பட்டாசு வெடித்ததில் 243 தீ விபத்து

**ayyasamy ram** · **ayyasamy ram** Sun Oct 30, 2016 4:33 am

சென்னை :
தீபாவளியை முன்னிட்டு பட்டாசு வெடித்ததில் தமிழகம்
முழுவதும் நேற்று முதல் இதுவரை 243 இடங்களில் தீ விபத்து
நடைபெற்றுள்ளதாக தமிழக தீயணைப்பு துறை அதிகாரி
ராஜேஷ் கண்ணன் தெரிவித்துள்ளார்.

243 இடங்களில் தீ :

இது குறித்து அவர் கூறுகையில், தமிழகம் முழுவதும்
243 இடங்களில் தீ விபத்துக்கள் நடந்துள்ளது. சென்னையில்
மட்டும் இந்த ஆண்டு 21 இடங்களில் தீ விபத்து நடந்துள்ளது.
தீபாவளியை முன்னிட்டு இன்று மட்டும் பட்டாசு வெடித்ததில்
10 இடங்களில் தீ விபத்து ஏற்பட்டுள்ளது.

கடந்த 4 ஆண்டுகளை விட இந்த ஆண்டு தீ விபத்துக்கள்
அதிகம். தீபாவளிக்கு முன் போதிய அளவு மழை பெய்திருந்தால்
இந்த அளவு தீ விபத்துக்கள் நடந்திருக்காது என தெரிவித்துள்ளார்.

பட்டாசால் தீ விபத்து :

திருத்தணி, ஆத்தூர், சென்னை, அரியலூர், திருவெற்றியூர் உள்ளிட்ட
பகுதிகளில் பட்டாசு வெடித்த போது வீடுகள், கடைகள்
ஆகியவற்றின் மீது பட்டு தீ விபத்து ஏற்பட்டுள்ளது. அரியலூரில்
5 க்கும் மேற்பட்ட குடிசைகளில் வெடி வெடித்ததால் பட்ட தீ பரவியது,
விபத்து ஏற்பட்டது. தீயை அணைக்கும் பணி நடந்து வருகிறது.
ஆத்தூரில் காயலாங்கடை மீது பட்ட வெடியால் தீப்பிடித்து, கடை
முற்றிலும் எரிந்து சாம்பலானது.
-
---------------------------------------
தினமலர்

சிவனாசான் · சிவனாசான் Sun Oct 30, 2016 6:04 am

பட்டாசுவெடித்துதான் தீபாவளி கொண்டாடனும்னு.....யார் சொன்னா ? இப்படி தீவிபத்தில் என்னங்க இது>>>>>>>>>>>>>>>>!!!!!!!!!!

Ramalingam K · Ramalingam K Sun Oct 30, 2016 7:25 am

சுகம், சோகமாவது தேவைதானா !

பட்டாசு விபத்தில்லா தீபாவளியை என் நினைவு தெரிந்த நாள்முதலாகக் கண்டதும் இல்லை- கேட்டதும் இல்லை.

பட்டாசு , விபத்தைத் தரும் தன் பணியை தன் பிறப்பிடத்திலிருந்தே ( தொழிற்சாலை) தொடங்கிவிடுகிறது.

இதைத் தெரிந்திருந்தும் அதனிடம் உறவு வைத்துக் கொள்வதற்குப் பெயர்தான் அறிவின்மையோ !

**M.Jagadeesan** · **M.Jagadeesan** Sun Oct 30, 2016 7:48 am

பருப்பில்லா சாம்பார் ருசிக்குமா சொல்வீர்
விருப்புடனே பட்டாசு , புத்தாடை , தின்பண்டம்
இல்லாத பண்டிகை தீபத் திருநாளா ?
நல்லோரே சொல்வீர் பதில் .

**T.N.Balasubramanian** · **T.N.Balasubramanian** Sun Oct 30, 2016 8:45 pm

எங்கள் வீட்டில் பட்டாசு எல்லாம் வெடித்து ஆண்டுகள் பலவாகி விட்டன .
25 ஆண்டுகள் உறவுக்கார பையனை தீபாவளி அன்று சந்தித்தபோது ,
பட்டாசு எல்லாம் வாங்கினியா வெடிச்சய்ய என்று கேட்ட போது ,
பட்டாசு எல்லாம் வெடிப்பதில்லை அங்கிள் என்றான்
ஏனென்று கேட்டபோது , " என்னை விட சின்ன சின்ன பசங்களை எல்லாம்
வேலைக்கு வைத்து பட்டாசு செய்கிறார்கள் . பாவம் அவர்கள் உயிருக்கு பாதுகாப்பு இல்லா நிலையில்
செய்யும் பட்டாசு அவசியமா என்று கேட்டான் .

"அவசியமில்லை" என்று கூறினேன் .

இப்போதும் கூறுகிறேன் பட்டாசு இல்லா தீபாவளி , யாவரும் கடைபிடிக்க வேண்டிய ஒன்று.

சத்தம் மாசு ,புகை மாசு அறிந்தவர் எவரும் , பட்டாசு வெடிப்பதை விரும்பார் .

ரமணியன்

Ramalingam K · Ramalingam K Fri Nov 11, 2016 10:59 pm

எண்ணெய் விளக்கால் ஏற்றப்படும் தீப வரிசைதான் - தீபாவளி.

காலத்தின் கோலம் - எல்லாம் கொடூரம் ஆகிவிட்டன.

தீப ஆவளி திரிக்கப்பட்ட தீபாவளியானது நமது போதாத காலம்.

இந்த பதிவைத் துவங்கியவர் நன்றி கூறியுள்ளார் Ramalingam K

Sponsored content · Sponsored content

பட்டாசு வெடித்ததில் 243 தீ விபத்து

பட்டாசு வெடித்ததில் 243 தீ விபத்து

Re: பட்டாசு வெடித்ததில் 243 தீ விபத்து

Re: பட்டாசு வெடித்ததில் 243 தீ விபத்து

Re: பட்டாசு வெடித்ததில் 243 தீ விபத்து

Re: பட்டாசு வெடித்ததில் 243 தீ விபத்து

Re: பட்டாசு வெடித்ததில் 243 தீ விபத்து

Re: பட்டாசு வெடித்ததில் 243 தீ விபத்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக