புதிய 500 மற்றும் 2000 ரூபாய் நோட்டுக்கள் ATM மையங்களில் கிடைக்கிறது.

Pranav Jain · Pranav Jain Tue Nov 15, 2016 2:28 pm

சென்னையில் உள்ள பல ATM மையங்களில் புதிய 500 மற்றும் 2000 ரூபாய் நோட்டுக்கள் இன்று முதல் கிடைக்கிறது. நாடு முழுவதிலும் இது பயன்பாட்டிற்கு வர இருக்கிறது. விரைவில் புதிய 1000 ரூபாய் நோட்டும் வெளியிடப்படும் என்று எதிர்பார்க்கப் படுகிறது.

திரைப்பட நடிகர் விஜய் அவர்கள் மோடியின் இந்த மாற்றத்தை வரவேற்று தொலைக்காட்சிக்கு பேட்டியளித்துள்ளார். மேலும் கால அவகாசம் கொடுத்து செயல்படுத்தியிருந்தால் அப்பாவி மக்களின் கஷ்ட்டத்தை தவிர்த்திருக்கலாம் என்ற நியாயமான கருத்தையும் முன் வைத்துள்ளார்.

ஆனாலும் இது மோடியின் புதிய முயற்சி என்றும் இதுவரை யாரும் சிந்திக்காத விஷயம் என்றும் பாராட்டியிருப்பது வேடிக்கையாக இருக்கிறது. ஏனென்றால் இது மோடியின் புதிய சிந்தனையோ, கண்டுபிடிப்போ இல்லை சிவாஜி, பிச்சைக்காரன், இந்தியன், அந்நியன், ஜெண்டில்மேன் போன்ற இன்னும் பல திரைப்படங்களில் முன்வைக்கப்பட்ட விஷயம்தான் என்பது திரைப்பட நடிகரான விஜய்க்கு தெரியாமல் இருப்பது வேடிக்கையாக இருக்கிறது.

எப்படி இருந்தாலும், பழைய ரூபாய் நோட்டுக்களை மாற்றி புதிதாக வெளியிட்டிருப்பது ஊழலை ஒழிப்பதற்கான நடவடிக்கை என்பதை இப்போது என்னால் மட்டுமல்ல பலதரப்பட்ட மக்களாலும் ஏற்றுக்கொள்ள முடியாது என்பதுதான் உண்மை. புதிய ரூபாய் நோட்டில் எலக்ட்ரானிக்ஸ் சிப் பொருத்தப்பட்டுள்ளது எனவே யாரும் பணத்தை பதுக்கி வைத்திருந்தால் சாட்டிலைட் மூலம் கண்டு பிடித்து விடலாம் என்பதெல்லாம் நம்பத்தகுந்தது இல்லை. ஏனென்றால் இனிமேல் அந்த வசதிகளை உருவாக்க முடியுமே தவிர இன்றைய நிலையில் புதிய ரூபாய் நோட்டுக்களில் சாட்டிலைட் சிக்னல் வெளியிடும் எலெக்ட்ரானிக்ஸ் சிப் பொருத்த முடியாது / பொருத்தப்படவில்லை என்பதுதான் உண்மை.

வெளி நாடுகளில் உள்ள இந்தியர்களின் வங்கிக்கணக்குகளையும், அளவுக்கு மீறிய வைப்புத்தொகை உள்ள இந்திய வங்கிக் கணக்குகளையும் முடக்கினாலே பதுக்கி வைக்கப்பட்ட ரூபாய் நோட்டுக்கள் தானாகவே வெளியில் வந்திருக்கும். ஆனால், பழைய ரூபாய் நோட்டுக்கள் செல்லாது என்றும் அதே மதிப்புள்ள புதிய ரூபாய் நோட்டுக்களை மாற்றிக்கொள்ளலாம் என்பதும் கறுப்புப்பணம் மற்றும் ஊழலை ஒழிப்பதற்கான முயற்சியாக தெரியவில்லை. ஊழலில் பங்கு கேட்பதற்கான நடவடிக்கைதான் இருக்கிறதது என்பதில் எந்த விதமான மாற்றுக்கருத்தும் இல்லை. இதுமட்டுமல்லாமல் மக்களுக்கு கஷ்டத்தை கொடுத்தால் நம்மைப்போலத்தான் கறுப்புப்பணம் வைத்திருப்பவர்களும் பாதிக்கப்படுவார்கள் என்று ஒரு மாயையை ஏற்படுத்தி மக்களை முட்டாளாக்குவதற்காக உருவாக்கப்பட்டதுதான் இந்த அதிரடி நடவடிக்கை.

பழைய 500, 1000 ரூபாய் நோட்டுக்கள் செல்லாது என்று மட்டும் அறிவித்திருந்தால் இதை நம்பியிருக்கலாம். ஆனால், புதிய ரூபாய் நோட்டுக்களை வெளியிட்டு மாற்றிக்கொள்ள செய்துவிட்டு, குறிப்பிட்ட ரூபாய்க்கு மேல் மாற்றினால் 200% வரி வசூலிக்கப்படும் என்பது எந்த விதத்தில் சரியாக இருக்கும். அத்தியாவசிய பொருட்களின் விலைவாசி உயர்வுக்கு இந்த வரிதான் முதன்மைப் பிரச்சினையாக இருக்கிறது. நீ எவ்வளவு வேண்டுமானாலும் சம்பாதித்துக்கொள்ளலாம் ஆனால் அரசுக்கு வரி கட்டினால் போதும் என்பது மக்களுக்குப் பயனுள்ள நடவடிக்கை இல்லையே... வியாபாரிகளுக்கு இவ்வளவுதான் விலை. இதற்கு மேல் விற்கக்கூடாது என்று அதிரடியாக சட்டம் கொண்டுவர மோடி அரசால் முடியுமா என்பதே இன்றைய மக்களில் வேண்டுகோளாக இருக்கிறது.

ஆட்சியாளர்கள் சிந்திக்க வேண்டும்...!!

**ayyasamy ram** · **ayyasamy ram** Tue Nov 15, 2016 3:00 pm

புதிய 500 மற்றும் 2000 ரூபாய் நோட்டுக்கள் ATM மையங்களில் கிடைக்கிறது. 103459460

-
குஜராத் மாநிலத்தை சேர்ந்த வைர வியாபாரி ஒருவர்,
வருமான வரித்துறைக்கு கணக்கில் காட்டாத சுமார்
6,000 கோடியை அரசிடம் ஒப்படைத்துள்ளார்.
-
இதன் மூலம் மண்ணுமே அரசுக்கு வருவாய் ௫௪௦௦ கோடி
-
அந்த வியாபாரிக்கு மிஞ்சுவ்து ௬௦௦ கோடி மட்டடுமே...!

**T.N.Balasubramanian** · **T.N.Balasubramanian** Tue Nov 15, 2016 3:13 pm

வைர வியாபாரி கட்டினது இருக்கட்டும் .
விஜய் வரவேற்பது இருக்கட்டும் .
அவர் எவ்வளவு கட்டினார் என்று சொன்னாரா?
மற்ற நடிகர்கள் , நடிகைகள்,அரசியல் கட்சிகள்,அரசியல் தலைவர்கள்,பட தயாரிப்பாளர்கள்
எவ்வளவு கட்டினார்கள்?
வாயை திறக்கமாட்டார்களே இந்த சத்யசந்தர்கள்.
திருட்டு கும்பல்கள் !!
ரமணியன்