லெக்கின்சில் இந்து தெய்வங்கள்; ஆஸி., நிறுவனத்திற்கு எதிர்ப்பு

**ayyasamy ram** · **ayyasamy ram** Mon Oct 31, 2016 5:56 am

-

மெல்போர்ன்:
ஆஸ்திரேலியாவில் உள்ள ஒரு ஆடை தயாரிப்பு நிறுவனம்,
பெண்கள் அணியும் லெக்கின்சில், இந்து கடவுள்களின்
உருவங்களை அச்சிட்டு, விற்பனை செய்வதற்கு இந்துக்கள்
தரப்பில் கண்டனமும், அதிருப்தியும் எழுந்துள்ளது.

மேலும், இவ்வாறான லெக்கின்ஸ்களை அந்நிறுவனம்
வாபஸ் பெற வேண்டும் என்ற கோரிக்கையும் வைக்கப்
பட்டுள்ளது.

ஆயத்த ஆடைகளிலும், உள்ளாடைகளிலும் இந்து
கடவுள்களின் உருவங்களை அச்சிட்டு, விற்பனை செய்வதில்
சில வெளிநாட்டு ஆடை தயாரிப்பு நிறுவனங்கள் ஈடுபட்டு
வருகின்றன. இந்த செயலுக்கு எதிர்ப்பு கிளம்பியவுடன்
குறிப்பிட்ட அந்த நிறுவனங்கள் வருத்தம் தெரிவிப்பதும்,
மன்னிப்பு கோருவதும் வாடிக்கையாகி வருகிறது.

இந்த வகையில், ஆஸ்திரேலியாவில் உள்ள ‛ரெட் பபுள்‛
என்ற ஆயத்த ஆடை தயாரிப்பு நிறுவனம், பெண்கள் அணியும்
லெக்கின்சில் சிவன், விஷ்ணு, பிரம்மா, கிருஷ்ணர், வினாயகர்,
துர்க்கை, லட்சுமி, முருகன், சரஸ்வதி, அனுமன், காளி உள்ளிட்ட
பல இந்து தெய்வங்களின் உருவங்கள் அச்சிடப்பட்ட
லெக்கின்ஸ்களை சமீபத்தில் விற்பனைக்கு விட்டுள்ளது.

இதற்கு இந்துக்கள் தரப்பில் கடும் அதிருப்தியும், கண்டனமும்
தெரிவிக்கப்பட்டுள்ளது. யுனிவர்சல் சொசைட்டி ஆப் இந்துயிசம்
என்ற அமைப்பின் தலைவர் ராஜன்ஜெட் வெளியிட்டுள்ள
அறிக்கையில், ‛உலகின் மிகப் பழமையான இந்து மதத்திற்கு
இழிவு ஏற்படுத்தும் வகையில் இதுபோன்ற செயலில் ரெட்பபுள்
நிறுவனம் ஈடுபட்டுள்ளது.

இது இந்துக்களை புண்படுத்தி உள்ளது. எனவே, ரெட் பபுள்
நிறுவனம் மன்னிப்பு கேட்பதுடன், இந்து கடவுள்களின்
படங்களோடு விற்பனைக்கு அனுப்பப்பட்டுள்ள அனைத்து
லெக்கின்ஸ்களையும் வாபஸ் பெற வேண்டும்,’ என்று கூறி
உள்ளார்.
–
————————————
தினமலர்

GunasekarenS · GunasekarenS Mon Oct 31, 2016 3:00 pm

பகிர்வுக்கு நன்றி.
படம் தயவுசெய்து நீக்கவும். பிற மதத்தினர், இந்து மதத்தினை தாக்கி பேசுவதும், இது போன்ற அநாகரீக செயல்களில் ஈடுபடுவதை நிறுத்திக்கொள்ளவும் எச்சரிக்கப்படுகிறார்கள். தவறும் பட்சத்தில் ஒத்துழையாமை, நகல் எரிப்பு போராட்டம் நடைபெறும். ஆஸ்திரேலியா, அமெரிக்கா, இங்கிலாந்து, கனடா, இத்தாலி, இன்னும் பிற நாடுகள் அனைத்தும் மனிதர்களை மதித்து நடக்க கற்றுக்கொள்வது நல்லது. இந்தியா மற்றும் இந்தியர்களை தவறாக நினைத்துக்கொண்டு செயல்படுவதை மாற்றிக்கொள்ள வேண்டும்.

**ayyasamy ram** · **ayyasamy ram** Mon Oct 31, 2016 3:12 pm

படம் நீக்கப்பட்டது...!
-

GunasekarenS · GunasekarenS Mon Oct 31, 2016 5:12 pm

மிகுந்த நன்றி.
எனது வேண்டுகோளுக்காக படம் நீக்கியதற்கு மிகுந்த நன்றி.
"ஆஸ்திரேலியா ரெட் பபுள் நிறுவனம் மன்னிப்பு கேட்பதுடன், இந்து கடவுள்களின்
படங்களோடு விற்பனைக்கு அனுப்பப்பட்டுள்ள அனைத்து
லெக்கின்ஸ்களையும் வாபஸ் பெற வேண்டும்" செய்யுமா?
நெஞ்சு பொறுக்குதில்லையே!

Sponsored content · Sponsored content

லெக்கின்சில் இந்து தெய்வங்கள்; ஆஸி., நிறுவனத்திற்கு எதிர்ப்பு

லெக்கின்சில் இந்து தெய்வங்கள்; ஆஸி., நிறுவனத்திற்கு எதிர்ப்பு

Re: லெக்கின்சில் இந்து தெய்வங்கள்; ஆஸி., நிறுவனத்திற்கு எதிர்ப்பு

Re: லெக்கின்சில் இந்து தெய்வங்கள்; ஆஸி., நிறுவனத்திற்கு எதிர்ப்பு

Re: லெக்கின்சில் இந்து தெய்வங்கள்; ஆஸி., நிறுவனத்திற்கு எதிர்ப்பு

Re: லெக்கின்சில் இந்து தெய்வங்கள்; ஆஸி., நிறுவனத்திற்கு எதிர்ப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக