உங்கள் கணினியில் இணைக்கப்பட்டிருக்கும் அன்டிவைரஸ் மென்பொருள் சரியாக வேலை செய்கிறதா? எப்படி சோதனை செய்வது?

எல்லாருமே கணினியில் அன்டிவைரஸ்/மால்வெயர் ப்ரொகிராம் இணைத்திருப்பார்கள்.தேவையற்ற பக்கங்களுக்கு செல்லாதவர்கள் பயர்வோலுடன் நிறுத்திக் கொள்வார்கள். இப்படி நிறுவப்பட்ட அன்டிவைரஸ்/மால்வெயர் மென்பொருள் சரியாக வேலை செய்கிறதா என சிலரே பார்த்திருப்பார்கள்.

அன்டிவைரஸ் ஸ்கான் செய்தவுடன் முடிவில் protected  எனக் காட்டும். ஆனாலும் ஒரு வைரஸ்/மால்வெயர் வந்து விட்டால் அதை உடனே கண்டறிகிறதா அல்லது நீக்கி விடுகிறதா அல்லது நமக்கேன் என்று தூங்கி விடுகிறதா?

இங்கே உள்ள code ஐ copy செய்து Note Pad இல் paste  செய்யவும். ஏதாவது பெயரில் dot com (உ+ம்: test.com) எனப் பெயரிட்டு all files இல் save as  சேமிக்கவும்.

Note Pad ஐ மூடி விடவும்.சேமித்தவுடன் அல்லது நோட்பாட்டை மூடியவுடன்,உங்கள் அன்டிவைரஸ் (AV/Avast/Windows Defender/AVG இப்படி) உடனே அதை இனம் கண்டு நீக்கி விடும். அப்படி உடனே கண்டு பிடித்து நீக்கினால் கணினியில் உள்ள அன்டிவைரஸ் ப்ரொகிராம் தூங்கவில்லை விழித்துக் கொண்டே பாதுகாப்பு தருகிறது  என்று பொருள். தினமும் புதிய வைரஸ்கள்/மால்வெயர்கள் வந்து கொண்டிருப்பதால் 100% சரியாக இருப்பதற்கு வாய்ப்பில்லை.

சில அன்டிவைரஸ் ப்ரொகிராம் நீக்கி விட்ட அறிவிப்பையும்,வெறு சில கண்டு பிடிக்கப்பட்டது நீக்கவும் என்றும்,சில quarantine க்கு அனுப்பப்பட்டுள்ளது எனவும் தகவல் தரும்.quarantine க்கு அனுப்பப்பட்டால் அங்கு சென்று பார்க்கலாம். நீக்கப்பட்டது என வந்தால் அறிவிப்பு மட்டுமே வரும்.
இது Code.

X5O!P%@AP[4\PZX54(P^)7CC)7}$EICAR-STANDARD-ANTIVIRUS-TEST-FILE!$H+H*

கண்டு பிடிக்கா விட்டால் அன்டிவைரஸ் ப்ரொகிராமை அப்டேட் செய்து ஸ்கான் செய்யவும்.

நல்ல தகவல்

ரமணியன்

நண்பரே நன்றாக வேலை செய்கிறது .நன்றி.

நல்ல தகவல் நன்றி சொல்லவேண்டும் அன்பருக்கு>>>>>>>>>>>>>>>