ஜப்பானில் புல்லட் ரயிலில் பயணித்த மோடி

**ayyasamy ram** · **ayyasamy ram** Sun Nov 13, 2016 2:13 am

-டோக்கியோ :
ஜப்பான் சென்றுள்ள பிரதமர் நரேந்திர மோடி அந்நாட்டின்
பிரதமர் ஷின்ஸோ அபேவுடன் இன்று, மணிக்கு
320 கிலோமீட்டர் வேகத்தில் செல்லும் புல்லட் ரயிலில்
பயணம் செய்தார்.
-
புல்லட் ரயில் பயணம்
-
மூன்றுநாள் அரசு முறை பயணமாக ஜப்பான்
சென்றுள்ள பிரதமர் நரேந்திர மோடி முன்னிலையில்
வரலாற்று முக்கியத்துவம் வாய்ந்த அணுசக்தி
ஒப்பந்தத்தில் இந்தியாவும் ஜப்பானும் கையெழுத்திட்டன.
-
மேலும், மும்பை-அகமதாபாத் இடையே செல்லும்
அதிவேக விரைவு ரயில் சேவைக்கான வழித்தடம் அமைக்கும்
பணியை வரும் 2018-ம் ஆண்டில் தொடங்கி 2023-ம் ஆண்டில்
ரயில்களை இயக்க ஜப்பான் அரசு முன்வந்துள்ளது.
-
இந்நிலையில், ஜப்பான் தலைநகர் டோக்கியோவை
அந்நாட்டின் ஒசாகா வளைகுடா பகுதியில் அமைந்துள்ள
முக்கிய நகரமான கோபே-வுடன் இணைக்கும்
'ஷின்கான்சென்' புல்லட் ரயிலில், ஜப்பான் பிரதமர்
ஷின்ஸோ அபே-வுடன் பிரதமர் மோடி பயணம் செய்தார்.
-
சில இடங்களுக்கேற்ப மணிக்கு 240 முதல் 320 கிலோமீட்டர்
வேகத்தில் செல்லும் புல்லட் ரயிலில் ஜப்பான் பிரதமர்
ஷின்ஸோ அபே-வுடன் பேசியபடி பயணிக்கும் புகைப்
படங்களை தனது டுவிட்டர் பக்கத்தில் பிரதமர் மோடி
பதிவிட்டுள்ளார்.
-
---------------------------------------
தினமலர்

**M.Jagadeesan** · **M.Jagadeesan** Sun Nov 13, 2016 7:22 am

ஒரு அதிரடியான நடவடிக்கையை அறிவித்த கையோடு , பிரதமர் ஜப்பான் சென்றது தவறு. இந்தியாவில் இருந்து நிலைமையைக் கண்காணித்திருக்கவேண்டும் . மக்கள் படும் அல்லல்களுக்கு , அவசரத்தீர்வு கண்டிருக்க வேண்டும் .அல்லது ஜப்பான் சென்றுவந்த பிறகு இந்த அதிரடி நடவடிக்கையை எடுத்திருக்கவேண்டும் .

ஜப்பானில் புல்லட் ரயிலில் பயணித்த மோடி

ஜப்பானில் புல்லட் ரயிலில் பயணித்த மோடி

Re: ஜப்பானில் புல்லட் ரயிலில் பயணித்த மோடி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக