அமெரிக்கத் தேர்தலில் ஐந்து இந்திய வம்சாவளியினர் தேர்வு.

Guest · Guest Thu Nov 10, 2016 1:56 am

முதன் முறையாக இந்திய வம்சாவளியைச் சேர்ந்த கமலா ஹாரிஸ் செனட்டராக ஜனநாயகக் கட்சியின் சார்பில் தேர்ந்தெடுக்கப்பட்டுள்ளார்.

பிரமிளா ஜெயபால் என்ற 51 வயது பெண்மணி சியாட்டல் நகரிலிருந்து காங்கிரஸ் அவைக்குத் தேர்ந்தெடுக்கப்பட்டுள்ளதன் மூலம் அமெரிக்க காங்கிரசுக்குத் தேர்ந்தெடுக்கப்படும் முதலாவது இந்திய-அமெரிக்கப் பெண்மணியாகத் திகழ்கின்றார்.

பிரமிளாவும் சென்னையைப் பூர்வீகமாகக் கொண்டவராவார். ஐந்து வயதில் தாய்நாட்டை விட்டு கிளம்பிய பிரமிளா சிங்கப்பூர், இந்தோனிசியா நாடுகளில் வாழ்ந்து விட்டு பின்னர் அமெரிக்காவில் நிரந்தரமாகக் குடியேறியவராவார்.

“இந்தியாவுக்கான புனிதப் பயணம் – ஒரு பெண் தாய்நாட்டுக்கு மறுபயணம் மேற்கொள்கின்றார்” – “Pilgrimage to India: A Woman Revisits Her Homeland” – என்ற நூலை 2000ஆம் ஆண்டில் எழுதி பதிப்பித்துள்ளார் பிரமிளா.

மற்றொருவர் ராஜா கிருஷ்ணமூர்த்தி என்பவராவார். கலிபோர்னியா மாநிலத்திலிருந்து ரோ கன்னா, அமி பெரா ஆகிய இருவரும் தேர்ந்தெடுக்கப்பட்டுள்ளனர்.

அமி பெரா தொடர்ந்து மூன்றாவது முறையாக காங்கிரஸ் அவைக்குத் தேர்ந்தெடுக்கப்படுகின்றார். இதைத் தொடர்ந்து இவர் அமெரிக்க காங்கிரஸ் அவையில் நீண்ட காலமாக பதவி வகித்தவர் என்ற பெருமையைப் பெறுகின்றார்.
...............
அதிபர் தேர்தலில் பேராசிரியர் நோர்பொத் தவிர அனைத்து அரசியல் விமர்சகர்கள்,ஊடகங்கள் ஹிலாரியே வெல்வார் என்றனர். வாழ்த்துக் கூறி சில ஊடகங்கள் படமும் வெளியிட்டிருந்தனர். ஐந்தாம் திகதி வரை ஹிலாரியின் பக்கம் வீசிய காற்று ஆறாம் திகதி காலையில் முற்றாக ட்ரம்ப் பக்கம் மாறியது.

பேராசிரியர் நோர்பொத் 1996 முதல் தேர்தல் கணிப்பை தெரிவித்து வருகிறார். ஒவ்வொரு முறையும் அவர் தெரிவித்தது சரியாகவே இருந்தது.இரண்டு மாதங்களுக்கு முன்னர் அவர், எந்த மாற்றம் வந்தாலும் ட்ரம்ப் நிச்சயம் வெல்வார் எனவும் 87% ஆதரவு கிடைக்கும் என்றார்.

**T.N.Balasubramanian** · **T.N.Balasubramanian** Thu Nov 10, 2016 7:55 am

நன்றி மூர்த்தி .

திரு ராஜா க்ரிஷ்ணமுர்த்தி ,எனது மனைவி வழியில் உறவு. மிகவும் சிறந்த புத்திசாலி எனவும் சட்ட நுணுக்க வல்லுநர் என்றும் அறிகிறேன் .
ரமணியன்