ரூ.500, ரூ.1000 நோட்டுகள் செல்லாது என்ற அறிவிப்புக்கு ஸ்டாலின் வரவேற்பு

by **ராஜா** Wed Nov 09, 2016 11:21 am

நள்ளிரவு முதல் 500 ரூபாய் மற்றும் 1000 ரூபாய் நோட்டுக்கள் செல்லாது என்று பிரதமர் மோடி அறிவித்துள்ளார். அதற்கு பதிலாக ரூ.500, ரூ.2000 நோட்டுகள் வெளியிடப்பட உள்ளது.

இந்நிலையில் மத்திய அரசின் இந்த நடவடிக்கைக்கு திமுக பொருளாளர் மு.க.ஸ்டாலின் வரவேற்பு தெரிவித்துள்ளார்.

இது குறித்து கோவையில் செய்தியாளர்களிடம் ஸ்டாலின் கூறுகையில், "நடுத்தர மக்களுக்கு கால அவகாசம் கொடுத்திருக்க வேண்டும். கருப்பு பணத்தை ஒழிப்பதற்காக என்று கூறும் பிரதமர் நரேந்திர மோடி, மக்கள் கணக்கில் 15 லட்சத்தை எப்போது டெபாசிட் செய்வார்” என்று தெரிவித்தார்.

இதனிடையே "சாமானியர்களின் நலன் மற்றும் ஏற்றத்தாழ்வற்ற வாழ்க்கைக்காக இந்த துணிச்சலான நடவடிக்கை எடுக்கப்பட்டுள்ளதாக" பா.ஜ.க. மாநில தலைவர் தமிழிசை சௌந்தர்ராஜன் தெரிவித்துள்ளார்.

-malaimalar

by **ராஜா** Wed Nov 09, 2016 11:22 am

by **T.N.Balasubramanian** Wed Nov 09, 2016 1:58 pm

கால அவகாசம் கொடுத்து இருந்தால் , கருப்புப்பண முதலைகள் வேறு பல வழிகள் கண்டுபிடித்து ,
பணத்தை வெளுப்பாக்கிருப்பார்கள். 130 கோடி மக்கள் நன்மைக்காக 13 லக்ஷம் ஜனங்கள் அவதிக்குள்ளாவது நியாயமானதே. அதற்கும் ஜனங்களிடம் மன்னிப்பு கேட்டுள்ளார் மோடி .
நம் பணம் நம்மிடமே இருக்கப்போகிறது.
கருப்பு பணம் இருப்பின் அதையும்அவரவர் கணக்கில் பேங்கில் போட்டு விடலாம் . IT காரர்கள் அதை தனியாக டீல் பண்ணுவார்கள் .
நேற்று சிலர் கூறிய காரணங்கள் TV இல் கேட்கையில் மனதிற்கு கஷ்டமாக இருந்தது என்பதை மறுக்கமுடியாது .
கோடி கோடியா பணம் வைத்து இருக்கும் தனிமனிதர்கள் , அரசியல் கட்சிகள், டேங்கரில் பிடிக்கப்பட்ட 570 கோடி , ட்ரெயினில் கொள்ளை அடிக்கப்பட்ட கோடிகள் அவைகளுக்கு முடிவு வந்து விட்டது .

ரமணியன்

by **M.Jagadeesan** Wed Nov 09, 2016 2:04 pm

இந்த அறிவிப்பை நிதி அமைச்சர் அல்லவா செய்திருக்கவேண்டும் ?

by **ராஜா** Wed Nov 09, 2016 2:47 pm

T.N.Balasubramanian wrote:கோடி கோடியா பணம் வைத்து இருக்கும் தனிமனிதர்கள் , அரசியல் கட்சிகள், டேங்கரில் பிடிக்கப்பட்ட 570 கோடி , ட்ரெயினில் கொள்ளை அடிக்கப்பட்ட கோடிகள் அவைகளுக்கு முடிவு வந்து விட்டது .ரமணியன்

ஆம் ஐயா , டேங்கர் லாரிகளில் எண்ணையும் , தண்ணீரும் தான் எடுத்துபோவார்கள் என்று கேள்விப்பட்டுள்ளேன் இந்த அரசியல்வியாதிகள் அதற்கும் புது இலக்கணம் வகுத்தார்கள் அதற்கு இப்ப பெரிய ஆப்பு என்று நினைக்கும் பொது மகிழ்ச்சியாக உள்ளது