தமிமின் டேலி (Tally ) துவங்குவதற்கான முயற்சி

by md.thamim Tue Nov 08, 2016 12:51 am

நீண்ட இடைவேளைக்கு பிறகு நமது ஈகரை வந்து உள்ளேன்.
கணிசமாக 2 ஆண்டுகள் முன்பு Tally பாடம் நமது தமிழ் உறவுகளுக்கு எடுக்கலாம் என எண்ணினேன் .அப்போது முடியாமல் போய்விட்டது .
இப்போது அதற்க்கான சந்தர்ப்பம் வந்துள்ளது என எண்ணுகிறேன் .Tally பாடம் தமிழில் சில யூடூப்பில் உள்ளது .அதில் கற்று தரும் பாடம் போல் இல்லாமல் மிக எளிமையாக அசவுண்ட்ஸ் தெரியாதவர் கூட அறிந்து கொள்ளும் அளவுக்கு பாடம் அமைய முயற்சி செய்கிறேன்.நமது ஈகரையில் கூட Tally அறிந்தவர்கள் இருக்கலாம் .நீங்களும் இதில் இணைத்து அனைவரும் கூட்டாக வெற்றி கான்போம்.மற்றவருக்கும் வெற்றியை பகிர்ந்து கொள்ளவூம்.Tally அறிந்தவர்கள் முன் வாருங்கள் .இது ஒரு கூட்டு முயற்சி .Tally துவங்கலாமா ? வேண்டாமா ? உங்களது வரவேற்பை பொறுத்தே அமையும்

by **T.N.Balasubramanian** Tue Nov 08, 2016 11:40 am

நன்றி ,நம்மையும் மாணாக்கனாக சேர்த்துக் கொள்ளவும்.

ரமணியன்

by **T.N.Balasubramanian** Tue Nov 08, 2016 11:44 am

நானறிந்த வரையில் ஈகரையில் Tally எக்ஸ்பெர்ட் ஜாகீதா பானு ஒருவர்தான் .

ரமணியன்

by md.thamim Tue Nov 08, 2016 12:57 pm

T.N.Balasubramanian wrote:நன்றி ,நம்மையும் மாணாக்கனாக சேர்த்துக் கொள்ளவும்.

ரமணியன்

மேற்கோள் செய்த பதிவு: 1226395

எனது முயற்சிக்கு உங்களது ஊக்கத்திற்கு மிக்க நன்றி அண்ணன் . முதல் மாணவராக சேர்த்ததற்கு நன்றி .மேலும் சிலர் சேரட்டும் அண்ணா .நமது பாடத்தை இனிதே துவங்கலாம்

by md.thamim Tue Nov 08, 2016 12:59 pm

T.N.Balasubramanian wrote:நானறிந்த வரையில் ஈகரையில் Tally எக்ஸ்பெர்ட் ஜாகீதா பானு ஒருவர்தான் .

ரமணியன்

மேற்கோள் செய்த பதிவு: 1226397

அவர்களும் வந்து அவர்களது மேலான அறிவுரை வழங்கினால் மிகவும் நன்றாக இருக்கும் அண்ணா

by sanji Thu May 25, 2017 6:46 pm

நானும் காத்திருக்கின்றேன்

by **T.N.Balasubramanian** Thu May 25, 2017 6:58 pm

காத்திருந்தேன் காத்திருந்தேன்
காத்திருந்த காரணத்தால்
காலமே ,காலமானதைய்யா. சோகம்

ரமணியன்

by **M.Jagadeesan** Thu May 25, 2017 7:20 pm

கற்றுக்கொள்ள காத்திருக்கிறோம் !

by சிவனாசான் Fri May 26, 2017 4:48 am

தொடருங்கள் அன்பரே நன்றி வணக்கம்.
நல்லதை செய்ய யார் தடை செய்வார் வாழ்க
உமது தொண்டு மனம்>>>>வளர்க கல்வி>>>

by Guest Fri May 26, 2017 7:49 pm

பிள்ளையார் சுழி போட்டிருக்கிறேன்.இது எனது துறை அல்ல என்பதால், தொடருவார் அவர்………..

டேலி (Tally) என்படுவது வணிக நிறுவனங்கள் தங்கள் கணக்குகளை இரட்டை பதிவு முறையில் பதிந்து நிதிநிலை அறிக்கைகளை தயாரிக்கவும் சரக்குகள் மற்றும் திட்டபட்டியல் நிர்வாகத்திற்காக(REMOTE ACCESS -SMS-EXCISE MANUFACTURERS-PAYROLL TAX REPORTS -INCOME TAX ) பயன்படும் பயன்பாட்டு மென்பொருளாகும் . உலக அளவில் சிறு மற்றும் நடுத்தர நிறுவனங்களில் டேலி பயன்படுத்தப்படுகிறது.

டேலி மென்பொருள் தயாரிப்பு நிறுவனம் - TALLY SOLUTIONS PRIVATE LIMITED
நிறுவனம் அமைந்துள்ள இடம் - BANGALORE
நிறுவனம் ஆரம்பிக்கப்பட்ட வருடம் - 1986
மேலாண் இயக்குனர் - Mr.BHARATH GOENKA
டேலி மென்பொருள் உபயோகிக்கும் நாடுகள் - 94 COUNTRIES
டேலி மென்பொருளின் VERSIONS - Tally ver 4.5 -Tally eis 5.4 -Tally ees 6.3 -Tally ies 7.2 - Tally 8.1 - Tally 9 -Tally.ERP9

கணக்கு பதிவியலின் சில அடிப்படை சொற்கள் மற்றும் விதிகளை முதலில் தெரிந்து கொள்ள வேண்டும். ஏனெனில் கணக்கியல் பற்றிப் படிக்காதவர்களும் நிறுவன கணக்கு பொறுப்புகளை திறம்பட நடத்த டேலி மென் பொருள் உதவுகிறது.

கணக்கு பதிவியல் என்றால் என்ன?

பணமோ அல்லது பண மதிப்புள்ள பொருளோ ஒருவரிடம் இருந்து மற்றொருவரிடம் (அல்லது ) ஒரு இடத்தில் இருந்து வேறு இடம் மாறுவதால் ஏற்படக்கூடிய வியாபார நடவடிக்கைகளை சரியாக கணக்கேடுகளில் பராமரிப்பது கணக்கு பதிவியல் எனப்படுகிறது.

கணக்கு பதிவியலில் சில அடிப்படை சொற்கள் :-

1. Business Transaction : இரு நபர்களுக்கு இடையே   பணமோ அல்லது பண மதிப்புள்ள பொருளோ கை மாறுவதை வியாபார நடவடிக்கை (  Business Transaction )  எனப்படுகிறது.

2. Assets : ஒருவரிடம் அல்லது நிறுவனத்திடம் சொந்தமாகவுள்ள பணம், கட்டிடம், நிலம், கருவிகள் போன்றவையும் வரவேண்டிய கடன் தொகையும் சொத்துகள் (Assets)  எனப்படுகிறது.

3. Liabilities : முதலீடும் ( Capital ), தொழிலில் பிறருக்கு செலுத்த வேண்டிய அனைத்து கடன்களும் பொறுப்புகள் (Liabilities)  எனப்படுகிறது.

4. Capital : ஒரு தொழிலை தொடங்க முதலில் உரிமையாளர் கொடுக்கும் பணம் முதல் அல்லது முதலீடு (Capital)  எனப்படுகிறது.

5. Goods : நிறுவனத்தில் விற்பதற்காக வாங்கப்படும் அனைத்து பொருட்களையும் சரக்கு ( Goods) எனப்படும்.

6. Debit : பற்று ( பயன் பெறுதலைக் குறிக்கும்)

7. Credit : வரவு ( பயன் கொடுத்தலைக்  குறிக்கும்)

8. Debtor : பயனை (பொருளை) கடனுக்கு பெற்று நிறுவனத்திற்கு பணம் தரவேண்டியவரே கடனாளி (  Debtor) ஆவார்.

9. Creditor : நிறுவனம் பயனை (பொருளை) கடனுக்கு பெற்று திரும்ப பணம்  பெறவேண்டியவரே கடன் ஈந்தோர் (  Creditor) ஆவார்.

10. Drawing : தனது சொந்த பயன்பாட்டிற்கு தொழிலில் இருந்து உரிமையாளர் எடுக்கும் பணம் அல்லது பொருள் எடுப்பு ( Drawing) எனப்படுகிறது.

11. Entry : ஒரு வியாபார நடவடிக்கை கணக்கு ஏடுகளில் பதியபடுவது பதிவு ( Entry) எனப்படுகிறது.

12. Ledger : பேரேடு ( ஒவ்வொரு நடவடிக்கைக்கும் ஒரு பெயர் கொடுத்து எழுதுவது )

13. Profit & Loss : இலாபம் & நட்டம்

  14. Discount : தள்ளுபடி

நன்றி-இணையம்.

தொடர்ந்து மென்பொருளை தரவிறக்கம் செய்து கொள்ள வேண்டும்.