என்கிட்டே ரெண்டு 500 ரூபா நோட்டு இருக்கு! செல்லும்னா வாங்கிக்க, செல்லாதுன்னா வேற நோட்டு தாரேன்!

5 வருடங்களுக்குப் பிறகு மளிகைக் கடையில் ஒரு குண்டக்க மண்டக்க (கற்பனை)

:: எல்லா பொருட்களுக்கும் சேர்த்து எவ்வளவு ஆச்சு?

: மொத்தம் 450 ரூபாய் ஆச்சு.

:: இந்தா 500 ரூபாய். மீதம் 50 ரூபாய் குடு. (இது புதிய 500 ரூபாய்)

: இந்த நோட்டு கிழிஞ்சிருக்குபா. வேற நோட்டு குடு.

:: என்கிட்டே ரெண்டு 500 ரூபாய் நோட்டு இருக்கு. அதுல எது வேணும்?

: இது என்னப்பா கேள்வி? ரெண்டும் 500 ரூபாய் நோட்டுதானே?... கிழியாம இருந்தா எதையாவது குடு. எனக்கு வேற நோட்டு வேணும் அவ்வளவுதான்.

:: சரி இந்தா 500 ரூபாய்... மீதம் 50 ரூபாய் குடு. (இது பழைய 500 ரூபாய் நோட்டு)

: யோவ்!... என்னய்யா இது? வேற 500 ரூபாய் நோட்டைக் குடுக்குறே?...

:: நீதானே வேற நோட்டு கேட்டே.... அதான் குடுத்தேன்....

: வேற நோட்டு கேட்டேன்தான். ஆனா நீ, நோட்டே வேறயா குடுக்குறியே?...

:: வேற நோட்டு கேட்டா, வேற நோட்டுதானே கொடுக்க முடியும்? நான் கிளியராத்தான் இருக்கேன்.. தப்பு உன் பக்கம்தான்! என்னன்னு செக் பண்ணு...

: தம்பி! இது பழைய நோட்டுப்பா. இப்ப இது செல்லாது... வேற நோட்டு குடுப்பா.

:: சரி... ரெண்டு ஆயிரம் ரூபாய் நோட்டு இருக்கு வேணுமா?

: என்னாது.... ஆயிரம் ரூபாவும் ரெண்டு இருக்கா?

:: ரெண்டு தனித்தனி ஆயிரம் இல்லையா, ஒரே நோட்டா ரெண்டாயிரம் ரூபாய் இருக்கு. வேணுமா?

: உன்கிட்ட இருக்குப்பா. ஆனா, என்கிட்டே சில்லறை இல்லையே... இன்னைக்கு நீதான் முதல் போனி.

:: சரி, அப்போ அஞ்சாயிரம் ரூபாய் நோட்டு தரவா?

: அஞ்சாயிரம் ரூபாவா?

:: இல்லேன்னா இந்தா பத்தாயிரம் ரூபாய்!

: பத்தாயிரம் ரூபாயா? என்னப்பா கலர் காலரா ரூபாய் நோட்டா நீட்டுற? இதையெல்லா யாருப்பா உன்கிட்ட குடுத்தனுப்புறது?

:: இந்த 500 , 2000 ல்லாம் மோடி கொடுத்தது. 5,000 , 10,௦௦௦ நோட்டெல்லாம் 'டாடி' கொடுத்தது.

: 'டாடி'ன்னா? உங்க அப்பா வா?

:: கோ டாடி!

: 'கோ டாடி'ன்னா?

:: கூகுள்ல சர்ச் பண்ணி எடுத்தேன்யா...

: ஏன்பா.... கவர்மெண்டு அடிச்ச நோட்டு எதுவுமே உன்கிட்ட இல்லையா?

:: இதெல்லாமே கவர்மெண்டு அடிச்ச நோட்டுதான்... ஆனா இப்ப தடை பண்ணிட்டாங்க.

: தடை பண்ண நோட்டையெல்லாம் வச்சிக்கிட்டு ஏன்பா இப்படி என் கடை வியாபாரத்தை கெடுக்குறே?

:: நாட்டுல என்னென்ன நடந்திருக்குதுன்னு ஒரு PK தெரிஞ்சுக்க வேண்டாமா? அதுக்குத்தான்.

: அது என்ன PK?

:: பொது நாலெட்ஜ்!

: (மனதிற்குள் பேசுவது) ஆஹா.... இது அவனேதான்! ஜெனரல் நாலேஜ்ங்கறதை, பொது நாலேஜ்ன்னு ஏன் இப்படி இங்கிலீசையும், தமிழையும் கலந்தடிக்கிறேன்னு கேக்கணும்னுதான் தோணுது. ஆனா கேட்டா..... குண்டங்க மண்டக்க நாமளே மாட்டிக்க வேண்டியதுதான். அதனால கேக்க வேண்டாம்....

:: சும்மா கேட்டுத்தான் பாரேன்....

: என்னது?!.... நான் எதுவும் கேக்கலையேபா.

:: இப்போ மனசுக்குள்ள பேசுனியே அதைக் கேளு.

: நான் மனசுக்குள்ள நினைக்கிறது உனக்கு எப்படிப்பா தெரியுது?

:: ஹா.. ஹா.. ஹா... மனசுதான் உன்னோடது. ஆனா, அதுல ஓடுற நினைப்பு எல்லாம் என்னோடது. தட் ஈஸ் மீ!

: இல்லப்பா..., ஒன்னு தமிழ பேசணும், இல்லேன்னா இங்கிலீசுல பேசணும். ஏன் இப்படி கலப்படமா பேசுறேன்னு கேக்க நினைச்சேன். வேற ஒன்னும் இல்ல.

:: நான் கேட்டேனா?

: என்ன நான் கேட்டேனா?

:: உதயம் பருப்புன்னு பாக்கெட்டை தயாரிச்சு வச்சுக்கிட்டு, அதுல ரேஷன் பருப்பை கொட்டி விக்கிறியே அதை ஏன் கலப்படம் பண்ணுறேன்னு நான் உன்கிட்ட கேட்டனா?

: நான் சொல்லல... என் வாயைப் புடுங்கி என் வயித்துலயே அடிக்கிறான் பாருங்க. இவன் அவனேதான்!! போன்ல வந்தான், பத்திரிக்கையில் வந்தான், டிவியில வந்தான், இப்ப நேருலயே வந்துட்டான்...
ஐயா சாமி, நீ பார்த்திபனா இருந்துக்கோ. ஆனா, என்னை வடிவேலா ஆக்கிடாதப்பா!!......

:: சரி இப்ப என்ன பண்ணலாம்?

: நீதான் யோசிச்சு வச்சிருப்பியே... சொல்லிட்டு கெளம்பு.

:: என்கிட்டே ஒரு பழைய 500 ரூபாய் நோட்டு இருக்கு.. அந்தப் பணத்தை...... இப்ப மாத்தணும்!

: பணத்தை மாத்தணும்னு இப்படி படுத்துறியே... ஆனா, உன் குணத்தை மாத்த மாட்டேங்கறியே.......!!

:: அது கூடவே பொறந்தது. மாத்த முடியாது! மாத்திக்கவும் மாட்டேன்!

: நீ மாத்த வேண்டாம்ப்பா..... நான் மாரிக்கறேன். இந்தா மீதம் 50 ரூபாய். அந்த பழைய 500 ரூபாவை குடுத்துட்டு முதல்ல நீ கெளம்பு.

:: ஹா! ஹா! ஹா!

: ஏன்பா சிரிக்கிறே?

:: ஹா! ஹா! ஹா!

: அட ஏம்பா சிரிக்கிறே?

:: ஹா! ஹா! ஹா!

: ஹா! ஹா! ஹா ..... ஹா! ஹா! ஹா!

:: நீ ஏன்யா சிரிக்கிறே?

: நீ சிரிக்கிறே.... உன்னை பார்த்து ஊரே சிரிக்குது..... நான் சிரிக்கக் கூடாதா?

:: என்கிட்டே ரெண்டு கேரக்ட்டர் இருக்கு...

: இத பார்! கேரட்டு இருக்கு, பீட்ரூட்டு இருக்குன்னு ஏதாவது பேசினே... மவனே ஜுஸ் போட்டு குடிச்சுடுவேன். மரியாதையா ஓடிப்போயிடு!

** (நல்லா மனசு விட்டு சிரிங்க. சந்தோஷமா இருங்க. மக்களை காப்பாற்றுவதற்கு மோடி இருக்கிறார். மகிழ்ச்சி!)

அருமையான கற்பனை .ரசித்தேன்



ரமணியன்

நல்ல கற்பனை

மத்திய அரசு வெளியிட்டுள்ள புதிய 500 ரூபாய் நோட்டுக்கள் பல தவறுகளுடன் அச்சடிக்கப்பட்டு வெளியாகி இருப்பதால் இரண்டு விதமாக காட்சியளிப்பதாக மக்கள் விமர்சித்து வருகின்றனர். சிலநாட்களுக்கு முன்பு விளையாட்டாக சொன்ன "இரண்டு 500 ரூபாய் நோட்டு" கதை உண்மையானது மகிழ்ச்சியாக இருக்கிறது.

ஆனாலும், மத்திய அரசின் இந்த அதிரடி ரூபாய் நோட்டு மாற்றம் என்பது கண்டிப்பாக கருப்புப்பணத்தையும், கள்ளப்பணத்தையும் ஒழிக்கும் என்பதில் சந்தேகமே இல்லை. மேலும், புதிய 500 ரூபாய் நோட்டு இதுவரை இருந்துவந்த இந்திய ரூபாய் நோட்டுக்களின் வடிவத்திலிருந்து முற்றிலும் மாறுபட்டு காட்சியளிக்கிறது. எனவே, புதிய 1000 ரூபாய் நோட்டையும் இப்படியே வடிவமைக்க வேண்டும் என்று மத்திய அரசுவிடம் மக்கள் வேண்டுகோள் வைக்கிறார்கள். புதிய 2000 ரூபாய் நோட்டை விட, புதிய 500 ரூபாய் நோட்டுதான் எனக்கு மிகவும் பிடித்திருக்கிறது. அமெரிக்க டாலரைப்போல இருக்கிறது!

இனிமேல் இந்தியா வல்லரசுதாங்க!!

என்னே சம்பாஷனை ஜோர்>>>>>>>>>>>>>>