எம்.பி.,க்களின் சம்பளம் 100 சதவீதம் உயர்கிறது

by **ayyasamy ram** Thu Nov 03, 2016 1:05 am

புதுடில்லி:
-
எம்.பி.,க்களின் சம்பளத்தை ரூ.1 லட்சமாக உயர்த்த
மத்திய அரசு முடிவு செய்துள்ளது.
-
பரிந்துரை
-
எம்.பி.,க்களின் சம்பளம் தொடர்பாக பா.ஜ.,
யோகி ஆதித்யநாத் தலைமையில் குழு அமைக்கப்பட்டது.
இந்த குழு பல ஆய்வுக்கு பின்னர், எம்.பி.,க்களின் சம்பளம்,
படிகளை உயர்த்த பரிந்துரை செய்துள்ளது. இந்த குழு
அறிக்கையை மத்திய அரசு ஆய்வு செய்த பின்னர்
ஒப்புதலுக்காக பிரதமர் அலுவலகம் அனுப்பி வைக்கப்பட்டது.

இந்நிலையில், தற்போது எம்.பி.,க்களின் சம்பளத்தை
ரூ.50 ஆயிரத்திலிருந்து ரூ.1 லட்சமாக உயர்த்த வேண்டும் என்ற
குழு அறிக்கையை ஏற்க பிரதமர் அலுவலகம் முடிவு செய்துள்ளது.

மேலும் எம்.பி.,க்களுக்கு வழங்கப்படும் படிகளையும் உயர்த்தவும்
ஒப்புதல் வழங்கப்பட்டுள்ளது.

தற்போது, ஜனாதிபதியின் சம்பளத்தையும் ரூ.1.5 லட்சத்திலிருந்து
ரூ.5 லட்சமாகவும்,
கவர்னரின் சம்பளத்தை ரூ.1.10 லட்சத்திலிருந்து ரூ.2.5 லட்சமாகவும்
உயர்த்த மத்திய அரசு திட்டமிட்டு வருகிறது.
-
------------------------------------
தினமலர்

by ChitraGanesan Thu Nov 03, 2016 10:51 am

என் சம்பளம் உயர வில்லையே என் செய்வேன் கடவுளே

by **T.N.Balasubramanian** Fri Nov 04, 2016 11:47 am

அரசு சம்பந்தப்பட்ட எல்லாருடைய சம்பளத்தையும் உயர்த்துங்கள் .
வேலை செய்கிறார்களோ இல்லையோ ,அதை பற்றி கவலையே இல்லை அரசுக்கு .
கஷ்டப்படுவது , என்னை போல் கோடிக்கணக்கில் இருக்கும் ,முதியோர்கள்தான் .
போஸ்ட் ஆபீஸ் .LIC என்று அரசு சார் நிலையங்களில் சேமிப்பு செய்தாலும் ,
வருடாவருடம் வட்டிவிகிதம் குறைகிறது .
முதியோர் நலன் கருதாத கொள்கையற்ற தண்டமான மத்திய அரசு .

ரமணியன்

by பாலாஜி Fri Nov 04, 2016 12:21 pm

பாவம் ரொம்ப ஏழைகள் பிழைத்து போகட்டும்

by **T.N.Balasubramanian** Fri Nov 04, 2016 5:49 pm

பாலாஜி wrote:பாவம் ரொம்ப ஏழைகள் பிழைத்து போகட்டும்

மேற்கோள் செய்த பதிவு: 1226057

நீங்கள் சொல்லுவது சரிதான் பாலாஜி .
ஆம் அவர்கள் குடும்பமே ஏழைதான்.
அவர் வீட்டு சமையல்காரர்கள் ஏழை
அவர் வீட்டு தோட்டக்காரன் ஏழை.
அவர் வீட்டு கார் டிரைவர்கள் ஏழை.
அவர் வீட்டில் வேலை செய்பவர்கள் ஏழை.
நாய் வளர்ப்பவர் , மாடுகளை கவனிப்பவர்கள் எல்லோரும் ஏழைகள்தான்.
பாவம் ஏழ்மையில் உள்ள MP களின் சம்பளம் , இரு மடங்காக உயர்த்தலாம்தான்.

ரமணியன்