ட்ரம்பை அதிபராக ஏற்கமாட்டோம் : அமெரிக்காவில் மக்கள் போராட்டம்,பெண்களும் போர்க்கொடி

**ayyasamy ram** · **ayyasamy ram** Fri Nov 11, 2016 12:43 pm

-
நியூயார்க் -
அமெரிக்க அதிபராக ட்ரம்பை ஏற்க எதிர்ப்பு தெரிவித்து
அமெரிக்காவின் பல்வேறு இடங்களில் போராட்டம்
வெடித்துள்ளதால் நெருக்கடி ஏற்பட்டுள்ளது.

அமெரிக்க அதிபர் தேர்தலில் ஜனநாயக கட்சி வேட்பாளர்
ஹிலாரி கிளின்டனை எதிர்த்து போட்டியிட்ட குடியரசுக் கட்சி
வேட்பாளர் ட்ரம்ப் வெற்றி பெற்றார். ஜனவரி 20 ஆம் தேதி
ட்ரம்ப் அமெரிக்காவின் 45வது அதிபராக பதவி ஏற்கவுள்ளார்.

இந்நிலையில் அவரை அதிபராக ஏற்கமுடியாது எனக் கூறி
அமெரிக்காவின் பல்வேறு இடங்களில் போராட்டம் வெடித்துள்ளது.
மன்ஹாட்டன், சிகாகோ, டெக்ஸாஸ் உள்ளிட்ட பல இடங்களில்
ட்ரம்ப் எதிர்ப்பாளர்கள் போராட்டத்தில் ஈடுபட்டு வருகின்றனர்.

கலிபோர்னியா பல்கலைக் கழக மாணவர்கள் ஆயிரத்து 500க்கும்
மேற்பட்டோர் ட்ரம்புக்கு எதிரான கோஷங்களை எழுப்பியவாறு
ஆர்ப்பாட்டத்தில் ஈடுபட்டனர்.

இஸ்லாமியர்கள் மற்றும் வெளிநாடுகளில் இருந்து வந்த அகதிகள்
மீதான கருத்தே அவருக்கு எதிரான போராட்டங்களுக்கு காரணம்
என கூறப்படுகிறது.மேலும் பல்வேறு பாலியல் குற்றச்சாட்டுகளுக்கு
உள்ளான ஒருவரை, பெண்கள் குறித்து கடுமையாக விமர்சித்தவரை
அதிபராக ஏற்க முடியாது என போராட்டத்தில் ஈடுபட்டுள்ள பெண்கள்
தெரவித்தனர்.

பல இடங்களில் போராட்டம் நடத்தியவர்களை தண்ணீரை
பீய்ச்சியடித்து காவல்துறையினர் விரட்டினர்.
பதவியேற்பதற்குள்ளேயே ட்ரம்ப்க்கு எதிராக வெடித்துள்ள
போராட்டம் நெருக்கடியை ஏற்படுத்தியுள்ளது.
-
---------------------------------
தினபூமி

**T.N.Balasubramanian** · **T.N.Balasubramanian** Fri Nov 11, 2016 4:49 pm

நடக்க கூடிய காரியமா ?

பல்வேறு பாலியல் குற்றச்சாட்டுகளுக்கு
உள்ளான ஒருவரை, பெண்கள் குறித்து கடுமையாக விமர்சித்தவரை
அதிபராக ஏற்க முடியாது என போராட்டத்தில் ஈடுபட்டுள்ள பெண்கள்
தெரவித்தனர்.

பில் கிளின்டன் ஆட்சி பீடத்தில் இருக்கும்போதே விளையாடினாரே!
ரமணியன்

Ramalingam K · Ramalingam K Fri Nov 11, 2016 6:41 pm

இந்த மாதிரி சம்பவங்கள் உலகவியாபகம். என்ன, இடத்திற்கு இடமும் ஆளுக்கு ஆளும் விகிதாசாரத்தில் வேறுபடலாம். ஏதிர்பார்ப்பிற்கு ஏமாற்றத்தைத் தருவதில் அமெரிக்கர்களும் கில்லாடிகள்தான்போல.

அறிவு, கல்வி, நாகரிகம், வயது, பதவி இந்த வரம்பெல்லாம் கடந்ததுதான் பாலின ஈர்ப்பு என்பதை நாம் அனுபவத்தில் கண்டுகிண்டுதான் இருக்கின்றோம்.

ஆனால் ஒரு உண்மை. ஆணோ அல்லது பெண்ணோ - அது யாராக இருந்தாலும் - மனித நிலையில் இருந்து கொண்டு யோக்கியர்களாக இருப்பார்களானால்:

- ஒன்று அவர்களுக்குத் தப்பு செய்ய வாய்ப்பு கிடைக்கவில்லை என்று பொருள்
-இரண்டு அவர்களிடத்தில் பயம் இருக்கின்றது என்று பொருள்.

சந்தர்ப்பமும் கிடைத்து, பயமும் இல்லை என்றாலும் ஒருவர் தப்பு செய்யவில்லை என்றால் அவர் மனிதர் அல்ல - அவரே தெய்வம்

**T.N.Balasubramanian** · **T.N.Balasubramanian** Fri Nov 11, 2016 7:03 pm

வாங்க Ramalingam அவர்களே !
நலமா ? 10 நாட்களாக காணவில்லையே !!

ரமணியன்

Ramalingam K · Ramalingam K Fri Nov 11, 2016 10:27 pm

வணக்கம் ஐயா !

அகண்ட அலைவரிசைத் தொடர்பு கடந்த 2 வாரமாகக் கொஞ்சம் சரியாக இல்லை ஐயா!

அதனால்தான் தொடர்பிலிருந்து விலகி இருக்கவேண்டிய நிலை ஐயா.

அடியன் ஸ்ரீகுருதேவரின் திருவருளால் நலம் . அனைத்தும் நலமே ஐயா.

தங்களின் நலமும் சுகமே என விழைகிறேன்.

பாலாஜி · பாலாஜி Sat Nov 12, 2016 12:58 pm

அமெரிக்க மக்களே " யாருமே இல்லாத கடையில் டீ ஆத்துறதுன்னா இதுதானோ."

Sponsored content · Sponsored content

ட்ரம்பை அதிபராக ஏற்கமாட்டோம் : அமெரிக்காவில் மக்கள் போராட்டம்,பெண்களும் போர்க்கொடி

ட்ரம்பை அதிபராக ஏற்கமாட்டோம் : அமெரிக்காவில் மக்கள் போராட்டம்,பெண்களும் போர்க்கொடி

Re: ட்ரம்பை அதிபராக ஏற்கமாட்டோம் : அமெரிக்காவில் மக்கள் போராட்டம்,பெண்களும் போர்க்கொடி

Re: ட்ரம்பை அதிபராக ஏற்கமாட்டோம் : அமெரிக்காவில் மக்கள் போராட்டம்,பெண்களும் போர்க்கொடி

Re: ட்ரம்பை அதிபராக ஏற்கமாட்டோம் : அமெரிக்காவில் மக்கள் போராட்டம்,பெண்களும் போர்க்கொடி

Re: ட்ரம்பை அதிபராக ஏற்கமாட்டோம் : அமெரிக்காவில் மக்கள் போராட்டம்,பெண்களும் போர்க்கொடி

Re: ட்ரம்பை அதிபராக ஏற்கமாட்டோம் : அமெரிக்காவில் மக்கள் போராட்டம்,பெண்களும் போர்க்கொடி

Re: ட்ரம்பை அதிபராக ஏற்கமாட்டோம் : அமெரிக்காவில் மக்கள் போராட்டம்,பெண்களும் போர்க்கொடி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக