சத்தியம் தவறாத உத்தமன்!

**ayyasamy ram** · **ayyasamy ram** Sat Nov 12, 2016 7:12 am

-
ஸ்ரீ ராமகிருஷ்ண பரமஹம்சரைச் சந்திக்க
சென்றிருந்தார் விவேகானந்தர். பேசி முடித்து
விடைபெறும்போது ராமகிருஷ்ணர் கேட்டார்.

“நரேந்திரா! அடுத்து எப்போது வருகிறாய்?”

“புதன் கிழமை மதியம் மூன்று மணிக்கு!”

– சொன்னது போலவே தட்சிணேஸ்வரத்துக்கு புதன்கிழமை
வந்தவர், அப்போது மணி இரண்டே ஆனதால் பக்தர்களுடன்
பேசிக்கொண்டிருந்தார்.

விவேகானந்தர் வந்திருக்கும் விஷயத்தை ராமகிருஷ்ணரிடம்
யாரோ கூறவே, “எப்போதும் கோயிலுக்கு உள்ளேயே வந்து
விடுவானே..! இன்று ஏன் வெளியில் காத்திருக்கிறான்?’ என்று
நினைத்தவாறே, “சற்று இருங்கள்” என்று பக்தர்களிடம்
சொல்லிவிட்டு வெளியே வந்தார்.

“என்ன நரேந்திரா! ஏன் உள்ளே வரவில்லை?”

“மூன்று மணிக்குத்தானே வருவதாகச் சொன்னேன்.
அதனால்தான் காத்திருந்தேன்..”என்று சொல்லவும்,
“சத்தியம் தவறாத உத்தமன் என்றால் நீதான்!” என்று சொல்லி
விவேகானந்தரை கட்டியணைத்துக் கொண்டார் பரமஹம்சர்.
–
—————————————–
– ஏ.கே.என்

சிவனாசான் · சிவனாசான் Sat Nov 19, 2016 6:47 am

சத்தியத்தை தவறுபவர்கள்தான் இப்போ காணப்படுகின்றனர்.
பதவிப்பிரமாணம் எடுக்கும் போது பலர் அறிய உறுதி மொழி
எடுத்துவிட்டு எவருக்கும் தெறியாதபடி ஊழல் செய்வதுதான்
இன்றய அரசியல் வாதிகள் இலக்கணமாக அமைகிறதே !!!!!!!!!