை உருவாகிறது என்பதைக் குறிக்க மேலே ஒரு சுழி போட்டார்கள் அதுவே ‘2’

மூன்றாம் மாதம் கால் உண்டாகிறது என்பதைக் குறிக்க கீழ் சுழியும் போட்டார்கள் ‘3’

நான்காவது மாதம் உருவாவது மூக்கு என்பதைக் காண்பப்பதற்காக ‘4’ என்பதற்கு மூக்கு போன்ற உருவத்தை வரைந்தார்கள்.

ஐந்தாவது மாதம் உருவாகும் செவியைக் காட்டுவதற்காக ‘5’ என்று போட்டு அங்கே மேலே ஒரு கோடு கிழித்தார்கள்.

ஆறாவது மாதம் நகம் உருவாகிறது என்று நகங்களைக் காண்பிப்பதற்காக ‘6’ என்று போட்டார்கள்.

ஏழாவது மாதம் எலும்பு நரம்பு இவை வளர்ச்சிகளைக் காட்டுவதற்கு ‘7’ என்று இரண்டு கோடுகளாகப் போட்டார்கள்.

எட்டாம் மாதம் இந்த உடல் முழுமையாக கீழும் மேலும் இரண்டு பக்கமும் பூர்த்தியாகிறது என்பதை ‘8’ போட்டு காட்டினார்கள்.

ஒன்பதாம் மாதம் தாயின் உடலை விட்டு வெளியேற தயாராகிறது என்ற திருப்பத்தைக் காட்ட ‘9’ என்ற ஒரு எண்ணைப் போட்டார்கள்.

பத்தாவது மாதம் கருப்பை வேறு, பிண்டம் வேறாகப் பிரிவதைக் காட்டுவதற்கு ‘10’ என்று போட்டார்கள்.

மேலே உள்ள கவியும் அதில் விளக்கியுள்ள உருவ குறிப்புகளும் கரு வளர்ச்சியின் சரித்திரத்தை ஒருவாறு விளக்குகிறது. இந்த சரித்திரம்தான் நாம் உபயோகிக்கும் ஒன்று முதல் பத்து வரையில் ஆன எண்கள்.