மகாத்மா காந்தியின் பேரன் கனு காந்தி காலமானார்

மகாத்மா காந்தியின் பேரன் கனு காந்தி, 87,

-
மகாத்மா காந்தியின் பேரன் கனு காந்தி, 87,
சூரத் மருத்துவமனையில் நேற்றிரவு காலமானார்.

மகாத்மா காந்தியின் மூன்றாவது மகன்
ராமதாஸ் காந்தி-நிர்மலா தம்பதிக்கு கனு, சுமித்ரா,
உஷா என மூன்று வாரிசுகள்.

இவர்களில், கனு, சிறு வயதில், மகாத்மா காந்தியுடன்
ஆசிரமத்தில் வளர்ந்தார்.

'நாசா' விஞ்ஞானி

காந்தி படுகொலைக்கு பின் அமெரிக்காவில் சென்று
படித்த அவர், 'நாசா' அமைப்பில், விஞ்ஞானியாக பணியில்
சேர்ந்தார். அந்நாட்டு பாதுகாப்புத்துறையிலும்
பணியாற்றினார்.

அவரது மனைவி சிவலஷ்மியும், அமெரிக்காவில் பேராசிரியராக
பணியாற்றினார். குழந்தைகள் இல்லாத இந்த தம்பதி,
40 ஆண்டுக்கும் மேலாக, அமெரிக்காவில் இருந்தனர்.

உடல் நலம் குன்றிய நிலையில் 2014ல் இந்தியா வந்தனர்.
டில்லி உள்ளிட்ட இடங்களில், ஆசிரமங்களிலும், முதியோர்
இல்லங்களிலும் தங்கியிருந்தனர். அவர்களது நிலையை அறிந்த
குஜராத் மாநிலத்தை சேர்ந்த ராதாகிருஷ்ணர் கோவில் நிர்வாகம்,
கனு தம்பதிக்கு தங்குமிடமும், சிகிச்சையும் அளிக்க ஏற்பாடு
செய்திருந்தது.

இந்நிலையில், கனு காந்திக்கு, கடந்த மாதம் 22ம் தேதி
மாரடைப்பு ஏற்பட்டது. மருத்துவ பரிசோதனையில், மூளையில்
ரத்தக்கசிவு இருப்பது தெரியவந்தது. இதனால், அவரது உடலின்
ஒரு பகுதி செயல் இழந்து, கோமா நிலைக்கு சென்றார்.

நினைவு திரும்பாமலேயே, நேற்றிரவு கனு காந்தியின் உயிர்
பிரிந்தது. மகாத்மா காந்தி, சுதந்திரப் போராட்டத்தின் ஒரு பகுதியாக,
உப்பு சத்தியாகிரகம் செய்வதற்கு தண்டி யாத்திரை மேற்கொண்ட
போது, அவருடன், சிறுவனாக இருந்த கனுவும் சென்றார்.
-
காந்தியின் கைத்தடியை பற்றிக் கொண்டு, முன் செல்லும்
சிறுவன் கனுவின் புகைப்படம், உலகப்புகழ்பெற்றது
குறிப்பிடத்தக்கது.கனு காந்தி மறைவுக்கு பிரதமர் மோடி,
டில்லி முதல்வர் கெஜ்ரிவால் உள்ளிட்டோர் இரங்கல்
தெரிவித்துள்ளனர்.
-
-----------------------------------
தினமலர்

மஹாத்மா காந்தியை மறந்துவிட்டோம் . மறக்கடிக்கப்படுகிறோம்.
நினைவு படுத்த இருக்கும் அவர் சந்ததியும் மறைகிறது .

ரமணியன்

அடுத்த ஆண்டு வரப்போகும் 2000 ரூபாய் நோட்டில் காந்தி படம் இருக்காதாம் !

நல்லதுதான் .
ரூபாய் நோட்டில் அவர் படம் போட்டு , பண்ணுவதெல்லாம் அவர் கூறியதற்கு எதிர்மாறாக பண்ணி அவரை கேலிசெய்யமாட்டார்கள்.

ரமணியன்

M.Jagadeesan wrote:அடுத்த ஆண்டு வரப்போகும் 2000 ரூபாய் நோட்டில் காந்தி படம் இருக்காதாம் !

மேற்கோள் செய்த பதிவு: 1226438
-