தாய்மை சில இடங்களில் தோற்றுப் போகிறதா? வாடகைத்தாய்.

கள்ளத்தொடர்பு சரியாக வேண்டும் என்று தன் குழந்தையை நரபலி கொடுக்கிறாள் கோயம்பேடு தாய். உல்லாச வாழ்வுக்கு தடையாக இருந்த குழந்தையை கொல்கிறாள் ஒரு  தாய்.குப்பைத் தொட்டியில் வீசி விட்டு எதுவும் தெரியாதது போல் நகர்ந்து செல்கிறாள் இன்னொரு தாய்.எங்கோ ஒரு சில சம்பவமாக எண்னி நகருகிறது மனிதம்.

தன் உடல் உருக்கி, உயிர் உருக்கி தன்னிலை மறந்த நிலையில் பிரசிவிப்பதே தாய்மை. இனி குழந்தையைத் தவிர, தனக்கான வாழ்க்கை வேறொன்றுமில்லை என்ற பரிதாப நிலைதான் தாய்மை. பெண்ணின் வாழ்க்கையில் தாய்மைதான் பெரும் துயரம்.

ஆனால், இவரோ கர்பப்பை என்பதையே ஏதோ கை பை என்பதாகச் சித்திரித்து, பை யிலிருந்து பொருளை எடுத்து தந்துவிட்டுப் போய்க் கொண்டே இரு என்பதைப் போல் மாற்றிவிட்டார் தாய்மையை. பொருள் கூட யாரிடம் தருகிறோம் என்பது தெரியும்.

ஆனால், தான் பெற்ற குழந்தையை யாரிடம் தருகிறோம் என்பது கூடத் தெரியாமல் ஒரு தாய், குழந்தையை அல்ல தாய்மையை விற்று விட்டு செல்வது, இதுவரை பெண்கள் மீது நடத்தப்பட்ட வன்முறையிலேயே மிக மோசமான வன்முறை. அந்த வன்முறைக்குப் பெயர் -வாடகை தாய்- surrogacy -என்கிறார் ஒரு நண்பர்.

வாடகைத்தாய் வேண்டாம், அநாதரவாய் வீதிக்கு வரும் குழந்தைகளை தத்தெடுத்து வளர்ப்பது  மனிதத்திற்கு செய்யும் ஆராதனையாகும்.

தாய்மை தோற்றதால் வீதிக்கு வந்த குழந்தைகள்...



இங்கேயும் தாய்மை உண்டு.


ஐரோப்பியாவின் பல நாடுகளில் இந்த வாடகைத்தாய் முறை முற்றிலும் தடை செய்யப்பட்டுள்ளது போல், இந்தியாவிலும் விரைவில் முழுமையாகத் தடை செய்யப்பட வேண்டும். உணர்வுகள் பணத்துடன் போட்டியிட்டு தோற்றுவிடும் முன் இந்திய அரசு விழித்துக்கொள்ள வேண்டும்.

குஜராத்தில் காத்திருக்கும் வாடகைத்தாய்மார்கள்.


குஜராத் மாநிலத்தில் பால் உற்பத்தியை மையமாக வைத்த ‘வெண்மைப் புரட்சி’க்கு பிரபலமான ஊர் ஆனந்த் நகரம். இப்போது வாடகைத் தாய் விசயத்திலும் இந்திய அளவில் முதலிடத்தை பெற்றிருக்கிறது. இந்தியாவின் ஏழைத் தாய்மார்கள் பிழைப்பதற்கு வேறு வழியின்றி சுமக்கும் இந்த வாடகைத் தாய் முறை உண்மையில் அவர்களை ஏழைகள் என்பதால் பொருளாதார முறையிலும், பெண்களென்பதால் பாலின முறையிலும் ஒரு சேர சுரண்டுகிறது. என்கிறார் இன்னொருவர்.

விஞ்ஞான வளர்ச்சியாகினும் தொழில்நுட்ப வளர்ச்சியாகினும் அவற்றுள் காணப்படும் நன்மைகளைக் கண்டவுடன் தீமைகளைக் கண்டுகொள்ளாமல் அந்தரத்தில் தொங்கவிடுவது நிச்சயம் எதிர்காலத்தில் பலப்புது பிரச்சினைகளுக்கு வழிவகுக்கும். அவ்வளர்ச்சிகள் தரும் புதுமைகளை, அவற்றை அப்படியே ஏற்றுக்கொள்வதால் உலகிற்கும் வருங்கால தலைமுறையினருக்கும் கேடு தான் விளையும். தொழில்நுட்ப வளர்சசியை தவறாகப் பயன்படுத்துவது தினமும் காணும் செய்தியாகி விட்ட்து.

ஏழைகள் தாய்மையை மட்டும் கொடுக்கவில்லை, இந்தியாவின் பல சிறுநகரங்களில் இன்றும் கிட்னி தானத்தை அவர்கள்தான் வழங்கி வருகின்றார்கள். இவர்களது தானத்தை பெற்றுக்கொள்ளும் வர்க்கமோ இந்த மக்களின் வறுமை குறித்து கவலைப்படாத வாழ்க்கையையும், பண்பாட்டையும் பெற்றிருக்கிறது.

உணர்வு,பாசம் போய் குழந்தைகளை உற்பத்தி செய்யும் நவீன உலகம்,இன்று வணிக நோக்கில் நடந்து வரும் வாடகைத்தாய் முறைக்கு,சமூக ஆர்வம் கொண்டவர்களின் கருத்தைக் கேட்டு தீர்வு காணப்பட வேண்டும்.